Nýja íslenska jólalagið sem er að slá rækilega í gegn

  Í gærkvöldi setti Þórður Bogason inn á youtube splunkunýtt frumsamið jólalag,  "Biðin eftir aðfangadegi".  Það var eins og kveikt á flugeldi.  Lagið rauk af stað í einskonar jó-jó þvers og kruss um Fésbók.  Ég hef aldrei séð annað eins flug á þeim vettvangi.  Í "commentakerfi" Fésbókar var laginu fagnað og það hlaðið lofið í bak og fyrir.  Margir lýsa því sem flottasta íslenska jólalagi síðustu ára.  Sumir nota tækifærið og hæða 2ja stjörnu (skv. mbl.is) jólaplötu "Ekki háttvirts" um leið og þetta lag er rómað sem hinn fullkomni jólasöngur.  Ég hef ekkert heyrt af jólaplötu "Ekki háttvirts" (hlusta ekki á Bylgjuna) og tek því ekki þátt í þeirri umræðu.  

  Fyrir minn smekk er jólalag Þórðar Bogasonar virkilega grípandi og gott jólalag.  Það hefur alla eiginleika til að verða sívinsælt jólalag.  Eitt útspilið er hvernig lagið er brotið upp með örstuttu ágengu rokkgítarsólói.  Til viðbótar við hvað laglínan er sterk bæði í versi og viðlagi.  Trompin eru lögð á borðið á færibandi. 

  Hljómsveitin Foringjarnir er skráð fyrir laginu.  Mér virðist þó sem að þetta sé sólóverkefni Þórðar Bogasonar,  söngvara,  lagahöfundar,  textahöfundar og gítarleikara.  En skiptir ekki máli.  Jólalagið í ár og næstu ára.  Þegar ég smellti á lagið á youtube í gærkvöldi hafði það verið spilað 5 sinnum.  Í dag þegar ég sá hversu mjög rösklega því hafði verið deilt á Fésbók sá ég að það hafði verið spilað  500 sinnum á innan við sólarhring.  Ég man ekki eftir jafn rosalegum viðbrögðum.  

  Þetta er nýja íslenska jólalagIÐ (með ákveðnum greini).  Toppurinn í nýjum jólalögum 2013.  Dreifið laginu og leyfið öðrum að komast í rétta jólagírinn.    

   

Athugasemdir

[Númi (IP-tala skráð) 5.12.2013 kl. 00:15]

Einhvernvegin finnst mér ég kannast við laglínuna,eflaust meira og minna úr öðrum lögum heyrist mér.Þreytandi að hlusta á.

[Jens Guð, 5.12.2013 kl. 08:32]

  Númi,  það er sérkenni bestu laga sem verða sívinsæl að við fyrstu hlustun hljóma þau eins og gamall kunningi.  Síðan fylgja þau manni eins og góður vinur.  Þetta lag er eitt af þeim. 

[Stefán (IP-tala skráð) 5.12.2013 kl. 08:44]

Flott hjá Þórði Bogasyni, eitthvað annað en jólalummunurnar frá Bubba Morthens, sem minna helst á jólalagið frá Gunnar Braga utanríkisráðherra. 

,, Ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa ................ "

[Jens Guð, 5.12.2013 kl. 08:57]

  Stefán,  er þetta texti á jólaplötu "Ekki háttvirts"?

[Stefán (IP-tala skráð) 5.12.2013 kl. 10:32]

Nei, þetta er jólasöngur hæstvirts utanríkisráðherra, alltaf sami söngurinn þar ,, Ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa, ég er alveg hissa ........... "

[Ásthildur Cesil Þórðardóttir, 5.12.2013 kl. 17:21]

Búin að deila Jens minn.

[Jón Steinar Ragnarsson, 5.12.2013 kl. 20:04]

Ekki buinn að skifta yfir í koffeinlaust Stefán?

[Jens Guð, 5.12.2013 kl. 21:28]

  Stefán (#5),  þetta er undarlegur söngur hjá utanríkisráðherranum. 

[Jens Guð, 5.12.2013 kl. 21:30]

  Ásthildur Cesil,  ég sá það.  Bestu þakkir.  Lagið hefur verið spilað 800 sinnum á youtube á 3 dögum.  Glæsilegt.

[Stefán (IP-tala skráð) 6.12.2013 kl. 10:22]

Nei Jón Steinar, mér finnst koffínlaust kaffi vont og vona að þú fáir gott kaffi á hverjum degi eins og ég, en hver fjandinn ætli sé í kaffinu hjá háttvirtum utanríkisráðherra, sem ruglar hann svona í ríminu aftur og aftur ? 

[Markús frá Djúpalæk, 23.12.2013 kl. 09:51]

Var rétt í þessu að spila lagið á Jóla Sögu fm 89.0

[Jens Guð, 6.1.2014 kl. 20:57]

  Markús,  þú klikkar aldrei!