Óvænt og ferskt stílbragð Rúv

  Löng hefð er fyrir því að viðurkenningarskjöl,  meistarabréf og fleira af því tagi séu virðuleg og vegleg.  Einkum er nafn handhafa plaggsins sem glæsilegast.  Oft skrautskrifað.  Tilefnið kallar á að reisn sé yfir verkinu.  Enda algengt að það sé innrammað og prýði veggi.  

  Í fésbókarhóp sem kallast Blekbyttur vekur Árni Sigurðsson athygli á nýstárlegri framsetningu Rúv á viðurkenningarskjali.  Þar eru fréttamenn ársins heiðraðir.  Skjalið sem staðfestir titilinn lætur lítið yfir sér - ef frá er talið nafn handhafans.  Það stingur í stúf við tilefnið;  er krotað með hrafnasparki líkt og eftir smábarn að krota með kúlupenna.

  Með uppátækinu fer Rúv inn á nýjar brautir.  Út af fyrir sig er metnaður í því.  Einhver kallaði þennan nýja stíl "pönk".  Munurinn er þó sá að pönk er "kúl".

 

 

 

 

 

 

 

 

 

 

 

 

 

 

 

 

 

 

Athugasemdir

[Sigurður I B Guðmundsson, 5.1.2024 kl. 10:45]

Þarna hefðir þú komið sterkur inn!!

[Jens Guð, 5.1.2024 kl. 10:54]

Sigurður I B,  heldur betur!

[Bjarni (IP-tala skráð) 5.1.2024 kl. 18:27]

Hefur þetta blogg alla tíð verið bara blekkingar?  Hef alla tíð séð þig í huganum sem kafskeggjaðan öldung með neftóbak í nefinu og sígarettu í munnvikinu, sjálfsagt með séniver í hendi, svo birtist bara einhver strákhvolpur, varla sprotin grön.

Svo ertu ekki Guð heldur.

[Jens Guð, 5.1.2024 kl. 19:20]

Bjarni,  ég er skeggjaður öldungur (á sjötugs aldri) með sígarettu í munnviki.   Einstaka sinnum.  Oftar með bjórdós við hönd.  Gælunafnið Guð er loðið og teygjanlegt;  stytting á föðurnafni mínu sem er Guðmundsson. 

[Stefán (IP-tala skráð) 5.1.2024 kl. 21:38]

Allt er breytingum háð, sumt til batnaðar, annað til hins verra. Sú var tíðin að nánast hálf þjóðin lærði skrautskrift hjá Jens Guð og færeyingar líka. Nú hefur punkuð hrafnaskrift tekið yfir hjá RÚV og þykir mér þar illa farið með útvarpsgjald mitt og annara. En til að vega upp á móti smekkleysu, þá vil ég hrósa RÚV fyrir einstaklega fagmannlegt og gott Áramótaskaup að þessu sinni. Svo skemmtilegt fannst mér það að ég mun horfa á það aftur og aftur fram á vor, jafnvel á meðan allskonar leiðinda kjör og kosningar fara fram, biskups, forseta og jafnvel ríkisstjórnar ?  Aftur á móti bauð Stöð 2 upp á Kryddsíld í lokaðri dagskrá og get ég bent þeim sem ekki náðu áhorfi að þar voru þeir heppnir. Síldin var kryddlaus, væmin og skildi eftir óbragð í munni. 

[Jens Guð, 5.1.2024 kl. 22:26]

Stefán,  ég á líka eftir að horfa á skaupið í endursýningu.  Kunningi sagði mér í dag að skaupið sé töluvert fyndnara í endursýningu. 

[Ingólfur Sigurðsson, 5.1.2024 kl. 23:12]

Já margt má muna sinn fífil fegri og metnaðurinn þarna orðinn lítill eða enginn hjá þeim á RÚV. En Jens er góður teiknari, mjög góður. Teikningar hans í Poppbókinni sýna það til dæmis. Þar er popparaliðið sýnt í góðum teikningum hans.

[Jens Guð, 6.1.2024 kl. 10:48]

Ingólfur,  takk fyrir þessi ummæli.

[Stefán (IP-tala skráð) 9.1.2024 kl. 02:52]

Rögnvaldur gáfaði hættur í Hvanndalsbræðrum - Er hann á leiðinni í forsetaframboð ?

[Jens Guð, 9.1.2024 kl. 09:38]

Stefán,  það væri gaman að fá hann í framboð.