Hvort kynið er betri bílstjóri? Óvænt niðurstaða

 

 

  Í dag eru leigðir bílar iðulega búnir tölvu sem geymir allar upplýsingar um aksturinn.  Breska fyrirtækið In-car Cleverness skoðaði tölvubúnað tíu þúsund leigðra bíla;  skrásett og flokkað yfir sex mánaða tímabil.

  Í ljós kom að konur aka að meðaltali hraðar en karlar.  Þær aka 17,5% hraðar en karlarnir.  Það kemur á óvart.  Í fljótu bragði ætla flestir að karlar séu glannarnir.  Þeir stígi fastar á bensínpedalann.  

  Þar fyrir utan lenda karlar frekar í óhöppum - þrátt fyrir að aka hægar.  Það eru fimm sinnum meiri líkur á að þeir valdi einhverskonar tjóni á bíl. Allt frá smádældum til stærri tjóna.  Það er ekkert smá munur.  Kannski eru karlar áhættusæknari?  Eða meiri klaufar?    

 

Athugasemdir

[Gunnar Th. Gunnarsson, 25.2.2015 kl. 00:32]

Ungir karlar eru áhættusæknari og eru líklegri til að lenda í tjóni en ungar stúlkur. Allar rannsóknir sýna það. Ungir karlar aka líklega meira en stúlkur svo hlutfallið hjá kynjunum á ekinn kílómetra er e.t.v. ekki svo mikið.. 

[Gunnar Th. Gunnarsson, 25.2.2015 kl. 00:33]

Tjónhlutfallið á ekinn kílómetra, átti þetta að vera,

[Ásthildur Cesil Þórðardóttir, 25.2.2015 kl. 11:23]

Er ekki líka málið að stúlkur þora að vera varkárar.  Ungir menn þurfa meira að sýna sig í töffaraskap.  

[Gunnar Th. Gunnarsson, 25.2.2015 kl. 17:46]

Jú Ásthildur, það er einmitt málið og rannsóknir sýna það. Þetta er að öllum líkindum bæði lífræðilegt (Testesteron eða eitthvað slíkt) og félagslegt fyrirbæri. 

[Ásthildur Cesil Þórðardóttir, 25.2.2015 kl. 18:11]

Já mikið rétt. 

[Sigurður K Hjaltested (IP-tala skráð) 25.2.2015 kl. 18:41]

Það þarf nú ekki að fara langt til að finna

það ótrúlega, og það hér á Íslandi.

Hér er frétt af 5 bílum á Íslandi og það svo gott

sem í "Middle of no where"

http://www.mbl.is/frettir/innlent/2015/02/06/fimm_bila_arekstur_i_vatnsskardi/

Og svo þessi hér, frá Vestmannaeyjum.

Ótrúlegt en satt. 4 bíla árekstur..

http://www.mbl.is/frettir/innlent/2003/02/11/fjogurra_bila_arekstur_i_vestmanneyjum/

Svona geta hlutirnir gerst á Íslandi..

[Jens Guð, 25.2.2015 kl. 19:58]

 Gunnar Th.  þrátt fyrir töluvert "gúgl" hefur mér ekki tekist að finna hversu vísindalega var staðið að könnunini  Til að mynda þetta sem þú nefnir; tjónhlutfall á ekinn km.  

 http://www.autoexpress.co.uk/car-news/consumer-news/90505/data-suggests-women-drivers-speed-more-than-men

[Jens Guð, 25.2.2015 kl. 20:10]

  Ásthildur Cesil,  það er alveg klárt að konur þora að sýna meiri varkárni en karlar  Mér hrýs hugur við að rifja upp glannaskap í akstri hjá okkur strákunum á unglingsárum.  Ég hef aldrei orðið var við glæfraakstur hjá konum.

[Jens Guð, 25.2.2015 kl. 20:11]

  Sigurður K.,  takk fyrir þessi dæmi

[Ásthildur Cesil Þórðardóttir, 25.2.2015 kl. 20:25]

Þetta er sennilega karlhormóninn sem er að stríða strákunum. 

[Gunnar Th. Gunnarsson, 25.2.2015 kl. 20:57]

Þetta með tjónhlutfallið var nú bara ágiskun mín en þegar ég var í ökukennaranáminu var talað um þennan mikla mun á stelpum og strákum varðandi áhættusælni og vísað í rannsóknir. Opinberar tölur um tjón og umferðarlagabrot pilta, sína þetta.

Þess ber þó að geta að eftir að punktakerfið hjá ungum ökumönnum með bráðabirgðaskírteini, sem gildir fyrstu 3 árin, hefur slysum fækkað mjög mikið í yngsta hóp ökumanna.

[Gunnar Th. Gunnarsson, 25.2.2015 kl. 20:58]

eftir að punktakerfið hjá ungum ökumönnum var tekið upp... átti þetta að vera