Hættulegt grænmetisfæði

  Sumir halda að grænmetisfæði sé hollt.  Þeir sömu óttast að kjöt,  fiskur og allar aðrar dýraafurðir séu óhollar.  Þetta er rugl.  Það hefur verið hrakið rækilega og ítrekað með vísindalega rannsóknum.

 Reyndar þarf engar rannsóknir.  Það dugir að virða grænmetisætu fyrir sér.  Hún er hrukkótt,  litlaus, grá og guggin;  máttleysisleg og eins og við það að falla í yfirlið (og gerir það af og til svo lítið ber á).

  Verra er að grænmetisætan er iðulega fjarræn og döpur til sljórra augna.  Einnig eins og ringluð á svip og glaseyg.  Hún er niðurlút og forðast augnsamband.

  Áströlsk rannsókn leiddi í ljós að grænmetisætur eru svartsýnar og hafa litla tiltrú á bjartri framtíð.  Fimmtungi fleiri þeirra glíma við þunglyndi umfram kjötætur.  Þriðjungi fleiri upplifa áfallastreituröskun og þjást af hræðilegum kvíðaköstum.  Liggja skjálfandi í fósturstellingu undir sæng.  Óttasst allt hið versta án þess að vita hvað.    

  Kjöt inniheldur ýmis holl og nauðsynleg vítamín og steinefni sem eru fágæt og aðeins í litlu magni í einstaka grænmeti.  Það eru samt önnur hollefni í grænmeti.  Það er ástæða til að hafa það sem meðlæti.  Bökuð kartafla er heppileg með grilluðu kjöti.  

  Hér eru tvær þekktar konur,  matgæðingar,  á sextugsaldri.  Önnur er kjötsælkeri og dálítið eldri.  Hin slafrar einungis í sig tuggu og tuggu af grasi og jórtrar á rótarávöxtum.  Það leynir sér ekki hvor er hvað. 

  

Athugasemdir

[sigurður Bjarklind (IP-tala skráð) 8.12.2015 kl. 12:18]

Sæll Jens og takk fyrir skemmtilega pistla. Öllum er auðvitað frjálst að borða það sem þeir vilja hverju sinni. En fátt er betra á köldum vetrardegi en feitt saltkjöt og baunir. Góðar kartöflur, rófur og baunir úr jurtaríkinu og feitt saltkjöt úr dýraríkinu. Það má vera dauður maður sem ekki hressist til líkama og sálar við þennan þjóðarrétt.

Kveðja að norðan.

[agust hrobjartur (IP-tala skráð) 8.12.2015 kl. 12:44]

Nigella notar lika kokain

[Anna Sigríður Guðmundsdóttir, 8.12.2015 kl. 12:57]

Jens. Það er víst allt gott í hófi, og hvað með öðru. Kannski framtíðin verði aðallega grasgrill, í staðinn fyrir gasgrill. Grilla bara gras, sojakjöt, og svo jafnvel einstöku sinnum hálf-friðaðan hungurdauða sjávar-hvalreka?

M.b.kv. 

[Rebekka (IP-tala skráð) 8.12.2015 kl. 13:48]

Meira bullið.

[Stefán (IP-tala skráð) 8.12.2015 kl. 14:24]

Solla

[Alfreð (IP-tala skráð) 8.12.2015 kl. 14:24]

Er ekki cocain jurta afurð?

[Valdimar Samúelsson, 8.12.2015 kl. 14:54]

Ég var að finna Grein eftir Vilhjálm Stefánsson ''Extracts from Adventures in Diet By Vilhjalmur Stefansson Harper's Monthly Magazine, 1935''

[Ásthildur Cesil Þórðardóttir, 8.12.2015 kl. 16:09]

Hahahaha, þetta er frábært hjá þér Jens.  

[Jens Guð, 8.12.2015 kl. 18:10]

Sigurður,  ég fékk vatn í munninn við lýsingu þína á veislumatnum.  

[Jens Guð, 8.12.2015 kl. 18:11]

Ágúst,  takk fyrir fróðleiksmolann.

[Jens Guð, 8.12.2015 kl. 18:19]

Anna Sigríður,  þú kemur með ferskan og skemmtilegan flöt á þessu  Takk fyrir það.

[Sigurður I B Guðmundsson, 8.12.2015 kl. 20:39]

Hélt að þetta væri "before and after" myndir!!!

[Jens Guð, 8.12.2015 kl. 20:48]

Rebekka,  nei,  minna.

[Jens Guð, 8.12.2015 kl. 20:48]

Stefán,  hver er Solla?

[Anna Sigríður Guðmundsdóttir, 9.12.2015 kl. 00:40]

Jens. Hvað ætli Wattson-samtökunum landlausu og "sjálfboðaliðs-dýraverndunar-heimsbjargandi" finnist um grænmetið, ef það er of einhæft?

Ætli sú "björgunarsveit" endi kannski sem aktiv-vistaður skipaferðamengandi úrgangur, einhverstaðar á hafsins fjölbreytta reki?

Það skaðar varla nokkurn einstakling að velta þessu fyrir sér?

M.b.kv.

[Stefán (IP-tala skráð) 9.12.2015 kl. 08:02]

Solla grængráa

[Anna Sigríður Guðmundsdóttir, 9.12.2015 kl. 11:15]

Solla grængráa Stefán (IP-tala skráð)? Og persónan er hver?

Kallinn í tunglinu sagði að himininn væri blár og sólin gul?

Hvor þessara "persóna" skyldi nú vera meira/minna að marka?

M.b.kv.

[Stefán (IP-tala skráð) 9.12.2015 kl. 12:41]

Þú ert greinilega í góðum tengslum við ,, Kallinn í tunglinu " Anna Sigríður. Ertu kanski ,, Kerlingin í tunglinu " ?

[Jens Guð, 9.12.2015 kl. 18:38]

Alfreð,  jú,  er kókið ekki unnið úr kóklaufinu?  

[Jens Guð, 9.12.2015 kl. 18:39]

Valdimar,  ef ég man rétt lifði Vilhjálmur um langa tíð einungis á kjöti.  Bókina þekki ég ekki.

[Jens Guð, 9.12.2015 kl. 18:40]

Ásthildur Cesil,  takk fyrir það.

[Anna Sigríður Guðmundsdóttir, 9.12.2015 kl. 21:28]

Stefán IP og co. Ég er nú bara kerlingin á jörðinni. Alla vega ennþá. Það verður ekki meira marktækt vit hjá okkur jarðnesku fólki, heldur en raunverulega jarðtenging þeirra sem tjá sig.

Þar af leiðandi er kallinn í tunglinu jafn ómarktækur eins og þeir sem ekki eru raunverulegir og ábyrgir í sínum opinberu orðum og skoðanaskýringum. Ábyrgð er nauðsynleg. Ég tek ábyrgð/afleiðingum á/af mínum orðum og verkum, og ætla ekki að reyna að vera ósýnileg og ábyrgðarlaus.

M.b.kv.

[Jens Guð, 10.12.2015 kl. 07:20]

Sigurður I B,  hvor myndin hefði þá verið fyrir og hver eftir?

[Jens Guð, 10.12.2015 kl. 07:24]

Anna Sigríður (#15),  af vaxtalagi Páls Watsons má ráða að hann laumist í fleira en gras og agúrkur þegar fáir sjá til.

[Jens Guð, 10.12.2015 kl. 07:25]

Stefán (#16),  ég fatta þetta núna.

[Sigurður I B Guðmundsson, 10.12.2015 kl. 10:02]

Eftir hentuleika!!

[Jens Guð, 10.12.2015 kl. 18:48]

Sigurður I B,  alltaf góður!