Hvernig litu rokkstjörnurnar út í dag?

  Í hvaða átt hefði tónlist Jimi Hendrix þróast ef hann væri á lífi í dag?  En Janis Joplin?  Eða Kurt Cobain?  Þessum spurningum hefur áhugafólk um tónlist spurt sig í áraraðir.  Það hefur borið hugmyndir sínar saman við hugmyndir annarra.  Þetta er vinsælt umræðuefni á spjallsíðum netsins.

  Önnur áhugaverð spurning:  Hvernig liti þetta fólk út ef það væri sprelllifandi í dag?  Tyrkneskur listamaður telur sig geta svarað því.  Til þess notar hann gervigreind.  Útkoman er eftirfarandi.  Þarna má þekkja John Lennon,  Janis Joplin,  Jimi Hendrix,  Kurt Cobain,  Tupac,  Freddie Mercury og Elvis Presley.

                                                                                           

Athugasemdir

[Sigurður I B Guðmundsson, 12.2.2023 kl. 12:04]

Flottar myndir og gaman að sjá hvað öll eldast vel. 

[Jens Guð, 12.2.2023 kl. 12:30]

Sigurður I B,  listamaðurinn vinnur þetta af virðingu fyrir stjörnunum.  Það er til fyrirmyndar.

[Sigurður I B Guðmundsson, 12.2.2023 kl. 12:58]

Væri gaman að sjá hvernig Keith Richards ætti að líta út!!!

[Jens Guð, 12.2.2023 kl. 13:30]

Það væri spennandi!

[Stefán (IP-tala skráð) 12.2.2023 kl. 14:23]

Þetta lið myndi klárlega ekki líta svona út í dag, væri langt í frá svona unglegt útlits. John og Freddie væru t.d. alls ekki svona vel hærðir, Janis og Jimi væru væntanlega líkari Keith Richards en þessar unglegu myndir sýna og Elvis var ellilegri að sjá þegar hann dó en hann er sýndur á þessari mynd. Svo myndi ég ætla að þau væru öll komin meira og minna í skallapoppið, jafnvel þau elstu löngu hætt að framleiða tónlist í dag. 

[Jens Guð, 12.2.2023 kl. 16:01]

Stefán,  það er rétt hjá þér að listamaðurinn fer um þau mjúkum höndum.  Hrukkur eru til að mynda fáar og grunnar.  Fyrirsögnin hefði kannski átt að vera á þá vegu að svona liti þetta fólk út í dag ef það hefði á sínum tíma orðið edrú og farið að stunda líkamsrækt.  

[Wilhelm Emilsson, 12.2.2023 kl. 21:19]

Góður punktur þetta með edrúmennskuna og líkamsræktina, Jens 😊 "Time waits for no one / No patience has he," söng Mick Jagger árið 1974. Oscar Wilde, sem var nokkurs konar rokkstjarna síns tíma, sagði: "To get back my youth I would do anything in the world, except take exercise, get up early, or be respectable."

[Jens Guð, 13.2.2023 kl. 08:39]

Wilhelm,  takk fyrir fróðleiksmolana,

[Stefán (IP-tala skráð) 14.2.2023 kl. 19:11]

Hvernig ætli Kata Jak muni líta út þegar hún fattar loksins að aðeins hálaunafólk styður örflokk VG ? Hún sem var eins og poppstjarna, en fallið er hátt ...