Þvottur á höndum léttir lund

  Vísindaleg rannsókn,  framkvæmd í Háskólanum í Cologne,  hefur nú staðfest niðurstöðu sem kom út úr hliðstæðri vísindalegri rannsókn,  framkvæmdri í Háskólanum í Michigan fyrir tveimur árum.  Báðar rannsóknirnar snérust um þvott á höndum;  hvaða áhrif hann hefur á andlega líðan fólks. 

  Niðurstaðan var afgerandi og óvænt:  Þvottur á höndum léttir lund svo um munar.  Því betur og rækilegar sem fólk þvær hendur sínar þeim mun glaðværara og hamingjusamara verður það.  Þegar hendurnar eru skrúbbaðar í bak og fyrir með bursta svífur fólk á bleiku hamingjuskýi lengi á eftir.  

  Sálfræðilega skýringin á þessu er sú að á meðan hendurnar eru þvegnar þá notar undirmeðvitundin tækifærið og losar sig við sektarkennd,  minnimáttarkennd,  neikvæðni og aðrar niðurbrjótandi hugsanir.  Eftir stendur manneskjan með tandurhreinar hendur,  sjálfsöryggi og jákvæðar hugsanir.

  Næst þegar þú sérð reiða,  bitra og neikvæða manneskju þá veistu um leið að hún hefur ekki þvegið sér um hendur.  Við höfum séð þetta í umræðuþáttum í sjónvarpi.  Þangað hafa einstaklingar mætt úr jafnvægi,  kófsveittir og æstir.  Ef þeir bara hefðu haft rænu á að þvo sér um hendur eftir klósettferðir þá væru þeir ljúfir sem lömb;  ósveittir og sáttir í sínu skinni.     

   Gott dæmi um mann sem þvær sér aldrei um hendurnar.   

Athugasemdir

[Ásthildur Cesil Þórðardóttir, 8.11.2013 kl. 02:18]

Hahahaha...

[Stefán (IP-tala skráð) 8.11.2013 kl. 11:13]

Aha, þessa vitneskju hefðu nú Gísli Marteinn og jólalagasöngvarinn ekki háttvirti þurft að hafa fyrir síðasta Sunnudagsmorgun, þá hefði Gísli Marteinn líklega skellt karlinum í sturtu með róandi olíum og úðað á hann svitaspreyi með rósailmi fyrir útsendingu.   

[Axel Jóhann Hallgrímsson, 8.11.2013 kl. 15:38]

Bláa höndin þyrfti á rækilegum handþvotti að halda. Það tæki vafalaust einhver misserin að skola alla óhæfuna af þeim krumlum, þótt stíft væri við setið.

[Sigurbjörg Sigurðardóttir, 8.11.2013 kl. 20:37]

Alltaf gaman að lesa þig.

[Grrr (IP-tala skráð) 8.11.2013 kl. 20:38]

Það er einhver sem að gagnrýnir leikrit, sem að þarf virkilega að þvo á sér hendurnar

[Sigurbjörg Sigurðardóttir, 8.11.2013 kl. 20:40]

Fylgist með þér þó ég geri ekki koment

[Jens Guð, 8.11.2013 kl. 20:53]

  Ásthildur Cesil,  takk fyrir innlitið.

[Jens Guð, 8.11.2013 kl. 20:54]

  Stefán,  góður!

[Jens Guð, 8.11.2013 kl. 20:58]

  Axel Jóhann,  það er næsta víst.

[Jens Guð, 8.11.2013 kl. 21:02]

  Sigurbjörg,  takk fyrir það.

[Jens Guð, 8.11.2013 kl. 21:03]

  Grrr,  mig grunar að ég viti til hvers þú vísar. 

[Jens Guð, 8.11.2013 kl. 21:04]

  Sigurbjörg (#6),  gaman að heyra.

[Ingveldur Halla Kristjánsdóttir (IP-tala skráð) 8.11.2013 kl. 23:45]

Mér dettur í hug að handþvotturinn örvi líka taugaenda sem skili sér í betri líðan svona svipað eins og bænabönd gera og jafnvel góður hárþvottur á hárgreiðslustofu.

[Jens Guð, 9.11.2013 kl. 00:08]

  Ingveldur Halla,  þetta er áreiðanlega rétt hjá þér.  Það eru margir taugaendar í höndum.  Fyrir mörgum árum gisti ég í lélegu rúmi í sumarbústað.  Afleiðingin varð sú að hálsinn á mér festist.  Ég gat ekki hreyft hann til hliðar.  Þetta var lagað með leisergeisla á svokallaða orkupunkta (acupuncture).  Geislanum var einungis beitt á svæði á milli þumals og vísifingurs.  Tók aðeins nokkrar sek.  Það heyrðist smellur í hálsinum á mér og hálsinn losnaði með það sama úr festi.