Jólagjöfin í ár!

  Út er komin meiriháttar svakaleg bók,  Born to Run - Sjálfsævisaga.  Í henni segir rokkgoðsögnin Bruce Springsteen sögu sína og hljómsveitarinnar E Street Band.  Ég er kominn með bókina í hendur og byrjaður að lesa.  Það er ekkert áhlaupaverk.  Hún er hnausþykkur doðrantur,  hátt í 700 blaðsíður.  Þær eru þétt skrifaðar með frekar smáu letri.  Þýðandi er Magnús Þór Hafsteinsson,  þekktur fyrir góðar og vandaðar þýðingar.

  Ég sé í hendi mér að bókin er ekki lesin á einu kvöldi.  Þetta er margra daga lestur;  margra daga skemmtun.  Ég geri betur grein fyrir henni að lestri loknum. 

 

Athugasemdir

[Sigurður I B Guðmundsson, 11.11.2023 kl. 10:53]

Las bókina hans Keith Richards og var hún mjög fróðleg og hlakka til að lesa um snillinginn Brús. 

[Stefán (IP-tala skráð) 11.11.2023 kl. 10:54]

Ég væri sko meira en til í hljómleika með kappanum, ekki síður en hljómleika með Paul McCartney. Báðir eru þeir þekktir fyrir langa og líflega hljómleika og lygilega mikið úthald. Báðir hafa þeir sent frá sér frábærar og svo léglegar plötur. Af plötum Springsteen held lang mest upp á Born to Run, en mér finnst platan Born in the USA vera leiðinleg, þrátt fyrir augljós gæði.

[Jens Guð, 11.11.2023 kl. 11:59]

Sigurður I B,  bókin hans Keiths er snilld.  Þessi er ekki síðri.  En þær eru ólíkar.

[Jens Guð, 11.11.2023 kl. 12:03]

Stefán,  Paul hefur átt það til að troða upp með Brúsa og taka með honum þrjú lög í beit.  Born in the USA er eiginlega mín uppáhalds með Brúsa. 

[Bjarni (IP-tala skráð) 11.11.2023 kl. 20:38]

"Some tings hurt more, much more then cars and girls"  

Prefab sprout.

[Jens Guð, 12.11.2023 kl. 10:39]

Bjarni,  vel orðað hjá Prefab Sprout.

[Ingólfur Sigurðsson, 13.11.2023 kl. 17:37]

Brúsi er amerísk ofurhetja og verkalýðspoppari eins og Bubbi okkar. Ég uppgötvaði hann seinna en Bob Dylan, en þeir eru sláandi líkir í sumu, báðir lærðu af Woody Guthrie. Bob Dylan er ljóðrænni en Brúsi er meiri sagnamaður í anda ballöðusöngvanna. 

Þetta er mjög áhugaverð bók.

[Jens Guð, 13.11.2023 kl. 18:28]

Ingólfur,  ég kvitta undir hvert þitt orð.  Enda segist Bubbi ætla að fá sér þessa bók.