Ástæðulausir fordómar í garð prófsvindls

23.3.2015 | 21:11

Ástæðulausir fordómar í garð prófsvindls

Á öllum stigum menntakerfisins ríkja neikvæðir fordómar í garð prófsvindls. Í þeim tilfellum sem kemst upp um prófsvindl er brugðist ókvæða við. Prófsvindlarinn er rekinn með skít og skömm úr skólanum. Prófúrlausn hans er ógild um aldur og ævi

Hvað er svona merkilegt við það að skipta um dekk á vörubil?

Útsjónarsamt prófsvindl staðfestir hæfileika nemanda til að komast af. Komast yfir hindrun. Það er hlutverk menntunar og tilgangur skóla: Að skila út í lífið einstaklingum sem spjara sig.

Sumir nemendur skora hátt á prófi með því að læra eins og páfagaukar: Þeir læra orð, setningar og texta utan að án skilnings á því hvað um ræðir. Aðrir stytta sér leið með útsjónarsemi. Svindla á prófi með slóttugheitum. Skilja samt jafnvel betur námsefnið en páfagaukarnir. En nota aðra hæfileika til að standast prófið. Það eru einmitt þeir hæfileikar sem skila þeim farsælla lífshlaupi þegar upp er staðið en páfagaukunum.

Á Indlandi beita foreldrar og ættingjar öllum aðferðum til að hjálpa nemendum við að svindla á prófum. Á meðan próf er þreytt má sjá aðstandendur klifra eins og fjallageitur upp skólabyggingar í ákafri viðleitni til að hjálpa við prófsvindl. Það er ekkert nema gaman að sjá samheldar fjölskyldur. Verra er að vita af afskiptalausum börnum á Íslandi.

	Meint svindl aldrei sannað
Ábyrgðarmaður færslu Tilkynna um óviðeigandi tengingu við frétt

Meginflokkur: Menntun og skóli | Aukaflokkar: Lífstíll, Menning og listir, Spil og leikir | Breytt 24.3.2015 kl. 10:16 | Facebook

Athugasemdir

Heyrðu Jens...Þarna hittirðu naglann beint á bæði höfuðin ! - Það eru hinir greindari og sem eru undartekningalítið minna skólagengnir sem eru hæfileikaríkari og útsjónasamari í lífinu öllu, en sá sem les nóturnar er bara lesinn sem páfagaukur. MIkið af þessu beint fyrir framan okkur í þjóðfélaginu. - Engar tilfinningar, hæfileiki eða útsjónasemi.

Már Elíson, 23.3.2015 kl. 21:32