Hvað ef...?

  Ef John, Paul,  George og Ringo hefðu aldrei hist væri margt öðruvísi en það er í dag.  Ekki aðeins tónlistin.  Fjórmenningarnir frá Liverpool breyttu mörgu öðru.  Allt frá hártísku til almennra viðhorfa til margs.  Sprengikrafturinn lá í liðsheild kvartettsins.  Hvað hefði orðið um einstaklingana ef þeir hefðu aldrei hist?

  Fyrsta ályktum um John Lennon gæti verið að hann hefði orðið myndlistamaður.  Hann var í myndlistaskóla.  Fyrri eiginkona hans og barnsmóðir,  Cynthia,  var skólasystir hans.  John var efnilegur myndlistamaður.  Hinsvegar lauk hann aldrei námi í skólanum.  Hann var rekinn úr honum fyrir ítrekuð agabrot og árekstra við kennara og samnemendur.  Það einkenndi einnig grunnskólagöngu hans.  Hann átti erfitt með að fylgja reglum,  hafði ekki reiðistjórn og var ofbeldismaður.  Það þurfti sérstakar manngerðir til að umbera skapofsaköst hans og ofbeldishneigð.

  Líklegra er að John hefði orðið rithöfundur.  Hann skrifaði frábærlega fyndnar og frumlegar smásögur sem voru gefnar út í bókarformi.  Þorsteinn Eggertsson þýddi sumar þeirra og birti í dagblaðinu Tímanum.  Gaman væri ef hann þýddi þær allar og gæfi út á íslensku í heilu lagi.  

  Sem tónlistarmaður hefði John ekki náð langt án Pauls,  Georges og Ringos.  Hann stofnaði hljómsveitina The Quarrymen sem varð undanfari Bítlanna.  Þó að þetta væri hans hljómsveit,  sem söngvara og allsráðandi,  þá tókst ekki betur til en svo að hann spilaði banjóhljóma á gítarinn.   Báðir foreldrar hans voru banjóleikarar og spiluðu að auki á ukoleli.  Mamma hans var einnig píanóleikari.  Pabbi hans var söngvari og lagahöfundur.  John var með tónlistargen í blóðinu.  Án Pauls hefðu þau gen aðeins gert John að glamrara og gutlara í hljóðfæraleik.  Eins og foreldrana.  

  Hljómsveitin The Quarrymen er starfandi enn í dag.  En er ekki að skora hátt.  Fjarri því góð hljómsveit.  Næstum 70 árum síðar stenst hún ekki samanburð við frumútgáfu af Bítlunum með John,  Paul og George.  Það er hrópandi munur á "karakterunum" í músíkinni.

.  Vegna skapofsa Johns og ofbeldishneigðar er lílegt að hann hefði skrifað sínar sögur í fangelsi. 

   Þegar Paul kynntist John var hann á leið í háskólanám í læknisfræði og ensku.  John stillti honum upp við vegg:  Annað hvort velur þú skólann eða The Quarrymen.  Það er ekkert bæði.  Bara annað hvort.  Paul valdi rétt.  Ef hann hefði valið annað hefði hann orðið gutlari á pöbbum eins og pabbi sinn.  

  George var byrjaður að spila með Bítlunum þegar hann skráði sig í nám sem ratvirki.  George drepleiddist námið.  Kolféll á fyrsta prófi. Erfitt er að reikna út hvað hann hefði tekið sér fyrir hendur án Bítlanna.  Sjálfur giskaði hann á garðyrkju eða grænmetisveitingastað.           

    John Lennon sagði eitt sinn að Ringo væri eini Bítillinn sem hefði "meikað það" án Bítlanna.  Hann hefði gert það gott sem trommari og ennfremur orðið góður kvikmyndaleikari.  Hann var í góðum málum sem trommari í vinsælli hljómsveit í Liverpool,  áður en hann gekk til liðs við Bítlana.  Hann tók niður fyrir sig með því.  En honum þótti Bítlarnir svo brjálæðislega skemmtilegir að hann lét slag standa.  Sá aldrei eftir því.  Hann var eini Bítillinn sem John lamdi aldrei.  Eru þá fyrsti bassalerikari Bítlanna,  Stu,  og trommuleikari The Quarrymen meðtaldir,  svo og Cynthia. 

 

Athugasemdir

[Sigurður I B Guðmundsson, 23.5.2021 kl. 10:15]

Þakka þér kærlega fyrir þennan fróðleik. Já, þótt maður hafi lesið margt um Bítlana þá kemur þú manni alltaf á óvart með þína Bítla þekkingu og endilega haltu áfram á þessari braut. Kannski líka um Stons, Kinks, Dave Clark Five, CCR og svo áfram.

[Stefan (IP-tala skráð) 23.5.2021 kl. 13:04]

Við þennan goða og sanna pistil er litlu við að bæta. En va hvað heimurinn hefði verið eitthvað grar og ospennandi an The Beatles. Hvað ætli t,d. hefði orðið ur þeim tonlistarmonnum sem Sigurður nefnir ? Liklega litið sem ekkert. Personulega finnst mer framlag The Beatles mun merkilegra og skemmtilegra en oll truarbrogð samtals, sem skilja meira eftir sig kjaftæði, leiðindi og strið.

[Jóhann Elíasson, 23.5.2021 kl. 13:21]

Mjög góð greining hjá þér Jens og er ég að mörgu leiti sammála henni.  En ég held að ef Lennon hefði ekki slegið svona hressilega í gegn með Bítlunum, að vegna skapsins og fleiri persónutengdra raskana, hefði hann orðið FÉLAGSLEGT VANDAMÁL LIVERPOOLBORGAR NÚMER EITT.   Ringó Starr væri sá eini af Bítlunum sem  hefði getað spjarað sig án Bítlann er ég alls ekki sammála.  Til dæmis hefur ferill Paul McCartney's eftir Bítlanna verið sérstaklega farsæll en vissulega fékk hann gott forskot sem fyrrverandi Bítill og það sama má segja um George Harrisson.  Ummæli John's má kannski rekja til beiskju hans vegna þess hvernig viðskilnaður við Bítlanna varð og sannarlega gafst honum ekki tími til að vinna úr því.......

[Jens Guð, 23.5.2021 kl. 15:00]

Sigurður I B,  mér þuykir líklegt að ég eigi eftir að blogga um þessar hljómsveitir sem þú nefnir.  Ég á allar plötur CCR og sólóplötur Johns Fogertys að auki;  svo og flestar plötur Stóns og margar með Kinks.  Konan mín heitin var harðlínu Stónsari.  

[Jens Guð, 23.5.2021 kl. 15:13]

Stefán,  ég tek undir hvert orð.

[Jens Guð, 23.5.2021 kl. 15:26]

Jóhann,  þó að íbúar Liverpool hafi verið tvöfalt fleiri en Íslendingar segir Paul að allir unglingar í bænum hafi vitað af bæjarvillingnum Lennon.  Hann var alræmdur kjaftfor slagsmálahundur með forystuhæfileika.  Paul reiknaði dæmið þannig að samstarf við John gæti verið ávísun á að ná lengra en innan Liverpool.  Þess vegna bankaði hann upp hjá Lennon og kynnti sig.  Lennon lyktaði þá eins og whisky-tunna. 

  Það spurning með Paul.  Pabbi hans var pöbbaspilari.  Hann marghamraði á við Paul að fara í tónlistarnám annars yrði hann arftaki sinn sem láglauna kvöldgutlari á pöbbum.  Ég tel líklegt að án Bítlanna hefðu orð pabbans ræst. 

[Jóhann Elíasson, 23.5.2021 kl. 16:34]

Það er rétt hjá þér Jens að það er mjög erfitt að spá í það hvernig hlutirnir hefðu orðið ef eitthvað hefði farið á annan veg.  Þar af leiðandi held ég að vegferð þeirra Pauls og Georgs hafi veið nokkurn veginn ákveðin áður en þeir gengu í Bítlana  og bítlaveran aðeins styrkt þá í því að þarna ættu þeir heima.  Það er ekki nokkur einasta spurning í mínum huga að hefðu þeir ekki hafið feril sinn í Bítlunum, þá hefði þeirra ferill í mús´kinni ekki orðið svipur þess sem hann varð......

[Jens Guð, 23.5.2021 kl. 16:51]

Jóhann,  það voru eiginlega engar forsendur fyrir því að tónlistarmenn frá Liverpool ættu möguleika utan Liverpool fyrir daga Bítlanna.  Liverpool var "slömm" sem Englendingar litu niður á.  Meira að segja viðurkenndu margir Englendingar ekki Liverpool sem Englendinga heldur einhverskonar bastarða.  Enskuframburður þeirra þótti hallærislegri en allt hallærislegt. 

  John var eitt sinn spurður að því hvers vegna Bítlarnir hefðu aldrei nýtt ofurvinsældir sínar til að fara út í pólitík.  Hann svaraði því til að það hafi verið risa-pólitík að tala alltaf ómengaða Liverpoolsku. 

[Jóhann Elíasson, 23.5.2021 kl. 20:17]

Það vantaði ekki að John varð aldrei svarafátt og kunni vel að koma fyrir sig orði....

[Jens Guð, 23.5.2021 kl. 20:53]

Jóhann,  John Lennon var tvívegis settur í greindarvísitölupróf.  Annarsvegar í grunnskóla.  Hinsvegar í Myndlistasksólanaum.  Í annað skipti mældist hann með greindarvísitölu ofvita,  160.  Í hitta skiptið einnig greindarvísitölu ofvita 165.  Margir textar hans vitna um yfirburðargáfur.  Paul sagði að hann hugsaði 10 sinnum hraðar en aðrir Bítlar.   

[Theódór Norðkvist, 23.5.2021 kl. 21:59]

Ég get alltaf hlegið að Glímuhundinum, eftir John Lennon. Sá þetta atriði sem er auðvitað til á YouTube í þáttaröð um Bítlana í kringum 1995. Hún birtist í bók eftir hann, In My Own Write. Snilldarorðaleikur með orðatiltækið in my own right. Dudley Moore heitinn með honum, myndi vilja sjá þennan þátt í heild sinni.

The Wrestling Dog

[Jens Guð, 24.5.2021 kl. 07:51]

Theódór,  ég man eftir sögunni um glímuhundinn.  Dúndurfyndin.  Ég þarf að leita að þessu á youtube.

[Theódór Norðkvist, 24.5.2021 kl. 12:35]

Þarft ekki að leita, smella bara á tengilinn í athugasemdinni að ofan.

[Jens Guð, 24.5.2021 kl. 13:00]

Theódór,  bestu þakkir.