Bíll og sími eiga ekki samleið

 

 

 

 

 

 

 

 

 

 

  Það er bannað að tala í "ófrjálsan" síma og stjórna bíl á sama tíma.  Við brot á lögum þar um liggur sekt.  Sennilega fimm eða tíu þúsund kall.  Samt fer næstum því enginn eftir þessu.  Enda hafa rannsóknir í útlöndum leitt í ljós að það er enginn munur á einbeitingu ökumanns hvort heldur sem hann talar í handfrjálsan síma eða heldur á honum við eyrað.  

  Þar fyrir utan er refsilaust að tala í talstöð og stjórna bíl á sama tíma.  Næsta víst er að það truflar einbeitingu ökumanns jafn mikið og þegar blaðrað er tóma vitleysu í síma.

  Sömuleiðis er refsilaust að senda sms eða djöflast í snjallsíma og aka bíl á sama tíma.  Engu að síður má ætla að það trufli einbeitingu við akstur miklu meira en kjaftæði í síma. Ef ekki verður tekið snöfurlega á þessu og fólk láti þegar í stað af glannaskapnum verður þess ekki langt að bíða að óhapp verði í umferðinni.

   

„Sé bíl koma fljúgandi á móti mér“

Athugasemdir

[Stefán (IP-tala skráð) 14.7.2015 kl. 15:42]

Ætli þetta sé liðið sem er að hringja inn á Útvarp Sögu ?

[Sigurður I B Guðmundsson, 14.7.2015 kl. 17:58]

 Kemur ekki bara kallinn sem reddar öllu og reddar þessu!!

[Jens Guð, 15.7.2015 kl. 19:39]

Stefán,  er það ekki sama fólkið og hringir inn í símatíma Bylgjunnar og Rássar 2?

[Jens Guð, 15.7.2015 kl. 19:40]

Sigurður I B,  hann hlýtur að koma til skjalanna.