Kleppur er víða

 

 

 

 

 

 

 

  Íslendingar hafa löngum hlegið að heimsku bræðranna á Bakka í Svarfaðardal,  þeim Gísla, Eiríks og Helga.  Heimildir herma að þeir hafi verið svo illa gefnir að einföldustu verk þvældust fyrir þeim og enduðu iðulega í klúðri.  Áreiðanlegustu heimildir herma að þannig hafi það verið en þekktustu sögurnar af Bakkabræðrum eru þó innfluttar frá Bretlandi.  Það eru flökkusögur sem margir kannast einnig við sem sögur af dönsku Molbúum.

 

 

 

 

 

 

 

 

 

  Við þurfum ekki lengur innfluttar sögur af vitleysisgangi.  Af nógu er að taka hér á höfuðborgarsvæðinu.  Gott dæmi: Þessa dagana skiptist starfsfólk umhverfis- og skipulagssviðs á við lögregluna um að koma fyrir og fjarlægja litríkar gangbrautir í Laugardal.  

  Starfsfólk umhverfis- og skipulagssviðs kemur gangbrautunum niður og lögreglan rífur þær upp jafn óðum.  Þannig hefur það gengið fyrir sig í dag.  Líklegt er talið að þetta haldi áfram fram eftir helgi.  Enda fátt annað að gera á þessum tíma árs.  Lögreglustjórinn útskýrði framgöngu lögreglunnar með þeim orðum að enginn hafi gefið lögreglunni fyrirmæli um að fjarlægja EKKI litríku gangbrautirnar.  

  Verktakar sem breyttu Hofsvallagötunni í hjólreiðavæna götu á dögunum lentu í svipuðu atviki.  Þeir höfðu ekki undan að merkja hjólreiðastíga í skærum litum.  Starfsmenn Reykjavíkurborgar spúluðu merkingarnar jafn harðan í burtu.   Það var ekki fyrr en fjölmiðlar komust í málið sem lát varð á þráteflinu.

  Á Seltjarnarnesi stóð lengi á stalli glæsilegur skúlptúr eftir Sigurjón Ólafsson.  Þegar World Class byggði æfingastöð á Nesinu átti að færa skúlptúrinn.  Það tókst ekki betur til en svo að honum var fyrst komið fyrir í geymslu og síðar hent þaðan út með "öðru" rusli.  Að lokum fannst hann í reiðuleysi og allur í klessu úti á túni innanum drasl.  

   

 

 

 

 

 

  Mynd tekin af www.eirikurjonsson.is

Athugasemdir

[Grrr (IP-tala skráð) 28.9.2013 kl. 15:13]

Magnaðast er tvískinnungur Gnarrs hvað varðar réttindi samkynheigðra.

Hann vill/vildi slíta vinskap við rússa fyrir það að virða ekki rétt samkynhneigðra, en hann gefur múslimum (í trúarriti þeirra eru samkynhneigðir réttdræpir) eina bestu lóð landsins til að stofna útibú, til að viðhalda þeim hatursboðskap.

"The Hadith and homosexuality: The Hadith are collections of sayings attributed to Muhammad. Many Hadiths (ahadith) discuss liwat (sexual intercourse between males). Two examples are:

"When a man mounts another man, the throne of God shakes."

"Kill the one that is doing it and also kill the one that it is being done to." (in reference to the active and passive partners in gay sexual intercourse)

[Grrr (IP-tala skráð) 28.9.2013 kl. 15:14]

Vantaði heimildina, http://www.missionislam.com/knowledge/homosexuality.htm

Þetta er s.s. pro íslam síða

[Jens Guð, 29.9.2013 kl. 22:43]

   Grrr,  bækur eru varasamar.