Lisa Marie Presley

 Fyrir nokkrum árum var ég á flandri austur í Englandi.  Að mig minnir í Brighton.  Á sama gistiheimili bar að tvo unga menn.  Gott ef þeir voru ekki sænskir.  þeir voru að flakka þvers og kruss um England.  Á einni sveitakrá blasti við þeim kunnugleg bardama.  Þeir tóku hana tali og komust að því að hún væri Lisa Marie Presley,  dóttir Elvis Presley.

  Mér þótti sagan ótrúverðug.  Í fyrsta lagi var Lisa Marie bandarísk.  Allar slúðursögur af henni fjölluðu um hana í Bandaríkjunum með bandarísku fólki.

  Í öðru lagi var hún moldríkur erfingi föður síns.  Hún var auðmaður sem þurfti ekki að dýfa hendi í vatn.  Hvorki kalt né heitt. Hvers vegna ætti hún að strita á kvöldin við að afgreiða bjór á enskri krá?  Þetta passaði ekki.

  Drengirnir bökkuðu ekki með sína sögu.  Þeir sýndu mér ljósmyndir af sér með henni.  Ljósmyndir eru ekki pottþétt sönnunargagn.  Ég leitaði á náðir google.  Í ljós kom að dóttir rokkkóngsins var stödd á þessari sveitakrá.  Ensk vinhjón hennar ráku krána.  Lisu Marie þótti einfaldlega gaman að afgreiða á barnum. 

  Svo féll hún frá,  núna 12. jan,  aðeins 54 ára.

-----------------------

  Allt annað:  Í tilefni af Þorra: 

 

     

Athugasemdir

[Stefán (IP-tala skráð) 22.1.2023 kl. 10:01]

Enn undarlegra athæfi hjá Lisu finnst mér vera það þegar hún tók upp á því að giftast viðrininu Michael Jackson. 

[Jens Guð, 22.1.2023 kl. 12:21]

Stefán, það var stórfurðulekt uppátæki.

[Vilhjálmur Örn Vilhjálmsson, 22.1.2023 kl. 13:42]

Blessuð sé minning Lísu barmeyjar Prestlingsdóttur. Kvæntist Jackson henni í alvöru??? Ég hef heyrt að röverend Jones hafi ekki haft vígsluréttindi.

[Vilhjálmur Örn Vilhjálmsson, 22.1.2023 kl. 13:45]

Kafnaði hún í hnetusmjör-beikon samloku líkt og Elvis?

[Jens Guð, 22.1.2023 kl. 14:07]

Vilhjálmur Örn,  ég veit ekki hversu löglegt eða ekta hjónaband þeirra var.  Þau eru sögð hafa gifst á laun í Dóminíska lýðveldinu.  Það var hjartað sem gaf sig hjá Lisu.

[Stefán (IP-tala skráð) 22.1.2023 kl. 15:10]

 Lísa hefur væntanlega liðið fyrir það að hafa gifst (löglega eða ekki) viðrini og pervert. Gaf hjartað sig á Heartbreak Hotel ?

[Ingólfur Sigurðsson, 22.1.2023 kl. 18:42]

Ég held að sagan sem Jens segir af Lísu Presley í þessu bloggi sýni að hún hafði hjartað á réttum stað þótt hún hafi verið efnuð. Einhversstaðar las ég að hjartagalli væri hjá þeim í ættinni, og að Elvis hafi stytt lífið með líferni sínu. Þá hefur Lísa allavega ekki lifað til hárrar elli þrátt fyrir að vera grönn. Sýnir að örlögin verða ekki umflúin með hátæknilæknavísindum eða hollu líferni alltaf.

Elvis var ótrúlegur söngvari og mun aldrei gleymast. Lísa dóttir hans ábyggilega góð manneskja, en eins og börn margra stórstjarna ekki með sömu hæfileikana endilega.

Meira mætti meta fólk eftir hæfileikum, minna eftir því hverra afkomendur þau eru. 

[Vilhjálmur Örn Vilhjálmsson, 23.1.2023 kl. 08:13]

Ingólfur, vegna nasistabakpokans þíns, þá er viðeigandi að spyrja í stríðni, hvort þú vitir að Presley var bæði kominn af gyðingum og blökkumönnum. 

[Jens Guð, 23.1.2023 kl. 08:21]

Stefán (# 6),  ég held að hún hafi vorkennt vesalingnum.

[Jens Guð, 23.1.2023 kl. 08:22]

Ingólfur,  Elvis var líka góðmenni.

[Ingólfur Sigurðsson, 23.1.2023 kl. 15:32]

Vilhjálmur, nei ég vissi það ekki. En hin færslan þín um að Elvis hafi kafnað í hnetusmjörs-beikon samloku er röng. Talið er að Elvis hafi dáið af hjartaáfalli sem 14 lyf áttu þátt í, offita og kannski fleira. En það var svo sem löngu þekkt að hann hafði dálæti á þessum samlokum. Lísa átti fáein offitutímabil, en fór í ýmsar lýtaaðgerðir eins og hennar fyrrverandi, Michael Jackon og var yfirleitt miklu grennri en faðirinn. Lísa hefur áreiðanlega forðast þessar hnetusmjörs-beikon samlokur, sem faðirinn hafði dálæti á.

Jens, já Elvis hefur vafalaust verið góðmenni. En hann var þjóðernissinni á bandarískan máta og var í hernum og leyniþjónustan vildi láta hann vinna fyrir sig samkvæmt sumum ævisagnariturum. John Lennon var hinsvegar rannsakaður af bandarískum yfirvöldum vegna stuðningsins við vinstriöflin og átti í stríði við yfirvöldin þar. Ólíkir menn að því leyti en báðir góðir tónlistarmenn.

[Jens Guð, 24.1.2023 kl. 12:35]

Ingólfur (# 11),  bandarískur tengdafaðir minn fór í herinn um svipað leyti og Elvis.  Á þeim tíma var afstaða til hersins þannig að menn fögnuðu þegar þeir fengu herkvaðningu.  Öll fjölskyldan samfagnaði og var að springa af stolti.  Hermenn voru baðaðir í hetjuljóma.  Þeir sem stóðust ekki læknisskoðun skömmuðust sín mjög og voru hæddir og fyrirlitnir sem aumingjar.   

[Theódór Norðkvist, 25.1.2023 kl. 18:40]

Blessuð sé minning Lísu, alltaf sorglegt þegar fólk fer svona fyrir tímann. Mér finnst athugasemdir nokkurra hér ekki vera til sóma og frekar lýsa höfundunum en Lísu, MJ eða öðrum. Við ættum að bera virðingu fyrir hinum dánu og heiðra minningu þeirra feðgina, sem eru svona stór þáttur í rokksögunni.

[Jens Guð, 26.1.2023 kl. 10:44]

Theódór,  takk fyrir innleggið.

[Jóhann Elíasson, 26.1.2023 kl. 11:44]

Mér finnst nú að Vilhjálmur Örn Vilhjálmsson eigi að fara varlega í að byggja málflutning sinn og að byggja málflutning sinn á svoleiðis löguðu.......

[Jóhann Elíasson, 26.1.2023 kl. 11:48]

Fyrirgefðu þarna átti að vera "byggja málflutning sinn á kjaftasögum".  Ég biðst afsökunar á fljótfærninni...

[Jens Guð, 28.1.2023 kl. 16:41]

Jóhann,  ég tók kommenti Vilhjálms sem léttu gríni.