Með sína bestu plötu í farteskinu

   

  Poppstjarnan sívinsæla,  Herbert Guðmundsson,  hefur sem kunnugt er tekið kristna trú og er farin að boða fagnaðarerindið í viðtölum í fjölmiðlum og í Keflavíkurkirkju.  Hebbi er ekki beinlínis að predika í Keflavíkurkirkju heldur ætlar hann að flytja tvö lög og segja frá reynslu sinni af því hvernig hann snérist til kristni og frelsaðist frá vímuefnum og sígarettum. 

  Verið er að raða nýrri plötu með kappanum í hillurnar þessa dagana.  Þetta er hans fyrsta plata til fjölda ára.  "Spegill sálarinnar" heitir hún.  Ég hef heyrt hana og votta að þar er um bestu plötu meistarans að ræða til þessa.  Hún er uppfull af sterkum lögum með grípandi "sing-a-long" viðlögum og öflugum,  vönduðum röddunum og allt upp Gospelkór Reykjavíkur. 

Herbert predikar í Keflavíkurkirkju

Athugasemdir

[Ómar Ingi, 30.9.2008 kl. 14:16]

Kallinn er ekki dauður ennþá

[Þorsteinn Briem, 30.9.2008 kl. 16:01]

Ef einhvers staðar þarf að boða fagnaðarerindið er það í Keflavík, með eða án sing-a-long.

[Rúna Guðfinnsdóttir, 30.9.2008 kl. 16:43]

Á ég að þora að viðurkenna eitt???  Ég þekki ekki eitt einast lag með Herberti. Ég þekki ekki rödd hans, hvað þá lögin. Samt hef ég ekkert á móti honum. (eðlilega)

Hilsener.

[Guðríður Hrefna Haraldsdóttir, 30.9.2008 kl. 16:51]

Trúi þér alveg ... en hef samt nett ofnæmi fyrir gospel.

[Jakob Bragi Hannesson (IP-tala skráð) 30.9.2008 kl. 17:13]

Er hann sívinsæll? Dáítið óreynt!

[Gulli litli, 30.9.2008 kl. 19:33]

Hvenær fékkst þú þennan áhuga á léttri popptónlist....?...

[hörður halldórsson (IP-tala skráð) 30.9.2008 kl. 22:41]

Mér

[hörður halld. (IP-tala skráð) 30.9.2008 kl. 22:46]

Mjög gott það sem ég hef heyrt í útvarpskynningu,lagið „golden rule“er grípandi. Hebbi er góður.

[Steingrímur Helgason, 1.10.2008 kl. 00:26]

Jenz, þú & þitt  'skallapopp'  ....

[Ævar, 1.10.2008 kl. 00:40]

Hebbi er vanmetnasti tónlistarmaður á íslandi !

[Jens Guð, 1.10.2008 kl. 00:52]

  Ómar,  Hebbi hefur 9 líf.

  Steini,  alveg hárrétt. 

  Rúna,  þú þekkir "Can´t Walk Away".

  Gurrý,  það er bara "gospel" í tveimur lögum eða svo.   Þá á ég við svona dæmigert "gospel".  En víðar á plötunni er guðspjallalegur undirtónn í tónum og textum.

  Jakob Bragi,  á áttunda áratugnum söng Hebbi í vinsælustu hljómsveitum landsins,  svo sem Tilveru,  Pelican og Eik.  Hann átti einn stærsta smell níunda áratugarins.  Nýja platan mun njóta vinsælda.  Það er klárt.

  Gulli,  ég hef aldrei haft áhuga á léttpoppi.  Þannig lagað. 

  Hörður,  Hebbi er snilld. 

  Sigurður Helgi,  hann er dúndurskemmtilegur. 

  Steingrímur,  takk fyrir innlitið. 

[Jens Guð, 1.10.2008 kl. 00:56]

  Ævar Þór,  kannski.  Engu að síður er hann hátt skrifaður. 

[Jóna Kolbrún Garðarsdóttir, 1.10.2008 kl. 02:00]

Hebbi hefur skemmt á hverju þorrablóti sem haldið hefur verið hérna á Nesinu, hann er alltaf skemmtilegur. 

[Ásgerður , 5.10.2008 kl. 11:23]

Þessi diskur er æðislegur, búinn að vera í spilaranum síðan ég keypti hann

Og ég verð sko í Keflavíkurkirkju 9.nóvember.