25.8.2015 | 09:41

Hryðjuverkahóp meinuð landganga og sparkað frá Færeyjum

SS í járnum

 

 

 

 

 

 

 

 

  Í sumar hafa hvalveiðar gengið vel í Færeyjum.  Liðsmenn hryðjuverkasamtakanna Sea Shepherd hafa reynt að trufla þær eftir bestu getu.  Án árangurs.  Þeir hafa verið snúnir niður í fjörunni,  hnepptir í handjárn,  hent inn í fangaklefa,  sektaðir um hálfa milljón hver fyrir sig og sumir rösklega það.  Síðan hafa þeir fengið frímerki á rassinn og verið sendir úr landi án möguleika á að snúa aftur.

  Síðast í gær voru þrír SS-liðar handteknir í fjörunni í Fuglafirði. Tveir frá Ameríku og einn franskur.

  Í gær kom svo 21. manna SS-sveit til Færeyja siglandi á skipinu Bob Barker.  Henni var ætlað að fylla í skörð í stað hinna frímerktu.  Færeyska lögreglan meinaði henni landgöngu.  Á grundvelli þess að tilgangurinn með komunni til Færeyja væri að fremja lögbrot og spellvirki þá var henni gert að yfirgefa eyjarnar þegar í stað.  Hún má skilja skipið eftir í Færeyjum.  Það er engin krafa gerð um slíkt.  En ef hún vill skilja skipið eftir þá er það vel þegið.  Það gæti komið sér vel að gera skipið upptækt síðar í áframhaldandi átökum við SS-liða.

Bob Barker a    


Meginflokkur: Löggæsla | Aukaflokkar: Lífstíll, Matur og drykkur, Stjórnmál og samfélag | Breytt s.d. kl. 13:40 |

« Síðasta færsla | Næsta færsla »

Athugasemdir

1 Smámynd: Axel Jóhann Hallgrímsson

Færeyingar eru flottir. Svona á að taka á þessum dónum.

Axel Jóhann Hallgrímsson, 25.8.2015 kl. 12:24

2 Smámynd: Jón Valur Jensson

Ánægjulegar fréttir segirðu hér, Jens, af okkar vösku frændum Færeyingum, ekki sízt þessa um "frímerkið á rassinn"! laughing

Jón Valur Jensson, 25.8.2015 kl. 16:12

3 identicon

Frændur okkar færeyingar kunna að taka á svona stjórnleysingjaskríl

Þórður Eyþórsson (IP-tala skráð) 25.8.2015 kl. 18:12

4 Smámynd: Jens Guð

Axel Jóhann,  Færeyingar eru fagmenn á þessu sviði.

Jens Guð, 25.8.2015 kl. 19:59

5 Smámynd: Jens Guð

Jón Valur,  takk fyrir það.

Jens Guð, 25.8.2015 kl. 19:59

6 Smámynd: Jens Guð

Þórður,  heldur betur.

Jens Guð, 25.8.2015 kl. 19:59

7 Smámynd: Sigurður I B Guðmundsson

Við ættum að fá frá Færeyingum góðan slatta af þessum frímerkjum og setja þau á rassinn á erlendum brotamönnum!!!

Sigurður I B Guðmundsson, 25.8.2015 kl. 20:18

8 Smámynd: Jens Guð

Sigurður I B,  við eigum að taka Færeyinga til fyrirmyndar á flestum sviðum.

Jens Guð, 25.8.2015 kl. 20:53

9 Smámynd: Jóhann Elíasson

Auðvitað ættum við að taka Færeyinga okkur sem fyrirmynd í þessum málum og mörgum öðrum.

Jóhann Elíasson, 26.8.2015 kl. 14:28

10 Smámynd: Jens Guð

Jóhann,  ég er sammála því.

Jens Guð, 26.8.2015 kl. 17:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband