Ljúf plata fyrir rómantíska

 

  Ég rakst á gamlan kunningja í gær,  gleðigjafann André Bachman (til að leiðrétta útbreiddan misskilning þá var hann ekki einn bræðranna í Bachman Turner Overdrive).   André stakk að mér árituðum disk með sér,  "Með kærri kveðju".  Hún inniheldur 12 dægurperlur sem gleðigjafinn flytur af ljúfmennsku í rómantískum kokteilmúsíkstíl.  Þetta eru lög eins og "Án þín" eftir Jónas og Jón Múla Árnasyni,  "Tondeleyó"  eftir Sigfús Halldórsson og Tómas Guðmundsson,  "Brostu (þótt margt þig angri)" eftir Chaplin með texta eftir Þorstein Eggertsson og "Ég er kominn heim" sem Bubbi og Björn Jörundur sendu nýverið frá sér.

  Ég ætla að skrifa ítarlegri umsögn um plötuna þegar ég hef hlustað oftar og betur á hana. 

  Gælunafnið Gleðigjafinn hefur fests við André Bachman.  Frá því ég kynntist honum fyrst fyrir aldarfjórðungi hefur hann stöðugt verið að gleðja:   Staðið fyrir jólaskemmtunum Barnaspítala Hringsins og Jólahátíð fatlaðra,  staðið fyrir hljómleikum og plötuútgáfu til styrktar Sjálfsbjörgu og Styrktarfélagi vangefinna.  Þannig mætti áfram telja.  

  Platan "Með kærri kveðju" fæst í öllum verslunum Olís.     

   

Athugasemdir

[Ómar Ingi, 30.9.2008 kl. 08:43]

Ertu á % 

[Gylfi Björgvinsson, 30.9.2008 kl. 08:55]

Já Andri er sannkallað ljúfmenni hef ekki heyrt þennan disk  en efast ekki um að hann sé  ljúfur áheyrnar

[Júlíus Valsson, 30.9.2008 kl. 12:18]

Já, André er sannur gleðigjafi og sjentilmenni fram í fingurgóma. Platan hans er frábær og sjálfsagt að mæla með henni. Hún fæst t.d. á öllum Olísstöðvunum þar sem oft má hitta meistarann sjálfan við afgreiðslustörf, þ.e. þegar hann er ekki að keyra Strætó.

[Jens Guð, 30.9.2008 kl. 12:26]

  Ómar,  það er ekkert nema gaman að vekja athygli á einhverju sem gleðigjafinn André er að gera.  Hvort sem það er plata,  hljómleikar eða annað.  Það fylgir öllu slíku bros og gleði.

  Gylfi,  diskurinn er jafn ljúfur og gleðigjafinn sjálfur.

  Júlíus,  ég hitti André í Olísstöðinni í Álfheimum.  Hann var ekki í vinnunni - held ég - en sennilega vinnur hann þar.

[Magnús Geir Guðmundsson, 30.9.2008 kl. 23:41]

André já sstórmerkilegur maður, á allavega eina plötu með honum!

[Tryggvi Hübner, 1.10.2008 kl. 04:03]

Frábær diskur hjá Andra, enda er maðurinn fínn söngvari og algjör snillingur.

[Jens Guð, 1.10.2008 kl. 22:57]

  Maggi,  það er sennilega fyrri platan hans.  Ég held að hann hafi bara sent frá sér tvær sólóplötur en komið fram á safnplötum.

  Tryggvi,  það er gaman að maður eins og þú sem hefur spilað inn á margar af bestu plötum rokksögunnar skuli votta að þetta sé frábær plata. 

  André er nýbúinn að uppgötva bloggið og ég veit að honum mun þykja vænt um að lesa þetta "komment" frá þér.