Alvarlegar rangfærslur

  Í fjölmiðlum í dag mátti heyra ýmsa góða manneskjuna kenna Dag elskenda,  Valentínusardaginn,  við Bandaríki Norður-Ameríku.  Sumir fussuðu yfir því að Íslendingar séu að apa eftir bandarískum ósiðum.  Aðrir létu þess getið að Dagur elskenda sé eldri en Bandaríkin.  Dagurinn eigi sögu aftur til 14 aldar í Evrópu.  

  Þar er sennilega vísað til Wikipedíu sem í þessu tilfelli segir aðeins hálfa sögu.

  Hið rétta er að þetta var heiðinn hátíðisdagur til forna.  Hann var kenndur við ástarguðinn Lupercus.  Kirkjan hafði horn í síðu hans.  Þegar fullreynt þótti að þessum heiðna hátíðisdegi yrði ekki útrýmt tókst kirkjunni að finna píslarvott,  Valentinus,  sem átti fæðingardag nánast á Degi elskenda.  Það munaði aðeins einum degi.  Málið var leyst með því að kirkjan uppnefndi heiðna hátíðisdaginn Valentínusardag.  Heiðingjar tóku því fagnandi.  Það var ekkert nema hið besta mál að þessi hátíðisdagur væri tekinn í sátt af kirkjunni.   

  Heimildir eru til um heiðna hátíðisdaginn frá því 4 öldum fyrir okkar tímatal.  

  Þetta er einfalda sagan af Degi elskenda.  Það er til flóknari útgáfa.  

Athugasemdir

[Jóhannes Laxdal Baldvinsson, 15.2.2014 kl. 02:29]

af hverju ekki að fletta upp í Britannicu í staðinn fyrir að rugla með staðreyndir?

http://www.britannica.com/EBchecked/topic/858512/Valentines-Day

[Ólafur Björn Ólafsson, 15.2.2014 kl. 11:29]

Rugla með staðreyndir???

Það er nú svo að est er að trúa sögunni frá Jens frekar en http://www.britannica.com/EBchecked/topic/858512/Valentines-Day ...

Ástæða þess að ég trúi frekar sögunni hans Jens er sú að flest það sem við notum sem kristna hátíðisdaga er upprunnið svo mikið lengra aftur í sögunni að kristnin var ekki orðin að hugsun þegar þær hátíðir voru haldnar. Skoðaðu sögu páskanna, Jólanna, og allra hinna daganna. Allar þessar hátíðir eru eldri en kristnin svo það er erfiðara að trúa þessari skáldsögu sem biblían er og þeim sem henni fylgja.

Með kveðju

[Jósef Smári Ásmundsson, 15.2.2014 kl. 14:23]

Ég hef reyndar heyrt aðra sögu um þennan Valentínusardag Jens og sel þá sögu ekkert dýrari en ég keypti hana. Þannig var að á tímum Rómaríkis kom upp tillaga frá keisaranum um að banna hermönnum að gifta sig vegna þess að það drægi úr "hernaðarmætti" þeirra.Þingmaður á rómverska þinginu að nafni Valentínus barðist gegn þessari tillögu með kjafti og klóm og síðan þá hefur þess verið minnst með þessum degi. Hvernig fór um tillöguna veit ég hins vegar ekkert um en það er nokkuð ljóst að heilagur Valentínus hefur aldrei verið til eins og fullyrt var á rás 2 fyrir nokkrum árum.

[Jens Guð, 15.2.2014 kl. 19:55]

  Jóhannes,  takk fyrir ábendinguna. 

[Jens Guð, 16.2.2014 kl. 00:17]

  Ólafur Björn,  Britannica kemur lítilllega inn á forsöguna,  ástarguð heiðingja og það allt saman. 

[Jens Guð, 16.2.2014 kl. 00:27]

  Jósef Smári,  það eru margar sögur í umferð um kauðann Valentínus.  Sumir telja að sögurnar eigi við um 3 eða 4 einstaklinga.  Aðrir telja að þessi Valentínus hafi aldrei verið til.  Kirkjan hafi búið til sögur til að "yfirtaka" Dag elskenda,  heiðna hátíðisdaginn.

  Áður en kirkjan snéri þessum hátíðisdegi upp á Valentínus gengu hátíðarhöld heiðingja út á það að ógiftar konur settu nafn sitt í pott.  Ólofaðir menn drógu nafn þeirra úr pottinum.  Þar með urðu þau par til eins árs.  Algengt varð að pörunin leiddi til hjónabands.  

[Gréta Hauks (IP-tala skráð) 16.2.2014 kl. 19:47]

Fyrir þá sem kunna að fletta upp í Wikipediu, þá er hér slóðin á færslu um kauða: http://en.wikipedia.org/wiki/Lupercalia

[Jens Guð, 16.2.2014 kl. 21:22]

  Gréta,  takk fyrir ábendinguna.