Uppfærð Orðabók Menningarsjóðs

  Fyrir alla sem hafa gaman af blæbrigðum og fjölbreytileika íslenskrar tungu eru Vigdís Hausdóttir og Bibba á Brávallagötu himnasending.  Jafnvel í fleirtölu og nefnifalli.  Báðar hafa dágóða kímnigáfu fyrir því að skirpla á svellinu.  Það er allt annað en vefjast tunga um fót.      

  Nýjasta dæmið er gagnrýni Vigdísar á Hildi Sverrisdóttur fyrir að hafa,  ja,  að mati Vigdísar, fundið upp orðskrípið skrýtilegt.

  Kannski er notkun orðsins landshlutabundin.  Ég veit það ekki.  Ég er fæddur og uppalinn í Skagafirðinum.  Þar er þetta orð brúkað daglega athugasemdalaust.  

  Ég á Orðabók Menningarsjóðs, útg 1988.  Þar stendur:

  skrýtilegur L kátlegur  skrýtinn.  

  Í næstu prentun á Orðabók Menningarsjóðs má bæta við

  skrýtilegt L Vigdís 

   

     

Vigdís vandar um við Hildi

Athugasemdir

[Stefán (IP-tala skráð) 24.2.2015 kl. 08:10]

Bara að Framsóknarflokkurinn væri  ,, bara skringilegur ", þá væri hann þolanlegur en ekki skaðlegur þjóðinni.

[Anna Sigríður Guðmundsdóttir, 24.2.2015 kl. 14:33]

Dásamlegur Framsóknarflokksverndandi Sjálfstæðismaðurinn Íslandsflokks-Ómar :)

Auðvitað veit Ómar allt um það að flokkar í pólitík á Íslandi, eru og hafa alla tíð verið einn og sami strengjabrúðuflokkur Páfaútibústjórans í Hæstarétti Íslands.

Jafn fróður fréttamaður og Ómar í raun er, hefur því miður aldrei fengið fjölmiðla-frelsis-leyfi, til að segja frá þessum sannleika baktjalda-valdaaflanna. En hann er óborganlega góður fréttamaður, landkynningar-heimildarbanki, skemmtikraftur og húmoristi, sem á verðskuldaðan nýhlotinn heiður skilið.

Bibba Brávallagötu-frábæra, og við hin sem ekki höfum Laxnes-nóbelsviðurkenningu á villurnar, höfum vonandi bara gaman af öllu heila leikritinu :)

Lífið verður víst ekki skemmtilegra né betra, en við sjálf reynum að gera það, af ólíkum og mismikils metnum og gefnum hæfileikum.

M.b.kv.

[Jens Guð, 25.2.2015 kl. 19:44]

Stefán,  það er heilmikið til í því.    

[Jens Guð, 25.2.2015 kl. 19:45]

Anna Sigríður,  tafyrir þessar skemmtilegur vangaveltur.