Sekir eru saklausir

Siggi var sauðdrukkinn úti í haga,

sullandi í rommi lengst austur í mó.

Valtur um holtin kaus hann að kjaga

kengfullur út um allt þversum hann spjó.

"Agg, gagg, gagg," sagði tófan a grjóti.

"Agg, gagg, gagg," sagði Siggi á móti.

Göróttum augunum trúi ég hann gjóti.

Greyið hann Siggi, hann þorir ekki heim.

 

  Samkvæmt mínum heimildum er Al-Thani bróðir sinn.  

 

 

Brotin þaulskipulögð og ófyrirleitin

Athugasemdir

[Hörður Þormar (IP-tala skráð) 12.2.2015 kl. 23:58]

Það er aldrei til sóma að sparka í liggjandi mann.

[Jens Guð, 13.2.2015 kl. 00:20]

Hörður,  líka:  Aðgát skal höfð í nærveru sálar.  Þar á meðal Sálarinnar hans Jóns míns.

[Bjarni Gunnlaugur (IP-tala skráð) 13.2.2015 kl. 01:13]

Svo spyr maður sig, Jens, ætli allur sá hroði og djöfulgangur sem þessa þjóð hefur plagað í kjölfar Hrunsisn sé afleiðing þess lögbrots sem Siggi og félagar eru dæmdir fyrir?

Held ekki, held að þetta sé einungis lítill hluti af ósköpunum.

Þá kemur spurning tvö, hvers vegna eru ekki fleiri dæmdir í nokkurra ára fangelsi?

Eru þetta raunverulega einu seku mennirnir?   

Skiftir máli hverjir eru í náðínni og hverjir ekki?

[Stefán (IP-tala skráð) 13.2.2015 kl. 08:20]

,, Valtur um holtin kaus hann að kjaga " Ég sá einmitt einn mjög svo stuttfættan og valtan kjaga á Valhúsahæðinni þar sem sögupersónan á myndinni og í vísunni á eða átti hús - Veit ekki hvort að boðið er upp á sjússa á Kvíabryggju, en stutt er heim til mömmu í Stykkishólmi fyrir einn sakborninginn í þessum háskalega bankagjörningi.  

[JR (IP-tala skráð) 13.2.2015 kl. 12:49]

Næst á dagskrá er að fá símtalið milli Davíðs Oddsonar seðlabankastjóra  og Geirs Harde forsættisráðherra fram í dagsljósið !

Er ekki nóg pláss fyrir fleiri á glæpamannabekknum ?

[Jens Guð, 13.2.2015 kl. 18:58]

Bjarni,  það er búið að dæma fleiri en fjórmenningaklíku Kaupþings.  Til að mynda er Baldur Guðlaugsson þegar búinn að sitja af 2ja ára dóm.  Hann afplánaði í lúxusbyggingu á Kvíabryggju.  Dómar yfir fjölda fjárglæframanna eru handan við hornið.  Meira að segja á eftir að dæma í fleiri málum Kaupþingsbanksteranna.  Vægir dómar yfir þeim eiga eftir að lengja dvöl þeirra á Kvíabryggju.  Reyndar er fangelsisár bara 8 mánuðir.    

[Jens Guð, 13.2.2015 kl. 19:01]

Þegar afbrot Kaupþingsmanna eru vegin og meta er nauðsynlegt að hafa í huga að nokkrum dögum fyrir fallið þá tókst þeim að tæma gjaldeyrishirslur Seðlabankans.  Síðan hefur ekkert spurst til þess gjaldeyris.  

[Jens Guð, 13.2.2015 kl. 19:03]

Stefán,  það er ekki boðið upp á sjúss á Kvíabryggju. Hinsvegar er hægt að kaupa sígarettur og nammi þar.  

[Jens Guð, 13.2.2015 kl. 19:07]

JR,  Geir vill ekki leyfa neinum að heyra símtalið.  Doddsson er aftur á móti ekki fráfallinn því.  Lítill fugl hvíslaði því að mér að inn í afstöðu Geirs fléttist að hann var mjög skjálfraddaður og taugaveiklaður í símtalinu og allt að því kjökraði.  

[Sigurður K Hjaltested (IP-tala skráð) 13.2.2015 kl. 19:49]

#1. Aldrei til sóma að  sparka í liggjandi mann...???

Veist þú hvað margir eru liggjandi 6 fet niður, vegna gjörða

þessara manna..???

Erfitt reynist að sparka í þá.

En ef ég gæti, myndi ég ekki hika við það, að sparka,

og það almennilega í rassgatið á þessum aumngjum.

Hrokinn og upphefðin fyrir þá sjálfa, sem var, og

greinilega er ennþá, eftir þennan "Væga" dóm,

er slíkur, að almenningi viðbýður.

Hvað þarf mikið til þess, að fólk, sem ávallt

er reiðubúið, að verja þessa "hvítflibba",

sjái að sér..???

Góður dómur en allt of vægur.

M.b.kv.

[Jens Guð, 13.2.2015 kl. 20:24]

Sigurður,  ég kvitta undir hvert þitt orð.

[agust Hróbjartur (IP-tala skráð) 13.2.2015 kl. 20:35]

Jens Eg stalst til að deila þessu :)

[Jens Guð, 13.2.2015 kl. 20:45]

Gústi,  takk fyrir það.