Íslenska þakkagjörðarhátíðin

 

 

 

 

 

 

 

 

 

   Elsta heimild um íslensku þakkargjörðarhátíðina,  slægju,  er í sögu af Ólafi Noregskonungi digra (hann var assgoti búttaður og þrútinn).  Ólafur (konungur 1015 - 1028) spurði Íslending hvort að satt sé að bændur gefi húskörlum sínum hrút til slátrunar á haustin.  Íslendingurinn kannaðist við það.  Þannig var heyskaparlokum fagnað og fé komið af fjalli.  Noregskonungur mælti þegar í stað fyrir um að Íslendingar í hans liði skuli fá hrút til slátrunar.  Reyndist þar vera um óvin Ólafs digra að ræða,  Hrút að nafni.  Íslendingarnir létu ekki segja sér það tvisvar.  Þeir slátruðu Hrúti þegar í stað og öllum hans mönnum.      

 

Athugasemdir

[Helga Kristjánsdóttir, 24.11.2013 kl. 01:58]

Skömm er að þessum þrjótum.

[Grrr (IP-tala skráð) 24.11.2013 kl. 11:19]

Þó fyrr hefði mátt vera, þá var feiti, kristni kóngurinn veginn í Stiklastaðaorrustu.

Það er magnað að það hafi verið hægt að troða inn í norrænt fólk að "kristni" og gyðingatrú sé okkar menning.

[Víða ratað. (IP-tala skráð) 24.11.2013 kl. 12:40]

Það er vanvirðing í því að halda Þakkargjörðarhátíðina án þess að gera sér grein fyrir uppruna hennar og tilgangi hennar og eiga eitthvert tilkall til hennar. Þakkargjörðarhátíðin er til að þakka fyrir það góða í lífinu. Hún er fjölmenningarleg hátíð, til að sameina fólk af ólíkum uppruna. Hvort uppruni hennar sé þessi tiltekni dagur, þegar hvítu mennirnir og Indjánarnir settust niður við málsverð er óvíst. Margir segja þessa hátíð í raun æfaforna og hafa verið til meðal Indjána, sem höfðu þann sið að slátra kalkún á þessum degi. Ekki veit ég fyrir víst hvort það er rétt. Hitt er annað mál að uppruni margra hluta er annar en fólk heldur. Þar á meðal Íslendinga sem Grrr ranglega telur "norræna", þó erfðarannsóknir sanni ekki bara að þjóðin er að stærstum hluta keltnesk (og útskýrir írskur uppruninn það að við höfum, ólíkt norrænum þjóðum, skrifað neitt að ráði og verið yfirhöfuð læs, því Írar voru mesta bókmenntaþjóð norður- og mið-Evrópu á þessum tíma.) Einnig útskíra írsku genin að Kristndómur kom hingað með ekki meiri látum en raun bara vitni. Þetta var í blóðinu á okkur. Bretar voru kristnir öldum áður en aðrar þjóðir tóku við trúnni og helgast það af öðrum ástæðum en flestir geta gert sér í hugarlund og hafa með líffræðilegan og menningarlega uppruna þeirra að gera, en það er annað mál. Erfðarannsóknir hafa líka sýnt að þúsundir Íslendinga eru með Indjánablóð, því hingað voru Indjánarfengnir, og mun stærri hluti íslensku þjóðarinnar er af Afrískum uppruna en gengur og gerist á Norðurlöndum nema innflytjendur, því Hans Josef, sem á hér þúsundir afkomanda, var ekki eini blökkumaðurinn hér. Hingað barst líka Tyrkneskt blóð með Tyrkjaráninu og hér blandaði sér fólk meðal íbúanna sem kallaði sig Dani og Þjóðverja (og þetta voru ekki "vondu" Danirnir), en var eitthvað allt annað. Allt þetta auðgar okkar menningu á hátt sem ekki allir skilja. Þannig að hver er okkar trú? Það er góð spurning en ekki auðsvarað. Við erum flest afkomendur fólks sem var heiðið, fólks sem lét lífið fyrir kaþólska trú (því við erum nær öll afkomendur biskupsins sem var hér myrtur) og afkomendur manna sem börðust og hættu lífinu fyrir lúterskan sið. En það er bara hálfsagan. Við erum afkomendur heiðinna kelta, og Kelta sem ástunduðu sérútgáfu af Kristninni sem er allt öðruvísi en venjuleg kaþólska. Og við erum afkomendur annarra þjóð flest hver, Afrískra og Asískra, eða Indjána Noðrur Ameríku og þetta er allt í blóðinu á okkur, og sum hver erum við blóðlega skyld þjóð Jesús Krists eða nágrönnum þeirrar þjóðar og vitum það bara ekki. Sá sem takmarkar sig við einn af þessum upprunum sínir með því þrælslund. Þrælslund sem var barin inn í forfeður hans sem neituðu að skrifa ambáttir inn í ættartölurnar og rangfeðruðu börn þrælanna, en rannsóknir á genum okkar segja samt sitt. Svo Íslenski maðurinn sem segir "Ég er norrænn víkingur" er eins og maðurinn frá Texas með breiða nefið og hrokkna hárið sem segir "I am 100% white", en veit það innst inni að margir forfeðra hans voru hrjáðir þrælar. Við erum í nákvæmleg sömu sporum og hann og nákvæmlega jafn fíflaleg ef við afneitum eigin uppruna. Útlit og gerð Íslendinga stenst ekki nazískar kröfur heldur, haldir þú það. Hingað var farinn leiðangur og virtu nazistarnir fyrir sér þjóðina og fylltust vonbrigðum, því hún var ekki bara keltnesk að sjá heldur önnur áhrif, svo sem samísk, greinileg. Þannig að þú verður aldrei Aríi og ert ekki "norrænn" nema að litlu leyti, kæri Grrr, og ættir bara að velja þér trú eftir lundarfari, hafir þú tilhneigingu til trúar það er að segja, hvort sem hún er Hindúismi eða hvað sem er. Arfur mannkyns er sameining hans alls.

[Grrr (IP-tala skráð) 24.11.2013 kl. 14:22]

"Þannig að þú verður aldrei Aríi og ert ekki "norrænn" nema að litlu leyti, kæri Grrr, og ættir bara að velja þér trú eftir lundarfari, hafir þú tilhneigingu til trúar það er að segja, hvort sem hún er Hindúismi eða hvað sem er. Arfur mannkyns er sameining hans alls."

Hvergi minntist ég á aría - eða gen eða hvað sem þú virðist hafa lesið í.

Ég var að tala um menningu og hver maður sem að gluggar í biblíuna getur séð hversu fjarlæg sú (ó)menning er menningunni á norrænum slóðum.

Til að mynda var talað um víti sem brennandi heitt, en þegar að það var verið að boða það bull á köldum stöðum, þá hljómaði heitur staður ekki svo slæmur.

Sú útgáfa af hita og þorsta hljómaði ansi illa fyrir þá sem að voru í kringum eyðimörkina.

Ég efast um að það séu margir umskornir á okkar slóðum og svo mætti telja nánast endalaust upp.

[Jens Guð, 24.11.2013 kl. 23:25]

  Helga,  Íslendingar voru geggjaðir fyrir 1000 árum. 

[Jens Guð, 24.11.2013 kl. 23:29]

  Grrr,  okkar heiðnu forfeður áttu marga guði og gyðjur.  Þegar forfeðrunum var með ofbeldi og hótunum gert að taka trú á Jesú,  Maríu og barnsföður hennar var það ekkert meiriháttar mál.  Það munaði litlu um að bæta þessu tríói í guðahópinn.   

[Jens Guð, 24.11.2013 kl. 23:50]

  Víða ratað,  ég hef til nokkurra ára rannsakað þakkargjörðardaginn.  Bæði lesið mér til og einnig rætt við fróða áhugamenn í Kanada,  Bandaríkjunum,  Bretlandi og víðar um þakkargjörðardaginn.

  Ég held að ég taki saman fróðleiksmola og skrifi sér bloggfærslu um dæmið fremur en koma með langloku hér.  Það er kannski við hæfi að birta þá bloggfærslu á fimmtudaginn (þakkargjörðardaginn í Bandaríkjunum í ár).

  Þangað til vil ég taka fram að þakkargjörðardagurinn var haldinn hátíðlegur af indíánum löngu áður en þeir héldu hann hátíðlegan með enskum pjúrítönum nýflúnum til Bandaríkjanna.  Pjúrítanarnir þekktu svona uppskeruhátíð líka frá Englandi.  Þessi árlega sameiginlega uppskeruhátíð indíána og ensku pjúritanana var fyrstu árin einfaldlega kölluð uppskeruhátíð.  Nafnið þakkargjörðardagur kom löngu síðar til sögunnar.  Eldri var þakkargjörðardagur í Kanada sem reyndar var ekki uppskeruhátíð heldur árleg hátíð til fagnaðar yfir því að hópur enskra skipbrotsmanna bjargaðist og náði landi í Kanada.    

[Jens Guð, 24.11.2013 kl. 23:59]

  Grrr (#4),  ég tek undir með þér að safn mörg þúsund ára gamalla þjóðsagna frá Palestínu stangast á við íslensku þjóðarsálina.  Þetta er allt annað dæmi.  Íslendingum er eðlislægt að vera heiðnir.  Það birtist á svo mörgum sviðum.  Okkur er tamt að tala um veðurguði (í fleirtölu).  Meirihluti Íslendinga trúir á álfa,  huldufólk og aðra vætti.  Vegir eru lagðir í krók framhjá álfabyggðum - með tilheyrandi kostnaði og óhagræði.  Það er krúttlegt.  

[Jens Guð, 25.11.2013 kl. 00:14]

  Ég er í Ásatrúarfélaginu.  Við stundum ekki trúboð.  Það er regla.  Ég gekk formlega í Ásatrúarfélagið 1999.  Þá voru 300-og-eitthvað í félaginu.  Í dag eru á þriðja þúsund í Ásatrúarfélaginu.  Einn vinur minn, ungur maður,  var dálítið upptekinn af Jesú og setti markið á að verða predikari.  Hann rúntaði á milli Fíladelfíu og Krossins.  Hans drakk í sig fróðleik um trúmál úr öllum áttum.  Á þessu ári skipti hann um formlega um trúfélag.  Gekk í Ásatrúarfélagið. 

  Annar vinur minn er launaður starfsmaður svokallaðs sértrúarsafnaðar.  Hann er líka mjög virkur í félagslífi safnaðarins.  Í fyrra fór hann að finna fyrir því að Óðinn,  Þór og Týr vildu eiga við hann erindi.  Þeir eru ekkert að kalla hann frá hans sértrúarsöfnuði.  Alls ekki.  Þeir vilja leggja Jesú og guði lið við að styðja við manninn og vera honum innanhandar þegar á reynir.  

[Víða ratað (IP-tala skráð) 25.11.2013 kl. 00:27]

Þjóðir hafa ekki sérstök eðliseinkenni, og eru í reynd ekki til. Einstaklingar eru til. Mannkynið er til. Og öll trúarbrögð eru jafn arfur alls mannkyns. Vilji Ghanabúi gerast Ásatrúar má hann það vel. Og sé eitthvað í Búddhatrú sem höfðar til þín, þá ættir þú endilega að gerast Búddhatrúar. Menn eru ekki heldur takmarkaðir af náttúrunni á tímum alþjóðavæðingarinnar þegar mannkynið er að renna saman í eitt. Ég dvaldi nógu lengi í Afríku til að geta vel ímyndað mér helvíti sem hita. Bráðum verður sá maður vart til sem ekki hefur farið til Afríku. Alþjóðaþorið er að verða að veruleika. Hlakka til að heyra fyrirlesturinn um Þakkargjörðarhátíðina. Við erum afarmörg Indjánar og margir yrðu hissa ef þeir færu upp í Erfðagreiningu til að fá úr því skorið. Þeir gera sér ekki enn grein fyrir umfanginu. Fjölmenning er ríkidæmi. Því fleiri þjóða, trúarbragða og hefða sem þú getur rakið þig til því betra. Og kalli ein á þig sem þú þekkir ekki, farðu bara út í það. Afrískir ættbálkar og frumskógarmennirnir í Amazon eru sumir til í að vígja þig inn í sína leyndardóma. Kannski varstu þar í fyrra lífi. Kannski áttu forfeður sem þú veist ekki af. Kannski ertu bara þannig gerður fyrir tilviljun að þar áttu heima. Ekki hlýða forfeðrum í blindni. Sér í lagi ekki í ljósi þess að hann Kári er búinn að sanna það flestir forfeðrar þínir voru "neyddir" til að verða víkingar. Það er engin "norræn" þjóð jafn keltnesk og við þegar kemur að genunum. Við erum þannig dálítið svipuð rednecknum með breiða nefnið sem heldur því fram hann sé "bara" hvítur og "eigi" að vera ásatrúar (eins og margir nýnazistar því miður eru, sem kastar ekki rýrð á venjulega, heiðarlega íslenska ásatrúarmenn).

[Víða ratað (IP-tala skráð) 25.11.2013 kl. 00:30]

"með breiða nefið" (og svörtu genin). Meirihluti forfeðra okkar var írskt undirmálsfólk. Og það eru Írarnir sem komu með álfatrúnna, en ekki Skandinavarnir. Og þeir hafa hana enn. Og sama húmor. Og sama útlit. Og sömu skáldskaparáráttu. En Norðmenn? Líkjast þeir okkur? Nei...Það er ímyndun sem er sprottin af æfafornri minnimáttarkennd. Við erum Írar í víkingagæru. Spurðu bara Kára. Engu að síður, eigir þú heima í Ásatrú, vertu þar. Gerðu þér samt grein fyrir því margir forfeðra þinna voru neyddir til að hlýða Ásatrúarmönnum sem höfðu rænt þeim. Og að margir aðrir forfeðra þinna dóu fyrir ýmis önnur trúarbrögð. Til að mynda eru nær allir Íslendingar afkomendur síðasta kaþólska biskupsins! Svo taktu engin trúarbrögð of hátíðlega. Þú ert blendingur. Og það er auðlegð. Það verður gaman að heyra meira um Þakkargjörðarhátíðina.

[Víða ratað (IP-tala skráð) 25.11.2013 kl. 00:31]

Hluti svarsins er til Grrr, hluti til Jens, örugglega ruglandi. Fattaði það því miður of seint.

[Jens Guð, 25.11.2013 kl. 01:50]

  Víða ratað,  bestu þakkir fyrir þessar áhugaverðu vangaveltur og fróðleiksmola.  Ég tek engin trúarbrögð hátíðleg.  Einstaklingar sem eru á lífi í dag bera enga ábyrgð á hegðun forfeðra okkar.  Ég ólst upp í messusókn á Hólum í Hjaltadal.  Pabbi var meðhjálpari.  Prestar ríkiskirkjunnar og trúboðar Fíladelfíu voru tíðir langdvalagestir heima hjá mér.  Móðurbróðir minn,  Jón Kr. Ísfeld,  var landsþekktur prestur. 

  Ég tek undir orð þín um að fjölmenning sé ríkidæmi.  Í næstum aldarfjórðung var ég giftur hálf-bandarískri konu.  Börn mín eru með bandarískan ríkisborgararétt sem Cherokee indíánar.   

[Víða ratað. (IP-tala skráð) 25.11.2013 kl. 11:33]

Þú ert ríkur maður. Orðin með að taka trúarbrögð ekki of hátíðlega voru frekar hugsuð til Grrr. Fínt að taka hlutina hátíðlega, svona til að vera í hátíðarskapi, en ekki til að takmarkan sjálfan sig og heiminn og skilgreina sig og valkosti sína ofurþröngt eftir uppruna eða grasblettinum sem vill svo til maður fæddist á. Til hvaða ættbálks, það er að segja fyrstu þjóðar, má rekja Þakkargjörðarhátíðina? Þetta verður spennandi pistill hjá þér, svo mikið er víst.

[Jens Guð, 26.11.2013 kl. 00:22]

  Víða ratað,  þetta voru Patuxet,  Squanto og Wampaoag.  Indíánrnir voru næstum 100 og pjúritanarnir hálfu færri.