Aldeilis furðulegt nudd

  Ég varð fyrir því að annar fóturinn bólgnaði um of og varð óþægilega aumur.  Ráðið var að fara í sjúkranudd.  Hugmynd mín um nudd reyndist allt önnur en raunveruleikinn.  Ég var látinn leggjast á bekk.  Þétt upp við bólguna var lagt tæki sem líktist Mackintosh (Quality Street) konfektdós.  Nema það var ekki skrautlegt á litinn.  Það var tengt við annað tæki sem líktist nettum ísskáp.

  Nuddarinn ýtti á takka,  settist niður og tók að skrifa á blað.  Mig grunar að hann hafi verið að yrkja ljóð.  Að nokkrum tíma liðnum kvartaði ég undan því að ekkert væri að gerast.  Nuddarinn svaraði:  "Þannig á það að vera.  Þú átt ekki að finna neitt."

  Að liggja í hálftíma í nuddi án þess að finna að maður sé í sjúkranuddi þykir mér klént.  Hönnuður tækisins hefur greinilega enga þekkingu á sálfræði.  Ef tækið á að virka sannfærandi þarf það að gefa frá sér ýmis hljóð,  svo sem píphljóð.  Einnig lítil blikkljós.  Jafnvel titra örlítið af og til og senda frá sér smá hita.

  Eftir "nuddið" fann ég engan mun á fætinum.  "Alveg eins og það á að vera,"  fullyrti "nuddarinn" og bætti við:  "Ég þarf að rukka þig um 15 þúsund og bóka þig í næsta tíma."  Ég afþakkaði næsta tíma.  

  

 

Athugasemdir

[Sigurður I B Guðmundsson, 19.2.2025 kl. 09:53]

Fór einu sinni sem ungur maður til Eðvalds Hinriksson Mikson sem "tók vel á því". Enda frægur fyrir það. Eftir það finnst mér alltaf nuddarar bara vera að "káfa" á skrokknum á mér!

[Jens Guð, 19.2.2025 kl. 09:59]

Sigurður I B,  hugsanlega eru þeir einmitt að káfa á þér!

[Stefán (IP-tala skráð) 19.2.2025 kl. 10:23]

Mér finnst hæpið að tala um nudd ef menn nudda svo ekki. Það er álíka traustvekjandi og malbikun á vegum sem verða svo holóttar slysagildrur. Kannski er þessi nuddari dýralæknir ?  Dýralæknar bera allavega ábyrgð á ónýtu gatnakerfi hér og kalla svo eftir meiri túrisma og þá líklega til að fylla upp í holurnar. 

[Stefán (IP-tala skráð) 19.2.2025 kl. 10:32]

Tókstu nokkuð eftir því Jens hvort þessi ,, nuddari ,, var í gallabuxum ?  Slíkum mönnum er víst ekki treystandi, spyrjið bara Bryndísi Haralds sem virðist hræðist slíka. 

[Jens Guð, 19.2.2025 kl. 10:40]

Stefán,  góður!

[Bjarni (IP-tala skráð) 19.2.2025 kl. 14:38]

Og no happy ending?

[Jens Guð, 19.2.2025 kl. 16:24]

Bjarni,  nei.  Það beið kannski næsta nuddtíma.

[Bjarni (IP-tala skráð) 19.2.2025 kl. 17:04]

Buddy, you got screwed.

[Jens Guð, 19.2.2025 kl. 18:14]

´Bjarni,  svo sannarlega!

[Stefán (IP-tala skráð) 19.2.2025 kl. 21:18]

Í framhaldi af nuddara sem nuddar ekki og dýralæknum sem búa til holur í vegi, þá mætti halda ( með fullri virðingu fyrir dýralæknum sem stunda dýralækningar ), að dýralæknar stjórni Play nú um stundir. Spurjið bara Kauphöllina. 

[Helga Kristjánsdóttir, 20.2.2025 kl. 01:26]

Það kostar að láta lappa upp á sig vinur.

[Jens Guð, 20.2.2025 kl. 06:58]

Helga,  heldur betur!

[jósef Ásmundsson (IP-tala skráð) 20.2.2025 kl. 09:22]

Eftir því sem ég hef heyrt er ráðið við bólgum sem verða vegna óhapps ekki að fara í nudd. Nudd nýtist aðeins við vöðvabólgum og eykur blóðflæði til vöðvans. Það sem á að gera er að hvíla sig og hugsanlega fá bólgueyðandi lyf. Þú hefðir sennilega getað sparað þér þessi 15000.

[Jens Guð, 20.2.2025 kl. 09:54]

Jósef,  takk fyrir fróðleiksmolann.