9.4.2023 | 12:38

Keypti karl á eBay

  Staurblankur enskur vörubílstjóri,  Darren Benjamin,  sat að sumbli.  Hann vorkenndi sér mjög.  Bæði yfir blankheitunum og ennfremur yfir að vera alltaf einn.  Það er einmanalegt.  Eftir margar og miklar vangaveltur yfir stöðunni fékk hann hugmynd.  Hún var sú að auglýsa sig til sölu á uppboðsvefnum eBay.  Hann hrinti henni þegar í framkvæmd.  Hann lýsti söluvörunni þannig:  "Kynþokkafullur en blankur vörubílstjóri til sölu."

 Viðbrögð voru engin fyrstu dagana.  Síðan fór Denise Smith að vafra um eBay.  Hún rakst á auglýsinguna.  Henni leist vel á ljósmyndina af kallinum.  Hún bjó í Milton Keynes eins og hann.  Henni rann blóðið til skyldunnar.  Yfir hana helltist vorkunn vegna aðstæðna hans.  Jafnframt blossaði upp í henni löngun til að veita ummönnun. 

  Denise bauð 700 kr. í kauða.  Hún var viss um gagntilboð.  Það kom ekki.  Tilboðinu var tekið.  Hann flutti þegar í stað inn til hennar.  Enda lá það í loftinnu.  Hann var orðinn eign hennar.  Þar með gat Darren sagt leiguíbúð sinni upp.  Það sparaði pening.

  Umsvifalaust var blásið til formlegs brúðkaups.  Eða eiginlega brúðgumakaups. 


Meginflokkur: Viðskipti og fjármál | Aukaflokkar: Lífstíll, Spil og leikir, Vefurinn | Breytt 10.4.2023 kl. 10:49 |

« Síðasta færsla | Næsta færsla »

Athugasemdir

1 identicon

,, You ll Never Walk Alone ,,

Stefán (IP-tala skráð) 9.4.2023 kl. 15:33

2 Smámynd: Jens Guð

Hehehe! coolcoolcool

Jens Guð, 9.4.2023 kl. 15:40

3 Smámynd: Sigurður I B Guðmundsson

Hann var þá heppinn að það kvennmaður sem keypti hann eða hvað!!

Sigurður I B Guðmundsson, 9.4.2023 kl. 18:49

4 Smámynd: Jens Guð

Sigurður I B,  segðu!

Jens Guð, 10.4.2023 kl. 06:24

5 identicon

Svo er það spurning hvort maður vill að auralítil skólastelpa kaupi mann fyri smáaura eða einhver sjötug forrík ekkja fyrir glás af monní.

Bjarni (IP-tala skráð) 10.4.2023 kl. 08:15

6 Smámynd: Jens Guð

Bjarni,  maður spyr sig!

Jens Guð, 10.4.2023 kl. 08:55

7 Smámynd: Jóhann Elíasson

Ætli það sé OFFRAMBOÐ af BLÖNKUM vörubílstjórum í Bretlandi?  Mér finnst "verðið" frekar lágt..... wink

Jóhann Elíasson, 10.4.2023 kl. 14:17

8 Smámynd: Jens Guð

Jóhann,  ég hef aldrei heyrt um jafn lágt verð á vörubílstjóra!

Jens Guð, 10.4.2023 kl. 14:52

9 identicon

Hvaða verðmiði hefði verið settur á vörubílstjórann Elvis Presley í svona dæmi ? 

Stefán (IP-tala skráð) 10.4.2023 kl. 20:34

10 Smámynd: Jens Guð

Stefán (#9),   fer eftir því hvort um er að ræða Elvis fyrir eða eftir frægð.

Jens Guð, 11.4.2023 kl. 08:48

11 identicon

Ég keypti fimm kappa frá Georgiu, Drive-By Truckers sem hljóma eins og Wilco frá Chicago.  

Stefán (IP-tala skráð) 11.4.2023 kl. 20:59

Bæta við athugasemd

Hver er summan af fimm og ellefu?
Nota HTML-ham

Innskráning

Ath. Vinsamlegast kveikið á Javascript til að hefja innskráningu.

Hafðu samband