Grænmeti misþyrmt á hrottalegan hátt

  Út um allan heim er dýrum misþyrmt áður en þau eru snædd.  Jafnvel líka á meðan þau eru snædd.  Meira að segja hérlendis er svínum búið sársaukafullt ævikvöld í alltof þröngri stíu. Hænur búa við mun þrengri kost.  Fætur saurbrunnar og allt í klessu.

  Grænmetisætur (vegeterians) eru ólatar við að vísa til vondrar meðferðar á dýrum.  Vandamálið er að grænmeti hefur líka tilfinningar.  Það heyrir einnig.  

  Þegar grænmeti heyrir að bitið er í annað grænmeti þá fyllist það skelfingu og ofsafengnum ótta.  Það setur þegar í stað framleiðslu á efnum sem hafa fælandi áhrif á fiðrildalirfur og önnur skordýr sem éta lifandi grænmeti.

  Hvað gengur kaldlyndum grænmetisætum til að hrella grænmeti?  Æra það af hræðslu;  meiða og éta eins og villimannslegar mannætur?  Siðferðið er engu betra en og hjá mannætum.

 

Athugasemdir

[Helgi Armannsson (IP-tala skráð) 31.10.2015 kl. 08:20]

viðbjóðslegt

[Halldór Egill Guðnason, 31.10.2015 kl. 18:32]

Grænmetið meira að segja étið lifandi! Það er þó búið að murka lífið úr flestum skepnum, áður en þær eru étnar.

Göðar stundir, með kveðju að sunnan.

[Jens Guð, 31.10.2015 kl. 18:58]

Helgi,  þetta er svo sannarlega viðbjóður.  

[Jens Guð, 31.10.2015 kl. 19:02]

Halldór Egill,  grænmetið býr þó yfirleitt við betri aðstöðu en svín,  hænur og mörg nnur dýr - Þangað til þau eru étin.