Íslenskst fönk á vinsælustu netsíðunni

  Stærsta og vinsælasta vinylplötunetsíða heims er breska The Vinyl Factory Limited. Hún er miðpunktur heimsins í umræðu um vinylplötur.  Á dögunum brá svo við að þar birtist yfirgripsmikil umfjöllun/samantekt um sjaldgæfar íslenskar fönk-vinylplötur.  Fyrirsögnin er "Frozen soul picnic:  The hunt for Iceland´s forgotten funk records". 

  Heimildarmaður umfjöllunarinnar er fæddur á Íslandi en starfandi plötusnúður og útvarpsmaður í Bandaríkjunum.  Hann gegnir nafninu DJ Platurn.  Á síðunni er hægt að spila rösklega 43ja mínútna samantekt hans á íslensku fönki.  Skemmtilegt dæmi. Jafnframt eru 8 íslenskar plötur kynntar með ítarlegum texta.

  Skilgreining DJ Platurn á fönki er víðari en mín.  Samt.  Gaman að þessu.  Sjá HÉR      

Athugasemdir

[Stefán (IP-tala skráð) 4.4.2018 kl. 07:29]

Meistaraverk funksins er Head Hunters með Herbie Hancock. í 9 platna listi íslenskra platna sem þarna eru nefndar með funktónlist, þá vekur athygli mína að meistari Gunnar Þórðarson kemur að gerð þeirra flestra. Auk þess á Gunnar Þórðarson að hálfu útsetningu lagsins Disco Frisco m Ljósin í Bænum, sem mér finnst vera aðal íslenska funklagið, en ég sé ekki nefnt þarna.

[Sigurður I B Guðmundsson, 4.4.2018 kl. 13:11]

 Eru þá Glámur,Skrámur og Eiríkur Fjalar fönkarar?!!!

[Jens Guð, 4.4.2018 kl. 18:52]

Stefán,  ég undrast líka að "Disco Frisco" sé ekki með í pakkanum.  Hvernig víkur því við að Gunni Þórðar hafi útsett að hálfu lagið?  Ég hefði haldið að Ljósin í bænum væri fullfær um að útsetja sín lög:  Stefán S. Stefánsson + Mezzoforte-drengir og Ellen Kristjáns.       

[Jens Guð, 4.4.2018 kl. 18:56]

Sigurður I B,  þegar stórt er spurt verður fátt um svör.  Í færslunni læt ég þess getið að DJ Platurn skilgreini funk rúmar en ég.  Ég hefði jafnvel átt að kveða fastar að orði; segja hann skilgreina það miklu miklu miklu rúmar en ég.

[Stefán (IP-tala skráð) 4.4.2018 kl. 21:39]

Jú Jens, meistari Gunnar Þórðarson var upptökustjóri hjá Ljósin í Bænum og útsetti á móti Stefáni S. Stefáns. Einnig má nefna að Gunnar Þórðarson var líka upptökustjóri hjá Mezzoforte og á besta lagið á fyrstu plötu þeirrar merku funk/jazzrokk hljómsveitar. Svo er Gunnar þarna með sínum hljómsveitum: Hljómar, Trúbrot, Þú og Ég og er auk þess upptökustjóri, útsetjari og gítarleikari á plötum Olgu Guðrúnar og Ladda á þessum lista.

[Sigþór Hrafnsson (IP-tala skráð) 5.4.2018 kl. 00:52]

Sköpunarkraftur Íslendinga er merkilegur, það mætti halda að þeir byggju á eldfjalli. Þórir Baldurs hlýtur að komast ofarlega í funkflokkinn. Og svo er það meistarinn Guðmundur Ingólfs, hann funkaði ekki beint mikið en flestar hanns bebop línur rúmuðu mikið af fönki. Línan inn í línunni eins og Miles sagði. Guðmundur var okkar Miles.

[Guðmundur Jónsson, 5.4.2018 kl. 10:20]

Er að hlusta ,þetta  með betri 30 mínútum í mússik sem ég hef heyrt. Takk fyrir tengilinn Jens. 

[Halldór Egill Guðnason, 6.4.2018 kl. 05:51]

 Sigþór.: "You nailed  it" Guðmundur var okkar Miles.

 Takk, Jens fyrir pistilinn og ykkur öllum. Ekki oft sem ég er sammála öllum.

 Góðar stundir, með kveðju að sunnan.

[Magnús Þrándur Þórðarson, 8.4.2018 kl. 01:42]

Þú tekur kannski eftir, að þetta eru tveir diskar og því leynist kannski fleira á þeim en sýnist í fljótu bragði.  Þetta verkefni er engan veginn allsherjar heildar úttekt á þessarri tónlistargrein á Íslandi, þetta er mix, sem endurspeglar uppeldi og þróun Illuga í plötusnúðarhlutverki frá hann var  polli.  Ekki galið að líta á verkið, sem endurminningar íslensks atvinnumanns búandi í Kaliforníu um árabil.  Hann velur og hafnar og setur sitt mark á.  Með diskunum fylgir ágæt ritgerð, sem kemur þessu allvel til skila.  Með bestu kveðju, M. Þrándur.

[Jens Guð, 8.4.2018 kl. 15:24]

Stefán (#5),  takk fyrir upplýsingarnar.

[Jens Guð, 8.4.2018 kl. 15:24]

Sigþór,  ég tek undir hvert orð hjá þér.

[Jens Guð, 8.4.2018 kl. 15:25]

Guðmundur,  takk fyrir innlitið.

[Jens Guð, 8.4.2018 kl. 15:26]

Halldór Egill,  sömuleiðis takk fyrir innlitið.

[Jens Guð, 8.4.2018 kl. 15:27]

Magnús Þrándur,  takk fyrir útskýringuna.