Fellir dægurlag morðingjann?

  Það hefur ekki farið hátt í íslenskum fjölmiðlum að illræmt dægurlag spilar hlutverk í réttarhöldunum yfir s-afríska hlauparanum og morðingjanum Óskari Pistorius.  Hlauparinn er sakaður um að hafa viljandi myrt kærustu sína í frekju- og afbrýðiskasti.  Hans vörn felst í því að þvert á móti hafi hann ætlað að vernda kærustuna fyrir hættulegum innbrotsþjófi.  Hann hafi fellt hinn meinta innbrotsþjóf með því að skjóta hann fjórum sinnum.  Síðar kom í ljós að ekki var um innbrotsþjóf að ræða heldur hafði hlauparinn skotið og myrt kærustuna.  Haldið að hún væri innbrotsþjófurinn.

  Í réttarhöldum yfir morðingjanum er dregin upp mynd af honum sem sjálfselskum,  stjórnsömum,  frekum,  afbrýðisömum,  ógnandi og byssudýrkandi skapofsamanni.  Sem dæmi um persónuleika hans og ógnandi framkomu er vísað í ökuferð kærustuparsins í kjölfar heiftarlegs rifrildis.  Þar á Óskar að hafa "blastað" á fullu illræmdu dægurlagi með hótandi texta,  Bitch, Don´t Kill My Vibe.  Í honum er viðmælandinn,  kona,  ítrekað ávörpuð með orðinu tík (bitch).  Í textanum er henni hótað dauða.  Þar segir meðal annars:  "Ég veit að þú verður að deyja á sársaukafullan hátt" (I Know You Had to Die in a Pitiful pain).

  Með því að spila þetta fyrir kærustuna í uppnámi er hlauparinn sakaður um að hafa notað texta lagsins sem hótun.  Hótun sem morðinginn stóð við.  Og hann hefur vondan músíksmekk.  

.  

--------------------------------------

 

  Allt annað:  Minnir þetta ekki einhvernvegin á hefðbundið viðtal við SDG? 

 

„Öskraði hún þegar þú skaust hana?“

Athugasemdir

[Ásthildur Cesil Þórðardóttir, 12.4.2014 kl. 10:16]

Satt að segja er ég orðin hundleið á að sjá grenjandi,slefandi, horlekandi og ælandi mann, finnst þetta allt vera leikur til að blekkja. Það er enginn vafi í mínum huga að hann drap konuna sína viljandi.

[ólafur (IP-tala skráð) 12.4.2014 kl. 15:38]

Sammála. það er bara ekkert eitt það er allt. Hún var td búin að marg leita til lögreglu vegna hótana og ofbeldis. Oskar þessi var svo búinn að senda henni hundruð sms skilaboð með hótunum og rugli. Svo voru nágranarnir búnir að heyra skelfingar öskur í konuni í marga tíma áður en skotthríðin hófst.

Og það er fleira og fleira. Hann vaknar við hljóð sem hann helur að komi kannski þaðan eða þaðan eða sé kannski jafnvel eitthver hér eða þar.. Já ok Svo hann nær í 9mm skammbyssu,setur á sig fæturna sér ekki að konan hanns er ekki í rúminu og ákveður svo að tæma magasínið gegnum hurðina á baðinu???

Ég á byssu og er búinn að eiga í 25 ár. Ég hef oft vaknað um miðja nótt við allt mögulegt.En aldrei hef ég farið skjótandi hér framm bara svona til að vera viss... Nei þetta er nokkuð opið mál finnst mér.

[Jens Guð, 13.4.2014 kl. 01:05]

Ásthildur Cesil, ég er algjörlega sammála þér.

[Jens Guð, 13.4.2014 kl. 01:20]

Ólafur, þessi maður hefur efni á að borga dýrum lögfræðingum fyrir vörn. Við munum eftir réttarhöldunum yfir O.J. Simpson. Vel launuð lögfræðigengi geta töfrað fram kanínur upp úr hattinum á ögurstundu. Saksóknari hefur ekki yfir að ráða jafn öflugum her.

Mér virðist samt sem þarna sé um borðliggjandi morð að yfirlögðu ráði að ræða. Ef við kaupum skýringu Óskars á vissu hans um innbrotsþjóf, segjum það bara. Konan hefur áreiðanlega rekið upp óp við fyrsta skot sem hún fékk í sig. Hefði hann ekki borið kennsl á röddina sem æpti? Þetta er allt svo götótt hjá honum. Hann segist ekki hafa tekið eftir að konan var ekki við hlið hans í rúminu. En hann segist hafa fyrst og fremst hugsað um að vernda hana.

Svo er það þetta sem þú bendir á: Nágrannar vitna um hávært rifrildi og öskur. Óskar kannast ekki við neitt slíkt. Hann er lygari, sjálfselskur og kaldrifjaður morðingi. Það hlýtur að verða niðurstaða réttarhaldanna.

[Björn Heiðdal, 13.4.2014 kl. 08:17]

Mér finnst það ekki skipta öllu máli hvort þetta var viljandi eða óviljandi.  Loka þarf manninn inni svo hann endurtaki ekki leikinn.  Eiginlega er það bara verra ef þetta var óvliljandi manndráp hjá honum. 

[Jens Guð, 13.4.2014 kl. 16:14]

Björn, þarna kemur þú með áhugaverðan punkt.

[DoctorE (IP-tala skráð) 14.4.2014 kl. 13:09]

Gaurinn er auljóslega snargeðveikur morðingi, menn þurfa að vera verulega skertir til að sjá ekki í gegnum bullið í honum

[Ásthildur Cesil Þórðardóttir, 14.4.2014 kl. 13:18]

Jamm og saksóknarinn með bein í nefinu sem betur fer.

[DoctorE (IP-tala skráð) 14.4.2014 kl. 16:01]

Ég hef verið að spá í því hvort gaurinn muni spila fram ósakhæfi vegna geðsjúkdóms á einhverjum tímapunkti

[Ásthildur Cesil Þórðardóttir, 14.4.2014 kl. 16:47]

Honum gæti alveg dottið það í hug, þegar hitt dugir ekki, þ.e. hræðslan við innbrotsþjóf sem lokaði sig inn á klósettinu hjá honum.