Áríðandi að eyða þessum ljósmyndum

  Kanadískur söngvari,  Justin Bieber,  telur sig vera næstum því búinn að venja sig af því að hrækja yfir aðdáendur sína.  Hann er með smávegis bakþanka yfir hrákaslummunum.  Skammast sín pínulítið.  Þess vegna biðlar hann til allra að eyða ljósmyndum af uppátækinu af Fésbók,  bloggsíðum og öllum öðrum stöðum.  Hann vill að myndirnar hverfi með öllu og fyrir fullt og allt úr netheimum og sjáist aldrei aftur.  Þær skaða ímynd söngvarans, alveg eins og Gillz og Egill skaða ímynd hvors annars.

  Mér finnst sjálfsagt að hlaupa undir bagga hjá Justin svo að hann endurheimti flekklausa ímynd.  Ég leitaði myndirnar umræddu uppi á netinu til að átta mig á því hvaða myndir það eru sem þurfa að hverfa úr netheimum.  Ég hvet ykkur til að dreifa myndunum út um allt:  Á Fésbók,  á bloggsíðum,  á heimasíðum og hvar sem því verður viðkomið.  Til að bón Justins verði uppfyllt þurfa allir að vita hvaða myndir þetta eru.  Annars er hætta á að fólk eyði vitlausum myndum.

 

Athugasemdir

[Helga Kristjánsdóttir, 12.11.2013 kl. 05:36]

Greyið þolir illa að vera dáður og stöðugt í sviðsljósinu. Hann lætur nær oftast bíða eftir sér.þar sem hann kemur fram,þau urðu vitni að einni slíkri nokkuð langri bið,barnabörnin mín. Miðað við ferli annara slíkra söngstjarna,gengur þetta yfir einhver ár,þá hefst betrunartími og tilkynningar um hann,meðan hann enn hefur efni á að launa pr.menn. Justin,verður þreyttur á sjálfum sér áður en flestir aðdáendur uppgötva annan.

[Stefán (IP-tala skráð) 12.11.2013 kl. 08:40]

Ræfils tuskan hann Juster Bieber er klárlega einhver all ómerkilegasti tónlistarmaður sem komið hefur frá Kanada. Eitthvað annað en afmælisbarn dagsins, meistari Neil Young.  Það hefur líka mikið af fínum hljómsveitum komið frá Kanada, s.s. The Band, Steppenwolf, Guess Who, Backman-Turner Overdrive, Rush, Saga, Lowerboy, Ceash Test Dummies, Tubelo Honey, Urgent, Anvil, April Wine og Arcade Fire. Einnig tónlistarmennirnir Paul Anka, Ronnie Hawkins, Leonard Cohen, Jony Mitchell og Beck. Allt mun frambærilegri listamenn en Justin Bieber.