Tískubylgjan er kústur

  Norður-Kórea er eitt af undrum veraldrar.  Þetta er lokaðasta og einangraðasta ríki heims.  Mannréttindabrot eru stórfelld og mikil fátækt.  Forseti landsins er Kim Il Sung. Hann dó fyrir tveimur áratugum.  En er samt ennþá forseti landsins.  Stjórnar því af öryggi.  Fyrst með aðstoð sonar síns,  Kim Jong Il.  Sá lagði sig svo fram um að hlaupa undir bagga með pabbanum að hann dó úr vinnuálagi.  Dugði þar hvergi til að hann var árum saman búinn að safna orku og kröftum við að sitja öll kvöld allsnakinn við að þamba koníak. 

  Þegar Kim Jong Il dó úr vinnuálagi varð fuglum himins svo um að þeir þögnuðu.  Harmur þeirra var svo yfirþyrmandi við að heyra fréttina.  

  Kim Jong Il fann upp hina heimsþekktu kjötsamloku sem kallast hamborgari.  Þessa fróðleiksmola hef ég eftir n-kóreskum fjölmiðlum.   

 

 

 

 

 

 

 

 

 

 

 Við fráfall koníaksþambarans tók sonur hans,  Kim Jong Un, við því hlutverki að hjálpa afa sínum við að stýra ríkinu.  Eldri bróðir hans hafði klúðrað arftökunni með því að laumast til Japans á fölsuðum skilríkjum.  Hann var staðinn að verki í tívolí í Japan. Fyrir bragðið varð hann aðhlátursefni um allan heim.  Sem var út af fyrir sig í stíl við það aðhlátursefni sem pabbi hans og afi hans voru og eru.  En í Norður-Kóreu var gerður munur á þessu.

  Kim Jong Un kom brattur inn á sviðið.  Hann lét þegar í stað taka af lífi háttsetta í fjölskyldunni.  N-Kóreskir fjölmiðlar slógu upp á forsíðu að Kim Jong Un væri af heimsbyggðinni talinn kynþokkafyllsti maður heims.

  Vissulega er Kim Jong Un kynþokkafullur.  Held ég.  Reyndar er ég ekki flinkur við að átta mig á því hvaða karlar eru kynþokkafullir eða ekki.  Ég legg það í hendur n-kóreskra fjölmiðla.  Og ykkar.

 

 

 

 

 

 

 

 

 

 

 

 

 

 

 

Kim Jong Un hefur aðgang að bestu stílistum N-Kóreu.  Hann hefur lagt línu fyrir heimsbyggðina með stíl sem kallast kústur.  Nafnið er dregið af hárgreiðslu og vel snyrtum stuttum augnabrúnum.  Þetta er til fyrirmyndar.  Kústur er málið.

          

.     

Athugasemdir

[Bjarni Gunnlaugur (IP-tala skráð) 21.2.2015 kl. 03:17]

Það er nú næstum landráðasök að ljúga svona upp á Kim Il Sun að hann sé ber, ég sé ekki betur en að maðurinn sé á G-streng eða hvað þetta nú heitir.

Annars ætlaði ég að sýna fram á að klippingin að tarna væri að fyrirmynd Mao en sé að það er ekki rétt. Aftur á móti hefur annað stórmenni sögunnar notað sömu klippingu og Mao.

[Þjóðólfur frá Frekjuskarði (IP-tala skráð) 21.2.2015 kl. 15:32]

Rétt til að draga athyglina frá N-Kóreu:

Þingmenn skjótt þurftu næði,

þrútnir og lotnir af mæði,

er komið var uppistand,

í kolmórautt föðurland,

sem klemmdi á hugsanaflæði!

ÞiF.

Ítarefni:

http://www.mbl.is/frettir/innlent/2015/02/20/thingmenn_vildu_fa_vetrarfri_2/

http://www.mbl.is/folk/frettir/2015/02/21/naerbuxur_threngdu_ad_thingmanni/

[Jens Guð, 22.2.2015 kl. 20:44]

  Bjarni, takk fyrir ábendinguna með G-strenginn.  Ég sé hann núna þegar ég stækka myndina.  Dóri tók sér Maó til eftirbreytni um margt.  

[Jens Guð, 22.2.2015 kl. 20:45]

  Þjóðólfur,  takk fyrir skemmtilega limru.

[Dani (IP-tala skráð) 27.2.2015 kl. 02:28]

Þessi maður er að selja sína eigin þjóð sem þræla til Arabaríkja, þessarar sömu ríkja sem eru að brytja niður menn til að hafa til Ólympíuleikana, sem Vesturlandabúum er alveg sama um afþví þeir eru svo hrifnir af fótbollta, afþví það er autómatískt ósmart að gagnrýna neitt sem tengist heimi Islam, sama hversu lausleg tengingin er og afþví að þeir fá sjálfir svo rosalega vel borgað í þessum löndum. Hann selur sitt fólk líka sem þræla til Kína og Rússlands, sem Vesturlandabúum er líka alveg sama um, helmingnum, íhaldsmönnunum afþví þeir eru of hræddir við þessi lönd til að segja neitt, því vísindarannsóknir sýna víst íhaldsmenn hneigjast til meiri hræðslu en aðrir, og hinum helmingnum, þessum vinstrisinnuðu og frjálslyndu, afþví framgangur þessara landa varpar skugga á Bandaríkin og þess vegna halda þeir með þeim, sama hvað þau ganga langt í mannvonsku og þrælahaldi og þó þau kaupi þræla frá einræðisherra. Umræða um Kim á Vesturlöndum er yfirleitt létt og gamansöm og heimurinn gerir ekkert í grimmdarverkum hans og mun aldrei gera, þó hann sé í anda nazista að taka þroskahefta og geðveika af lífi og alla andófsmenn, og annað sem heimurinn veit fullvel en lítur framhjá með sama hætti og hann gerði það í annarri heimssstyrjöldinni, alveg þangað til Japanir gerðu árás á Bandaríkin. Niðurstaða: Vesturlandabúar eru sálarlaus kvikindi.

http://www.mirror.co.uk/news/world-news/kim-jong-un-sells-100000-north-5203447