Hversu hættulegir eru "skutlarar"?

 

 

  Á Fésbókinni eru svokallaðir "skutlarar" með nokkrar síður.  Sú vinsælasta er með tugi þúsunda félaga.  "Skutlarar" eru einskonar leigubílstjórar á svörtum markaði.  Þeir eru ekki með leigubílstjóraleyfi.  Þeir eru hver sem er;  reiðubúnir að skutla fólki eins og leigubílar.  Gefa sig út fyrir að vera ódýrari en leigubílar (af því að þeir borga engin opinber gjöld né fyrir félagaskráningu á leigubílastöð).

  Leigubílstjórar fara ófögrum orðum um "skutlara".  Halda því fram að þeir séu dópsalar.  Séu meira að segja dópaðir undir stýri.  Séu ekki með ökuleyfi.  Séu þar með ótryggðir.  Vísað er á raunverulegt dæmi um slíkt.  Séu dæmdir kynferðisbrotamenn.  Hafi með í för handrukkara sem innheimti í raun mun hærri upphæð en venjulegir leigubílar.  

  Ég veit ekkert um "skutlara" umfram þessa umræðu.  Ætli þeir séu svona hættulegir?  

Athugasemdir

[Sigurður I B Guðmundsson, 19.5.2017 kl. 18:55]

 Getur þú skutlað mér upp á Keflavíkurflugvöll í næstu viku???????

[Halldor Hilmarsson (IP-tala skráð) 19.5.2017 kl. 21:12]

Voru þeir ekki kallaöir "harkarar" í gamla daga?

[Jóhann Elíasson, 20.5.2017 kl. 10:57]

´Nú ganga menn undir svokölluð "harkarapróf" sem eru víst einhvers konar undanfari þess að vera leigubílstjóri, en ég verð að viðurkenna að ég veit ekki alveg hvað þessi "harkarapróf" fela í sér en vonandi er einhver þarna úti sem getur frætt mig um það........

[Theódór Norðkvist, 20.5.2017 kl. 11:23]

Ég stend með leigubílstjórum, mér finnst það ekki ganga að hver sem er geti fengið að keyra fólk í atvinnuskyni og beri ekki neina ábyrgð, engin leyfi eða neitt.

PS Skemmtileg mynd af mávinum sem er búinn að góma góminn. Er hann fulltrúi hrægammasjóðs, sem ætlar að góma íslensku bankana? Það má kannski segja að hann sé að rífa kjaft?

[Stefán (IP-tala skráð) 20.5.2017 kl. 13:42]

Traust mitt á ,, skutlurum " er svipað og taust mitt á yfirmönnum í íslenskum bönkum.

[Már Elíson, 20.5.2017 kl. 21:04]

Ég held að "harkarar" séu ekki starfi sínu vaxnir sem "gráir leigubílsstjórar" þegar á holminn er komið. - Meira prófi, sem leigubílsstjórar verða að vera með, fyrir allskyns öryggis-og sjúkrakunnátta, fyrir utan að þeir þurfa að fara í hæfnispróf. - En það hafa samt margir "venjulegir" skutlað manni út á völl og slíkt. Það er spurning hvernig maður er tryggður þá.

[Jens Guð, 22.5.2017 kl. 16:45]

Sigurður I B,  má ég ekki frekar skutla þér til Akureyrar í næstu viku?

[Jens Guð, 22.5.2017 kl. 16:53]

Halldór,  "harkarar" voru og eru þeir kallaðir sem hafa ekki leigubílaleyfi en keyra leigubíla í eigu bílstjóra með leyfi.  Leyfishafinn er kannski í sumarfríi í útlöndum á meðan.  Eða hefur misst ökuskírteini tímabundið vegna ölvunaraksturs.  Í einhverjum tilfellum fær "harkarinn" að leysa leyfishafa af um helgar eða á hátíðisdögum.  Í enn öðrum tilfellum gerir  leyfishafi út aukabíl sem "harkarar" fá að togast á um.  

  Kannski eru "skutlarar" líka kallaðir "harkarar"? 

[Jens Guð, 22.5.2017 kl. 17:06]

Jóhann,  leigubílstjórar þurfa að taka leigubílapróf til að fá leyfi.  Þá mega þeir rúnta með allt að 8 farþega.  Þetta er minni pakki en meirapróf.  "Harkarar" þurfa að taka "harkarapróf", eða það sem kallast afleysingapróf.   

[Jens Guð, 22.5.2017 kl. 17:08]

Theódór,  mér fannst ljósmyndin af mávinu svo brosleg að ég varð að láta hana fylgja með,  fyrst að málefni skutlara bar á góma.  

[Jens Guð, 22.5.2017 kl. 17:09]

Stefán,  minna getur traustið ekki verið.

[Jens Guð, 22.5.2017 kl. 17:11]

Már,  ef "skutlarinn" er dópaður og próflaus á stolnum bíl er farþeginn ótryggður.  Það er að sögn til raunverulegt íslenskt dæmi um slíkt.