Hvergi sér fyrir enda á flóttamannastraumnum

flóttafólk

 

 

 

 

 

 

 

 

  Ört vaxandi straumur flóttafólks flæðir yfir alla Evrópu.  Jafnvel fleiri heimsálfur ef vel er að gáð.  Þessi þróun hefur þegar skapað ótal vandamál af öllu tagi.  Sífellt bætast fleiri vandamál í hópinn.  Bara á þessu ári - á fyrstu níu mánuðum þess - hafa hátt á fjórða þúsund Íslendingar flutt til útlanda.  Flúið skuldabagga,  vaxtaokur,  húsnæðisvandræði,  spillingu,  brostnar vonir og hringlandahátt.  Meðal annars með reisupassa.

  Uppistaðan af íslenska flóttamannastraumnum er ungt fólk.  Kraftmikið, atorkusamt og vel menntað.  Það er gríðarlegt tjón fyrir þjóðfélagið að missa flóttafólkið út úr íslenska atvinnumarkaðnum.  Þetta hefur þegar skapað illvígan skort á iðnaðarmönnum.  Þetta er vinnandi fólk sem á í heilbrigðu þjóðfélagsástandi að standa undir ellilífeyrisgreiðslum, rekstri hjúkrunarheimila og allskonar.

  Eina ráðið til að stoppa upp í götin er að lokka með einhverjum ráðum til Íslands fólk frá öðrum löndum.  

 


mbl.is Fjöldi Íslendinga flytur úr landi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Flóttafólk flýr í þúsundavís frá íslandi og sá flóttamannastraumur mun bara aukast í boði Framsóknarflokksins og Eyglóar Harðardóttir, sem sniðgengur leigjendur með öllu, svo þeir myndu bara lenda á götunni hér ef þeir væru hér áfram. Það eru til nógir peningar til að stórhækka húsaleigubætur, en nei, ekki skal það verða á meðan Framsóknarflokkurinn ræður ríkjum á þeim markaði og mokar bara fé í stönduga. 

Stefán (IP-tala skráð) 11.11.2015 kl. 14:59

2 Smámynd: Loncexter

Það þarf ekkert að lokka fólk til Íslands. Kannski flokka ?

Loncexter, 11.11.2015 kl. 20:06

3 identicon

Breyta nafninu í Grænnaland.

Þá hlýtur fólkið að skila sér.

Grrr (IP-tala skráð) 12.11.2015 kl. 17:37

4 Smámynd: Jens Guð

Stefán,  flóttamannastraumurinn frá Íslandi er að aukast assgoti bratt.  Úr 1000 á ársfjórðungi í vel rúmlega það.  

Jens Guð, 12.11.2015 kl. 20:03

5 Smámynd: Jens Guð

Loncexter,  jú,  flóttamannastraumurinn frá Íslandi er það mikill umfram þá sem flytjast til Íslands að til vandræða horfir.

Jens Guð, 12.11.2015 kl. 20:04

6 Smámynd: Jens Guð

Grrr,  gott ráð!

Jens Guð, 12.11.2015 kl. 20:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband