Bestu veitingastaðirnir

   Í gær kom út bók,  The White Guide Nordic.  Hún inniheldur lista yfir 250 bestu veitingastaði á Norðurlöndunum.  Listinn spannar yfir veitingastaði á Íslandi (9 staðir),  Færeyjum (2),  Svalbarða (1),  Svíþjóð (86),  Noregi (43),  Danmörku (71) og Finnlandi (38).  Ég veit ekki hvers vegna enginn grænlenskur staður er á listanum.  Það eru góðir veitingastaðir þar. 

  Staðirnir eru vegnir og metnir eftir samræmdum stöðlum. Svo virðist sem einungis "fínir" staðir í hæsta klassa komist inn á listann.  Engar hamborgarbúllur,  pylsuvagnar eða súpustaðir.  Gerð er ítarleg grein fyrir öllum stöðunum og þeir útlistaðir í bak og fyrir.  Þetta er fagmennska.   

  Í 1. sæti er Noma í Kaupmannahöfn í Danmörku.  Hann fær heildareinkunnina 96 af 100 og fyrir einungis matinn 39 af 40.

  Þrír staðir eru jafnir í 2.- 4. sæti með einkunnirnar 94 /39.  Þeir eru:

  Esperanto,  Stokkhólmi,  Svíðjóð.

  Faviken Magasinet,  Jarpen,  Svíþjóð.

  Geranium,  Kaupmannahöfn,  Danmörku.

  Í 5. sæti er Maaemo,  Ósló,  Noregi  93 /39

  Til að gera langa sögu stutta er hér stiklað á stóru um áhugaverð sæti:

 

 

 

 

 

 

 

 

 

 

 

 

  32.  Koks í Hótel Föroyar,  Þórshöfn,  Færeyjum  78 / 36

  98.  Dill,  Reykjavík  78 / 31

 113.  Vox á Hótel Hilton,  Reykjavík  75 / 30 

 133.  Kol,  Reykjavík  74 / 29 

 

 

 

 

 

 

 

 

 

 

 

 

 

 

 

 

 

 

 

 

 170.  Barbara,  Þórshöfn,  Færeyjum  71 / 29

 

 

 

 

 

 

 

 

 

 182.  Fiskmarkaðurinn,  Reykjavík  70 / 30

 221.  Fiskfélagið,  Reykjavík  67 / 28

 226.  Grillið,  Reykjavík

 241.  Slippbarinn,  Reykjavík

 

 

 

 

 

 

 

246.  Grillmarkaðurinn,  Reykjavík

 247.  Lava,  Grindavík  

Athugasemdir

[Gunnar Th. Gunnarsson, 17.12.2014 kl. 22:31]

Er þetta ekki einkasmekkur? Svona mat er alltaf huglægt.

[Jens Guð, 18.12.2014 kl. 00:12]

  Gunnar Th.,  jú,  þetta er að einhverju leyti spurning um smekk.  En með því að setja alla þætti undir samræmdan staðal er smekknum settar þrengri skorður.  Til að mynda þegar farið er yfir sjálfar veitingarnar út frá 40 atriðum (merkt x við þá þætti sem standast skoðun).  Það er nokkuð góður rammi.  Hann veitir töluvert meira aðhald en þegar verið er að gagnrýna bók,  kvikmynd eða tónlist í hefðbundinni umsögn.  

 Það spilar líka margt inn í svona sem skekkir nákvæma niðurstöðu.  Ég hætti að elda heima fyrir 15 árum.  Síðan borða ég bara á veitingastöðum.  Ég er áhugasamur um matreiðslu,  veitingar og samanburð á veitingahúsum.  Það er iðulega dagamunur á einum og sama réttindum á einum og sama veitingstaðnum.  Kokkurinn er í misgóðu formi.  Það er ekki alltaf einn og sami kokkurinn sem eldar frá morgni til kvölds.  Hráefni berast eldhúsi ekki alltaf í nákvæmlega sömu gæðum.  Þannig mætti áfram telja.

  Viðskiptavinurinn er þar að auki í mismunandi stellingum.  Einn skelþunnur svangur kúnni að morgni sækir í öðruvísi matreiðslu og öðruvísi hráefni en sá sem vill í góðum félagsskap eiga rómantískan kvöldverð í kjölfar þess að hafa púlað í ræktinni síðdegis.

  Bók á borð við The White Guide Nordic er leiðbeinandi en ekki skotheld vísindi. Ég hef snætt á færeysku veitingastöðunum og 7 af íslensku stöðunum.  Ég get ekki kvittað undir röð þeirra á listanum eftir að hafa aðeins gætt mér á 2 - 3 réttum á hverjum stað.  Reyndar á Grillmarkaðnum fékk ég að smakka á öllu því besta sem þar er í boði (í brúðkaupsveislu Viðars Júlí og Önnu Sigríðar).  En þessir staðir eiga allir heima á listanum (án þess að ég hafi reynslu af nema örfáum af öðrum stöðum á listanum).  

 Það má skilgreina þetta sem samkvæmisleik.