Stysta heimsreisa sögunnar

  Miðaldra maður í Ammanford á Englandi átti sér draum um að fara í heimsreisu.  Í mörg ár undirbjó hann ferðalagið af kostgæfni.  Sparaði hvern aur og kom sér upp þokkalegum fjársjóði.  Er nær dró farardegi seldi hann hús sitt,  allt innbú og fleira og sagði upp í vinnunni.  Hann undirbjó nákvæma ferðaáætlun.  Endastöðin átt að vera New York.  Þar ætlaði hann að setjast á helgan stein í kjölfar 32.000 kílómetra vel skipulagðrar heimsreisu. 

  Síðustu daga fyrir brottför varði hann í að kveðja sína nánustu og vini.  Á lokakvöldinu sló hann upp kveðjuhófi.  Hann datt rækilega í það.  Skálaði ítrekað við gesti og gangandi.  Hver á fætur öðrum bað um orðið,  flutti honum mergjaðar kveðjuræður og óskuðu góðrar ferðar.  Sjálfur steig hann ítrekað í pontu og kastaði kveðju á viðstadda.  Samkoman stóð fram á nótt og menn voru farnir að bresta í söng.    

  Morguninn eftir lagði hann af stað í nýjum húsbíl.  Tveimur mínútum síðar - eftir að hafa ekið 1 og hálfan km - stöðvaði lögreglan hann.  Áfengi í blóði var þrefalt yfir leyfilegum mörkum.  Húsbíllinn var kyrrsettur.  Ferðalangurinn var sviptur ökuleyfi til hálfs þriðja árs.

 

Athugasemdir

[Sigurður I B Guðmundsson, 30.10.2022 kl. 15:43]

Þá er bara að ná sér í konu með bílpróf!!

[Jens Guð, 30.10.2022 kl. 16:38]

Sigurður I B,  góð hugmynd!

[Jósef Smári Ásmundsson (IP-tala skráð) 1.11.2022 kl. 19:58]

Varla hefur hann ætlað á húsbílnum til New York. Var hann orðinn svona fullur?

[Jens Guð, 2.11.2022 kl. 08:54]

Jósef Smári,  hann var sannarlega fullur.  Hinsvega hefur hann tæplega ætlað að sniðgangas ferjur í heimsreisunni.