Svíakonungur fer á kostum - spaugilegar myndir

  Sérkennileg kímnigáfa Karls Gústafs Svíakonungs birtist á fleiri vegu en í sérkennilegum orðatiltækjum og tilsvörum.  Illar tungur - sem ég tek ekkert mark á - segja að Kallinn sé einfaldlega nautheimskur en ekki húmoristi.  Hann bulli út í eitt sem nævisti.  Sé hinn raunverulegi Forrest Gump.    

  Kalli er sjúklega sólginn í höfuðföt af öllu tagi.  Honum þykir ekki verra að þau séu undarleg.  Kallinn má hvergi rekast á kjánalegan höfuðbúnað án þess að festa kaup á honum.  Síðan verður hann viðþolslaus að viðra sig með húfuna á opinberum vettvangi.

  Inn á milli bráir galsinn af kallinum og hann setur upp virðulegar húfur eða kórónur.  Á heimasíðu konungs,  annarra í konungsfjölskyldunni og konungsembættisins má finna margar skemmtilegar myndir af húfusnatanum.

„Hún er svo veik að það þarf að skera af henni eyrun“

Athugasemdir

[Stefán (IP-tala skráð) 9.9.2013 kl. 08:55]

Sumir vilja nú meina að svíakonungur eigi sér einstakan tvífara á íslandi í Vigdísi Hauksdóttur - Og talandi um framsóknarmenn sem nú eru allsráðandi í þjóðfélaginu, að þá er Kaupfélag Skagfirðinga orðið í forysti með verðhækkanir á matvörum. Kaupfélag Skagfirðinga er sem sé ekki með einokun á öllum sviðum bara í Skagafirði, heldur eru völdin orðin slík að þeir gera út heilan utanríkisráðherra og völd KS teigja sig því orðið út um allan heim.       

[Hvumpinn, 9.9.2013 kl. 09:26]

Svíakóngi er vorkunn, fastur í hrútleiðinlegu hlutverki.  Eitthvað verður að gera sér til gamans, þó svo að eitthvað sé búið að doktora við myndirnar að ofan.

[Þjóstólfur (IP-tala skráð) 9.9.2013 kl. 10:07]

Ég sé mikla kaldhæðni og beinskeytni út úr þessu, einkum augljóst á myndinna af múslimunum...í bland við smá geggjun...

[ls (IP-tala skráð) 9.9.2013 kl. 11:12]

Einhversstaðar las ég að nefndur kóngsi sé lesblindur. Það var hér í eina tíð talið hið mesta heimskumerki að geta ekki lært almennilega að lesa.

ls.

[Steini (IP-tala skráð) 9.9.2013 kl. 12:26]

Að vera konungur á Vesturlöndum er skrítið líf og getur ekki getið af sér annað er skrítnar persónur. Norsk prinsessa spjallar við engla.

[Gunnar Th. Gunnarsson, 9.9.2013 kl. 16:15]

lélegt og ófyndið fótoshop í helmingnum af myndunum

[Jens Guð, 9.9.2013 kl. 18:17]

  Stefán,  það er heilmargt skrýtið í gangi hjá KS.

[Jens Guð, 9.9.2013 kl. 18:18]

  Hvumpinn,  já,  eflaust er þetta leiðinlegt hlutverk.  Á móti kemur að það fylgja því einhver fríðindi.

[Jens Guð, 9.9.2013 kl. 18:19]

  Þjóstólfur,  það er eitthvað sprell í gangi.

[Jens Guð, 9.9.2013 kl. 18:20]

  Is,  samkvæmt mínum heimildum er hann ekki beinlínis lesblindur heldur meira það sem kallast leslatur.

[Jens Guð, 9.9.2013 kl. 18:20]

  Steini,  kosturinn er sá að fólk getur afsalað sér konungstign og því öllu.

[Jens Guð, 9.9.2013 kl. 18:22]

  Gunnar Th.,  þær eru bara til samanburðar á hinum helmingnum.  Það er hann sem er sá fyndni.