Kvartað undan píkupoppi

  Írska hljómsveitin U2 er stöðugt undir smásjá.  Ekki skrýtið.  Þetta er og hefur verið eitt allra stærsta hljómsveitarnafn heims til hátt í fjögurra áratuga.  Fékk meira að segja að fara í hljómleikaferð um Bandaríkin með Sykurmolunum á níunda áratugnum.  Að auki hefur söngvari hljómsveitarinnar,  Bono,  verið duglegur við að tjá sig um ýmis hitamál.  Til að mynda barist gegn fátækt og skuldum í 3ja heiminum,  tekið virkan þátt í forsetakosningum í Bandaríkjunum og verið upptekinn af trúmálum.

  U2 hefur verið mörgum hljómsveitum víða um heim fyrirmynd í tónlist.  Hérlendis heyrist það einna best í tónlist Gildrunnar.

  Nú liggur Bono undir þungum ásökunum um karlrembu og kvenfyrirlitningu.  Í viðtali við bandaríska tímaritið Rolling Stone kvartar hann undan því að músíkiðnaðurinn í dag sé ofurseldur píkupoppi (very girly music).  Hann segist áhyggjufullur yfir því að lítið svigrúm sé fyrir unga rokkara til að fá útrás fyrir reiði.  Hipp-hopp sé eini vettvangur ungra reiðra drengja.  Það sé ekki nógu gott.  

  "Hvað er rokk?" spyr hann og svarar sjálfur:  "Reiði er hjarta rokksins."  Ýmsir hafa komið Bono til varnar.  Bent m.a. á að vinsælustu karlpoppararnir í dag spili kvenlæga músík,  svo sem Ed Sheeran og Sam Smith.  Aðrir eru ósáttir.  Sumir fordæma að þessi nú meinta karlremba hafi verið tilnefnd "Maður ársins 2016" af glanstímaritinu Glamour.   

Athugasemdir

[Sigurður I B Guðmundsson, 18.2.2018 kl. 10:56]

Held ég haldi mig bara áfram við CCR!!!

[Stefán (IP-tala skráð) 18.2.2018 kl. 11:29]

Bono hefur átt það til að fara út í trúarrugl, sem minnir um of á ákveðinn hlægilegan íslenskan þingmann (líklega þingmaður í aukavinnu), sem virðist lítið gera annað en ,, keyra með Guði ", alveg úti að aka sá. Oftast heldur Bono sig þó á jörðinni sem betur fer. Virkilega flott hjá honum að verja rokkið, einver verður að gera það. Það er hvorki karlremba né kvenfyrirlitning fólgin í því. Líklega vill metoo byltingin fekar verja þetta iðnaðarpopp ,, very girly musik ". 

[Jens Guð, 18.2.2018 kl. 18:37]

Sigurður I B,  það er góð þumalputtaregla að halda sig við CCR sama á hverju gengur.  Ég hef sennilega nefnt það við þig fyrr að alveg frá fermingaraldri hef ég átt allar plötur CCR og síðan sólóplötur Jóns Fogertys.  Þegar ég var í hljómsveitum á unglingsárum voru ætíð fjölmörg CCR-lög á prógramminu.  

[Jens Guð, 18.2.2018 kl. 18:45]

Stefán,  Ási ökufantur ekur ekki aðeins á guðs vegum heldur á öllum vegum sem á vegi hans verða. 

[Wilhelm Emilsson, 18.2.2018 kl. 21:16]

"Better run through the jungle." :)

[Jens Guð, 18.2.2018 kl. 21:56]

Wilhelm,  eitt af þveim flottari lögum:  https://youtu.be/EbI0cMyyw_M

[Wilhelm Emilsson, 18.2.2018 kl. 22:43]

Sammála! 

[Stefán (IP-tala skráð) 19.2.2018 kl. 13:57]

,, ( Wish I Could ) Hideaway " með CCR.

[Jónas Ómar Snorrason, 19.2.2018 kl. 15:40]

Sannast sagna er ég sammála þessu með CCR, sure things:)

[Jens Guð, 20.2.2018 kl. 18:48]

Stefán,  þetta er enn eitt snilldarlagið með CCR.  Á mínútu 2:24 bregður Fogerty á leik og hrópar á íslensku skýrt og greinilega:  "Þegi þú!".  Í uppgefnum texta lagsins er það í staðinn fyrir setninguna "see you soon". 

[Jens Guð, 20.2.2018 kl. 18:48]

Jónas Ómar,  ég líka.