Gapandi hissa

  Ég veit ekkert um boltaleiki.  Fylgist ekki með neinum slíkum.  Engu að síður fer ekki framhjá mér hvað boltafólk gapir mikið.  Það er eins og stöðug undrun mæti því.  Það gapir af undrun.  Að mér læðist grunsemd um að einhverskonar súrefnisþörf spili inn í.  Fólkið berjist við - í örvæntingu - að gleypa súrefni.  Þetta er eins og bráðasturlun.

 

Athugasemdir

[Stefán (IP-tala skráð) 30.4.2024 kl. 08:17]

Á þessum myndum má sjá sannan keppnisanda í fótbolta. Menn fagna eigin árangri eða hvetja félagana áfram með hrópum og köllum. Að fylgjast með góðum fótboltaliðum er dásamleg skemmtun og fólk eignast sín lið til að styðja í blíðu og stríðu, svona rétt eins og við íslendingar eignumst okkar forsetaframbjóðanda til að styðja í dag. Svo eigum við flest okkar uppáhalds tónlistarfólk. Sumir segjast hlusta á alla tónlist, en mér finnst það ekki vera tónlistarsmekkur. Ég hlusta helst á þá tónlist sem fellur best að mínum tónlistarsmekk sem kann alveg að vera þröngur. Eins fylgist ég helst með ,, mínum ,, fótboltaliðum.  

[Jens Guð, 30.4.2024 kl. 08:37]

Stefán,  takk fyrir þína hlið á málinu.

[Sigurður Kristján Hjaltested, 30.4.2024 kl. 10:36]

Maður bara gapir yfir þessu..

[Jóhann Elíasson, 30.4.2024 kl. 12:02]

Myndirnar eru mjög skemmtilegar og tek ég algjörlega undir með Stefáni.  Hins vegar get ég ekki orða bundist eftir að hafa lesið viðtal við Hjálmar Jónsson, fyrrum framkvæmdastjóra Blaðamannafélags Íslands, en í þessu viðtali kom hann með orðatiltæki sem ég kannast ekki við að hafa heyrt áður en það er "sögnin" að verða "ROTHISSA".......

[Sigurður I B Guðmundsson, 30.4.2024 kl. 13:08]

Eru þetta ekki viðbrögð þeirra við bloggunum þínum???

[Jens Guð, 30.4.2024 kl. 16:46]

Sigurður Kristján,  vel mælt!

[Jens Guð, 30.4.2024 kl. 16:48]

Jóhann,  þetta er áreiðanlega nýyrði.

[Jens Guð, 30.4.2024 kl. 16:48]

Sigurður I B,  þegar þú nefnir það!

[Ómar Geirsson, 30.4.2024 kl. 18:09]

Rothissa er eitt af nýyrðum ársins.

Reyndar eitt best lýsandi orð sem ég hef lesið lengi, og margar myndir af gapandi hissa fótboltamönnum hef ég séð, enda fan.

Að ég skuli ekki hafa fattað að þeir væru rothissa, það var bara vegna þess að ég hafði ekki orðið.

Takk fyrir skemmtilegan pistil og nærandi umræðu.

Kveðja að austan.

[Jens Guð, 30.4.2024 kl. 19:09]

Ómar,  takk fyrir hólið.  Í upphafi var orðið...

[Wilhelm Emilsson, 30.4.2024 kl. 19:45]

"Og orðið var hjá Jens Guði . . ."  Deilur við dómarann virðast oft valda bráðasturlun--sem er gott orð--hjá íþróttamönnum.

[Ómar Geirsson, 30.4.2024 kl. 21:07]

Og get ekki verið meira sammála.

Kveðja að austan.

[Jens Guð, 30.4.2024 kl. 21:13]

Wilhelm,  hehehe!

[Jens Guð, 30.4.2024 kl. 21:15]

Ómar,  né heldur ég!

[Sigurður Bjarklind (IP-tala skráð) 1.5.2024 kl. 06:57]

Nú er ég alveg steinrothissa. Orðið rothissa hefur lengi verið til í mínum orðaforðabanka þannig að varla er það nýyrði nema kannski í fyrirsögnum. Hvaðan það kom og hver bjó það til hef ég ekki hugmynd um. Bráðasturlun er skemmtilegt orð ef það er notað á viðeigandi hátt á kappvellinum. En gæti valdið misskilningi.

[Jens Guð, 1.5.2024 kl. 09:23]

Sigurður Bjarklind,  takk fyrir upplýsingarnar.

[Bjarni (IP-tala skráð) 1.5.2024 kl. 10:37]

Á öllum myndunum er verið að öskra en ekki að gapa.  Það er m.a það sem gefur lífinu lit, ástríðan og innlifunin.  Það væri lítið gaman að íþróttalekjum ef báðum aðilum væri sama um úrslitin. Þegar báðir aðilar vilja sigur þá kemur til skjalanna sigurviljin með tilheyrandi ástríðu og innlifun.

Afsakið að ég skuli vera að eyðileggja alla aumu brandarana um 'gapandi hissa'.

[Jens Guð, 1.5.2024 kl. 11:48]

Bjarni,  takk fyrir ábendinguna.