Húsmóðir á sextugsaldri í Gullbringusýslu breyttist í ungling

  Þetta er frétt sem lýtalæknar hata og vilja þagga í hel.  Þetta er vel varðveitt leyndarmál sem framleiðendur Botox og snyrtistofur vilja ekki að þú fréttir af.  Alls ekki.  Þetta er saga af 53ja ára ráðsettri konu í Gullbringusýslu.  Á örfáum dögum breyttist hún í ungling.  Núna er hún með bullandi unglingaveiki,  hlýðir hvorki foreldrum sínum né öðrum,  djammar út í eitt,  vakir allar nætur og safnar úrklippum um Justin Bieber.  

  Það eina sem konan,  María,  gerði var að kaupa hræódýr útlensk krem.  Svokölluð yngingarkrem.  Kremin sjálf eru óvirk.  Það er trúin á kremin sem gerir gæfumuninn.  Trúin flytur fjöll og búslóðir.  

Athugasemdir

[Ásthildur Cesil Þórðardóttir, 1.9.2013 kl. 16:44]

Aumingja foreldrarnir að eiga svona ódælan ungling og óviðráðanlegan. 

[Sigurður I B Guðmundsson, 1.9.2013 kl. 17:37]

Veistu hvort það sé til svona krem fyrir miðaldra karlmann sem býr í sömu sýslu og þessi kona??!!

[Helga Kristjánsdóttir, 1.9.2013 kl. 23:33]

Gaman að sjá ,,Labba,, var eiginlega búin að gleyma þessum vini,ætla því að hlusta á hann.

[Jens Guð, 2.9.2013 kl. 19:21]

  Ásthildur Cesil,  þetta er erfitt fyrir foreldrana.

[Jens Guð, 2.9.2013 kl. 19:22]

  Sigurður I.B.,  ég er viss um að það sé gott framboð á svona kremum fyrir miðaldra karla í Gullbringusýslu.

[Jens Guð, 2.9.2013 kl. 19:22]

  Helga,  er Steindór kallaður Labbi?