Sea Shepherd-liðar gripnir í Færeyjum

  Færeyska lögreglan brá við skjótt er á vegi hennar urðu Sea Shepherd-liðar.  Það gerðist þannig að aftan á stórum jeppabíl sást í límmiða með merki bandarísku hryðjuverkasamtakanna.  Lögreglan skellti blikkljósum og sírenu á bílinn og bjóst til að handtaka liðið.  Í bílnum reyndust vera öldruð hjón.  Reyndar var ekki sannreynt að þau væru hjón.  Enda aukaatriði.  Þeim var nokkuð brugðið.

  Lögreglan upplýsti gamla fólkið um nýleg og ströng færeysk lög.  Þau voru sett til að þrengja að möguleikum hryðjuverkasamtakanna á að hafa sig í frammi í Færeyjum.  Þar á meðal er ákvæði um að til að vera með einhverja starfsemi í Færeyjum þurfi að framvísa færeysku atvinnuleyfi.  Þetta nær yfir mótmælastöður,  blaðamannafundi,  afskipti af hvalveiðum og allskonar.

  Jafnframt hefur lögreglan heimild til að neita um heimsókn til Færeyja öllum sem hafa brotið af sér í Færeyjum.  Hvergi í heiminum hafa hryðjuverkasamtökin verið tækluð jafn röggsamlega og í Færeyjum.  

  Gamla fólkið svaraði því til að það væri algjörlega óvirkir félagar í SS.  Það kæmi ekki til greina af þess hálfu að skipta sér af neinu í Færeyjum.  Ferðinni væri heitið til Íslands.  Það væri einungis í smá útsýnisrúnti um Færeyjarnar á meðan beðið væri eftir því að Norræna héldi til Íslands.

    

Athugasemdir

[[e-mail] (IP-tala skráð) 10.8.2017 kl. 17:22]

Úff, höfum við einhvern áhuga á þessu pakki hér..... við ættum að taka frændur okkar í færeyjum til fyrirmyndar og neita þeim aðgangi að landinu, senda þau beint heim aftur.

[Sigurður Kristján Hjaltested, 10.8.2017 kl. 17:32]

Hér á Íslandi myndi grákórinn (góda fólkid) falla í yfirlid ef vid taekjum nú uppá thví

ad senda glaepamenn og annda óloglegt fólk sem kemur til landsins strax burt.

Tek ofan fyrir faereyjingum sem eru MIKLU meiri VÏKINGAR heldur Íslendingar.

[Jens Guð, 10.8.2017 kl. 18:41]

 Halldojo, það var gaman fylgjast með í fyrra hvernig Færeyingar tækluðu SS-liða. Þeir voru um 500 og reyndu að trufla hvalveiðar Færeyinga. SS-liðarnir voru umsvifalaust járnaðir og teknir út umferð um leið og þeir létu bæra á sig. Síðan voru þeir sektaðir, hver einstaklingur, um allt að hálfri milljón ísl kr. Að auki voru bátar SS-liðanna gerðir upptækir svo og tölvur, myndavélar, myndbandstæki o.s.frv. Fyrir dómstólum rasskelltu Færeyingar SS-pakkið svo rækilega að vakti kátínu út um allan heim.

[Jens Guð, 10.8.2017 kl. 18:50]

Sigurður Kristján,  Færeyskir afkomendur Þrándar í Götu láta ekki vaða yfir sig á skítugum skóm.  

[Halldór (IP-tala skráð) 10.8.2017 kl. 22:31]

Já ég sá einmitt bloggið hjá þér um það, það var alger snilld að lesa það 8)

[Jón Frímann Jónsson, 11.8.2017 kl. 05:23]

Það er hætta á því að þessi lög í Færeyjum brjóti alþjóðlega sáttmála sem Færeyingar hafa skrifað undir og samþykkt. Það er einnig ljóst að aðgerðir færeyinga eru hugsanlega brot á mannréttindum og það þarfnast skoðunar nánar. Aðgerðir eins og þú nefnir hérna eiga ekki rétt á sér þó svo að einhver sé að mótmæla einhverju. Yfirvöld hafa enga heimild til þess að vaða yfir allt og alla á skítugum skónum. Slíkt kallast einræði og á ekki að lýðast.

Fyrirspurn til Dómsmálaráðuneytis Danmerkur er augljóslega nauðsyn þar sem þeir fara með málaflokka sem varðar utanríkismál fyrir Færeyjar.

[Jens Guð, 11.8.2017 kl. 10:47]

Halldór,  takk fyrir það.

[Jens Guð, 11.8.2017 kl. 10:49]

Jón Frímann,  þetta er áhugaverðir punktar hjá þér.  

[Stefán (IP-tala skráð) 11.8.2017 kl. 10:53]

Ef Sea Sheperd liðar fara að koma hingað á ný og gera usla eins og þeir hafa gert í Færeyjum undanfarin ár, þá geri ég ráð fyrir því að Gunnar nokkur Waage uppgjafatrommari verði fyrstur manna til að verja þá og allar þeirra gjörðir. Gunnar Waage flokkar væntanlega alla þá sem fordæma svona ,, innflytjendur " sem hreina rasista.

[Anna Sigríður Guðmundsdóttir, 11.8.2017 kl. 17:08]

Jens. Færeyjar virðast sem betur fer vera enn með lög og reglur landsins virk.

Það er svo margt undarlegt í þessum alþjóðalögum, eftir því sem Jón Frímann segir hér að ofan.

Ég skil ekki að einhver alþjóðasáttmáli verji hvalanna mannréttindi? Ég hélt að hvalir væru ekki manneskjur. En ég er nú ekki með nema grunnskólapróf og þar að auki líklega frekar vitlaus. Svo það er ekki von að ég skilji svona háfleyg og alþjóðleg hvalmannréttindi og alþjóða "sátt-mála" um slíkt fínerí.

M.b.kv.

[Jens Guð, 12.8.2017 kl. 18:34]

Stefán,  SS-liðar eru ekkert á leið til Íslands í þeim tilgangi að gera usla.  Gamla fólkið sem færeyska löggan hafði afskipti af er óvirkir félagar í hryðjuverkasamtökunum.  

[Jens Guð, 12.8.2017 kl. 18:43]

Anna Sigríður,  hvalir njóta ekki mannréttinda.  Hinsvegar ná dýraverndarlög yfir meðferð á þeim.  Marsvínsveiðar Færeyinga brjóta engin dýraverndarlög.  Hvalirnir eru aflífaðir á sek-broti án sársauka.  Rétt eins og þegar nautgripum, fé, hrossum, svínum og kjúklingum er slátrað í íslenskum sláturhúsum.   

[Anna Sigríður Guðmundsdóttir, 17.8.2017 kl. 22:13]

Jens. Takk fyrir svarið. Það var einmitt það sem ég taldi mig líka vita, að hvaladýrin séu ekki aflífuð á óverjandi hátt.

En hvað ætli Jón Frímann sé að meina, og hvaða réttindi er hann raunverulega að tala um, þegar hann talar um mannréttindi alþjóðasamfélagsins í sambandi við hvalveiðar? Hvar koma hvalir inn með mannréttindi, og hvers vegna, í reglufræðunum?

Ég spyr Jón Frímann bara beint að þessu?

Jón Frímann! Viltu vera svo vænn að útskýra og rökstyðja þetta mannréttinda-hvala-alþjóðasamninga dæmi fyrir mér fáfróðri og ómenntaðri í alþjóðafræðunum? Vitur maður gagn-fræðir þann sem er óvitur. Eða því hef ég alla vega alltaf trúað. 

M.b.kv.