Maður með nef

  Margir kannast við ævintýrið um Gosa spýtukall.  Hann er lygalaupur.  Hann kemur jafnóðum upp um sig.  Þannig er að í hvert sinn sem hann lýgur þá lengist nef hans.  Þetta er ekki einsdæmi.  Fyrir áratug fór að bera á svona hjá breskum hermanni á eftirlaunum,  Jóa lygara,  Þegar hann laug bólgnaði nef hans.  Að því kom að nefið formaðist í stóran hnúður.  Þetta hefur eitthvað að gera með taugaboð og örari hjartslátt þegar hann fer með fleipur.  

  Þetta lagðist þungt á 64 ára mann.  Hann einangraði sig.  Læddist með Covid-grímu út í matvörubúð að nóttu til þegar fáir eru á ferli.  Fyrir tveimur árum leitaði hann til lýtalæknis.  Sá fjarlægði hnúðinn, lagaði nefið í upprunalegt horf og gaf Jóa ströng fyrirmæli um að láta af ósannindum..  

    

Athugasemdir

[Jóhann Elíasson, 28.2.2024 kl. 11:43]

Það æri VERULEGA VANDRÆÐALEGT fyrir Íslenska stjórnmálamenn lentu í þessum ósköpum...... 

[Jens Guð, 28.2.2024 kl. 11:52]

Jóhann,  heldur betur!

[Stefán (IP-tala skráð) 28.2.2024 kl. 12:36]

Satt Jóhann, hvaða núverandi íslenski stjórnmálamaður fengi þá stærsta nefið ?  Svari hver fyrir sig ? Ég hef mínar hugmynd.

[Jens Guð, 28.2.2024 kl. 15:03]

Stefán,  þeir myndu margir hrúgast í toppsætið!

[Stefán (IP-tala skráð) 28.2.2024 kl. 17:56]

T.d. einn sem stundum er kallaður vellygni ...... ? 

[Jens Guð, 28.2.2024 kl. 18:38]

Stefán (# 5),  hver er það?

[Stefán (IP-tala skráð) 28.2.2024 kl. 19:52]

Ja, það gæti t.d. verið einn sem samkvæmt könnunum hefur mælst með 7 prósent (ef ég man rétt) traust hjá fólki á kosningaaldri.