Fjölmiðlar ljúga gróflega

  Íslenskir fjölmiðlar hafa hamrað á því dögum og vikum saman að coronaveiran - Covid 19 - sé komin til allra Norðurlandanna.  Framan af var reyndar hengt við fréttina að Ísland væri undanskilið.  Svo kom veiran til Íslands. 

  Stóra lygin í þessum fréttaflutningi er að veiran hefur ekki borist til Færeyja (í þessum skrifuðu orðum).  Hafa Færeyingar þó hvergi dregið af sér að spígspora um Tenerife og Ítalíu.

  Ólíklegt er að Færeyingar sleppi við veiruna til frambúðar.  Samt.  Færeyingar eru heilsubesta þjóð í Evrópu (og kannski í heiminum?).  Líka hamingjusamasta þjóð Evrópu (og kannski heims?).  Atvinnuþátttaka Færeyinga er sú mesta í Evrópu.  Bæði meðal karla og kvenna.  85,4 Færeyinga, 15 ára og eldri,  vinna sér til gagns og gamans.  Að auki eru Færeyingar frjósamasta þjóð Evrópu.  Þannig mætti áfram telja.  

  Annað en þó þessu skylt.  Samkvæmt óstaðfestum fréttum greindist maður í N-Kóreu með veiruna.  Hann var skotinn með það sama. 

 

Athugasemdir

[Helga Kristjánsdóttir, 4.3.2020 kl. 02:27]

Hamingjan fylgir þeim sem ber virðingu og elskar land/þjóö sína. Til hamingju Færeyingar!

[Helga Kristjánsdóttir, 4.3.2020 kl. 02:29]

 Æi þjóö-/átti að vera þjóð.

[sigurður bjarklind (IP-tala skráð) 4.3.2020 kl. 06:26]

Hönd í hönd við dönsum hringdans og syngjum Orminn langa. Spritt verkar best innvortis!

[Sigurður I B Guðmundsson, 4.3.2020 kl. 10:42]

Fréttastofur birta helst ekki jákvæðar fréttir. Þess vegna er lítið sem ekkert fjallað um Færeyjar.

[Stefán (IP-tala skráð) 5.3.2020 kl. 12:12]

Veiran hefur borist til Færeyja, allavega eitt tilfelli. Mér er sagt að það séu 63 skæðar veirur á Alþingi.  

[sigurður bjarklind (IP-tala skráð) 5.3.2020 kl. 12:47]

Fékk aðeins bakþanka vegna neðanmálsins frá N-Kóreu. Ætli Svandís viti af þessu?

[Jens Guð, 5.3.2020 kl. 20:34]

Helga,  ég tek undir hvert orð!

[Jens Guð, 5.3.2020 kl. 20:35]

Sigurður Bjarklind (# 3),  ég votta það!

[Jens Guð, 5.3.2020 kl. 20:36]

Sigurður I B,  þetta er áreiðanlega rétt hjá þér.

[Jens Guð, 5.3.2020 kl. 20:41]

Stefán,  eins og segir í pistlinum þá þótti mér ólíklegt að Færeyingar myndu sleppa við veiruna til lengri tíma.  Svo kom þetta dæmi upp. Mig grunar að ekki verði dauðsfall.

[Jens Guð, 5.3.2020 kl. 20:42]

Sigurður Bjarklind (# 6),  við skulum ekki segja henni frá þessu.