Kvikmyndin um Hebba frumsýnd í kvöld

  Gríðarmikill spenningur er fyrir heimildarmyndinni um tónlistarmanninn sívinsæla Herbert Guðmundsson.  "Can´t Walk Away" heitir hún, eftir þekktasta lagi hans.  Sýningar hefjast á myndinni klukkan 20.00 í kvöld,  í Egilshöll Sambíó.  Næsta sýning er klukkan 22.00.   

  "Trailerinn" má sjá HÉR   

  Nánar um sýningartíma og lýsingu á myndinni má sjá HÉR 

Athugasemdir

[Anna Sigríður Guðmundsdóttir, 15.10.2016 kl. 01:40]

Jens. Fyrir mjög mörgum árum síðan vann ég í verslum í Breiðholti. Þá kom viðskiptavinur í búðina, sem setti nánast allt í frost, því hann taldi sig hafa verið svikinn um einhverja vöru/þjónustu/afgreiðslu í versluninni. Ég man ekki hvað raunverulega vandamálið var, en man einungis að Herbert Guðmundsson taldi sig á þeim tíma vera yfir alla aðra hafinn. Það var og er mjög óþægilegt að vera nálægt slíkum einstaklingi.

Mér skilst að nú hafi hann snúið baki við hrokanum sem ég upplifði af honum, og hann sé orðinn þroskaðri en þá. Og ég er vonandi líka orðin þroskaðri síðan þá.

Ég þoldi ekki þennan yfirgang og frekju sem mér fannst hann sýna öllum þarna í búðinni. Og ég er líka viss um að margir hafa ekki þolað mína frekju vítt og breitt, sem ég hef oft sýnt öðrum upp í gegnum árin.

Í dag finnst mér Herbert Guðmundsson flottur kall á algjörri þroska-hraðbraut.

Batnandi fólki er víst best að lifa. Og það gildir víst fyrir okkur öll í lífsins skóla.

Ekkert af okkur getum byrjað með fullkomið óskrifað blað, þegar við fæðingu, og það er það eina sem ég veit fyrir víst.

Gangi Herberti Guðmundsyni áfram sem best á þroskabrautinni, sem var/er hindrunum stráð þroskabraut allra.

M.b.kv.

[Jens Guð, 16.10.2016 kl. 00:20]

  Anna Sigríður,  öll eigum við okkar góðu og slæmu daga.  Kaninn kallar það síðarnefnda "bad hairday".  Og jafnvel þó að allir séu þokkalega vel stemmdir þá þarf stundum lítið til að aðrir mislesi í aðstæður eitthvað neikvætt.  Það hefur ekkert með Hebba að gera en ég vísa í annan þekktan rokksöngvara.  Sá segist hafa vegna feimni og óöryggis ekki kunnað að bregðast við áreiti frá aðdáendum öðru vísi en með hroka.  Hann sér eftir því í dag.