Breskar sígarettur

  Í nýlegri dvöl minni í Skotlandi vakti athygli að allt þarlent reykingafólk virtist reykja sömu sígarettutegund.  Og það tegund sem ég kannaðist ekki við.  Eðlislæg forvitni var vakin.  Ég gerðist svo djarfur að spyrja reykingamann út í málið.  Þá var ég upplýstur um að í Bretlandi séu allir sígarettupakkar alveg eins.  Það eru lög.  Furðulög.  Rökin eru þau að ef að fólk veit ekki hvort að það er að reykja Camel eða Salem þá hættir það að reykja og maular gulrætur í staðinn. 

Athugasemdir

[Þorsteinn Siglaugsson, 12.1.2020 kl. 01:04]

Þetta er orðið svona í Frakklandi líka. Meira vesen fyrir ungt fólk sem er að byrja að reykja að komast að því hvað það á að reykja.

En auðvitað kemst fólk að því á endanum. Og þá er allt í lagi.

[Sigurður Bjarklind (IP-tala skráð) 12.1.2020 kl. 07:47]

Hvað varð eiginlega um Teofani og Commander? Að ég tali nú ekki um Craven A.

[fridrik indridason (IP-tala skráð) 12.1.2020 kl. 13:19]

svo ekki sé talað um raleigh, chesterfield, lark, styvesant, players o.sv.fr.

[Þorsteinn Siglaugsson, 12.1.2020 kl. 23:11]

Já, eða Benson & Hedges. Ákaflega góðar sígarettur. Fengust hér á sínum tíma, en því miður ekki lengur.

[Sigurður I B Guðmundsson, 13.1.2020 kl. 11:03]

Ég hélt að þú værir að grínast með þetta. En þetta breytist kannski þegar Bretar ganga úr ESB.

[Jens Guð, 16.1.2020 kl. 16:05]

Þorsteinn (# 1),  takk fyrir upplýsingarnar. 

[Jens Guð, 16.1.2020 kl. 16:13]

Sigurður Bjarklind,  ég hef aldrei heyrt þessi nöfn.  Nema að í söngtexta lagsins "Lady Fish and Chips" er sagt að söguhetjan reyki Commander. 

[Jens Guð, 16.1.2020 kl. 16:15]

Friðrik,  ég kannast við nöfnin Raleigh og Chesterfield.  Hinsvegar hef ég ekki hugmynd um hvað varð um allar þessar tegundir.

[Jens Guð, 16.1.2020 kl. 16:28]

Þorsteinn (# 4),  ég hefði viljað vita af þessum rettum fyrr!

[Jens Guð, 16.1.2020 kl. 16:30]

Sigurður I B,  þetta er kannski ástæðan fyrir stuðningi Englendinga við Brexit!