Splunkunýr hressandi rokkslagari

  Rokktríóið Nýríki Nonni er mætt til leiks með þrumuskæðan slagara,  "Svíkja undan skatti".  Það hefur verið starfandi frá 2016 og vakið athygli fyrir sterk frumsamin lög, beitta texta og þéttan kröftugan flutning.  Svo skemmtilega vill til að enginn Nonni er í tríóinu.  Því síður Nýríkur Nonni.  Þess í stað eru liðsmenn:  Guðlaugur Hjaltason (söngur, gítar),  Logi Már Einarsson (bassagítar) og Óskar Torfi Þorvaldsson (trommur).  

  12. ágúst á þessu ári heldur Nýríki Nonni útgáfuhljómleika á Íslenska barnum í Hafnarfirði.  Ókeypis.

Athugasemdir

[Sigurður I B Guðmundsson, 30.7.2017 kl. 20:25]

 Og eftir þennan slagara verða þeir: Forríki Nonni!!!

[Jens Guð, 30.7.2017 kl. 20:30]

Sigurður I B,  vonandi ekki - því að alltof margir verða af aurum api!

[Wilhelm Emilsson, 31.7.2017 kl. 07:56]

„En las bara Morgunblaðið

uns allt var á leið í svaðið."

 

[Jens Guð, 31.7.2017 kl. 10:42]

Wilhelm,  eitthvað kannast ég við þetta af plötu með Þokkabót.

[Wilhelm Emilsson, 31.7.2017 kl. 12:10]

Einmitt! Og lagið er "Nýríki Nonni" 

[Gulli litli, 31.7.2017 kl. 14:11]

Þaðan er nafnið Nýríki Nonni komið. Einmitt þessu flotta lagi Þokkabótar...sem innihélt beitta textahöfunda...

[Jens Guð, 31.7.2017 kl. 18:42]

Wilhelm (#5),  bingó!

[Jens Guð, 31.7.2017 kl. 18:45]

Gulli,  ég átti þessa plötu í gamla daga.  En týndi henni.  Eða hvort að henni var stolið frá mér.  

[Gulli litli, 31.7.2017 kl. 18:53]

Meiriháttar plata...var uppáhldsplata mömmu minnar meðan hún lífði..