Gangbraut, strætóskýli, kyrrstæðir bílar, sektir...

  Margt er brogað hér í borg;

ég bévítans delana þekki.

  Hagatorg er hringlaga torg

en hringtorg er það samt ekki!

   Fyrir þá sem þekkja ekki til:  Hagatorg er hringlaga torg fyrir framan Hótel Sögu.  Bílar mega ekki stöðva þegar ekið er í kringum torgið.  Sá sem stöðvar er umsvifalaust sektaður.  Við torgið stendur veglegt strætóskýli.   Vandamálið er að strætó má ekki stöðva við skýlið - að viðlagðri sekt.  Sama á við um bíla sem þurfa að stöðva fyrir aftan ef strætó stoppar.  Sjaldnast stoppar hann við skýlið.  Þar híma viðskiptavinir bláir af kulda dögum saman og horfa upp á hvern strætóinn á fætur öðrum aka hjá án þess að stoppa.  

  Þvert yfir torgið liggur gangbraut.  Bílstjórar mega ekki stöðva til að hleypa gangandi yfir.  Stöðvun kostar fjársekt.  Hinsvegar er refsilaust að keyra gangandi niður.  Einhverjir embættismenn halda því þó fram að gangbrautin eigi réttinn.  Hringtorgið sé nefnilega ekki hringtorg. 

Athugasemdir

[Stefán Guðmundsson (IP-tala skráð) 18.11.2019 kl. 08:02]

Það sem er samt ekki fyndið þarna, er að allt í íslenska textanum er dagsatt og það er bara grafalvarlegt. Þess vegna er vora auma spillingarþjóð á gráum lista sem bara dökknar.

[Sigurður I B Guðmundsson, 18.11.2019 kl. 11:51]

 Hlátur lengir lífið og ekki er öll vitleysan eins!!

[Jens Guð, 19.11.2019 kl. 17:34]

Stefán,  þetta myndband er margra ára gamalt en í fullu gildi.  Alveg eins og pistill sem Jónas heitinn Kristjánsson skrifaði um Samherja fyrir mörgum árum. 

[Jens Guð, 19.11.2019 kl. 17:34]

Sigurður I B,  vitleysan er fjölskrúðug!

[Stefán Guðmundsson (IP-tala skráð) 20.11.2019 kl. 08:13]

Nákvæmlega Jens, það hefur ekkert breyst nema þá til hins verra. Sukk og svínarí sem aldrei fyrr og stjórnvöld þora ekki að hrófla við nokkru - Ísland er klárlega eitt allra spilltasta land í heimi og á svo sannarlega heima á svörtustu listum.