Leiðinlegasta íslenska hljómsveitin - úrslit í skoðanakönnun

  Að undanförnu hefur staðið yfir á síðunni minni skoðanakönnun um leiðinlegustu íslensku hljómsveitina.  Spurningin sem brunnið hefur á allra vörum er:  "Hvaða hljómsveit fer mest í taugarnar á þér?"  Þannig var að þessu staðið að fyrst óskaði ég eftir tillögum.  Skilyrðið var að hljómsveitin hefði starfað á þessari öld.  Þeim hljómsveitum sem fengu flestar tilnefningar var stillt upp í formlega skoðanakönnun. 

  Þessi listi hefur ekkert að gera með minn persónulega smekk.  Á listann lentu uppáhaldshljómsveitir mínar,  Mínus og Sigur Rós.  Í stað þeirra hefði ég viljað sjá Stjórnina á listanum.  En þetta er ekki listi yfir þær hljómsveitir sem pirra mig heldur langaði mig til að fá að komast að því hvaða hljómsveitir fara mest í taugarnar á landsmönnum.

  Ein ástæðan fyrir því að ég loka skoðanakönnunni núna er að tvívegis hefur verið unnið á henni skemmdarverk með "hakki".  Í fyrra skiptið var 50 atkvæðum skellt á Sprengjuhöllina á nokkrum sekúndum.  Í seinna skiptið var 100 atkvæðum skellt á sömu hljómsveit á jafn stuttum tíma.  Ég get ekki leyft svoleiðis svindli eyðileggja niðurstöðuna.  Þess vegna hef ég dregið 150 atkvæði frá Sprengjuhöllinni og fært hana úr 1.  sæti niður í 5.  sæti.

  Í mínum kunningjahópi er fullyrt að það samrýmist húmor strákanna í Sprengjuhöllinni að reyna með svindli að ná titlinum leiðinlegasta íslenska hljómsveitin.  Á það er bent að ný plata sé að koma á markað og öll athygli hjálpi.  Ég ætla ekki að vera með getgátur um hvort þessi kenning sé rétt eða röng.  Ég frábið mér svindl af þessu tagi hvað sem fyrir mönnum vakir.  Ef þessi skemmdarverk hefðu ekki komið til hefði ég leyft könnunni að standa lengur til að verða marktækari.  Þá á ég einkum við varðandi hljómsveitirnar sem fæst atkvæði fengu.  Tölurnar á bakvið efstu sætin eru marktæk.

  Þegar þetta með Sprengjuhöllina hefur verið leiðrétt eru leiðinlegustu íslensku hljómsveitirnar þessar:

1.   Mercedes Club  20,9%

2.   Á móti sól  12% 

3.   Sálin hans Jóns míns  10,1%

4.   Sigur Rós  9,8%

5.   Sprengjuhöllin  9,5%   

  Rétt er að taka fram að allan tímann sem könnunin stóð yfir voru Sálin og Sigur Rós iðulega samstíga með 9,9% atkvæða báðar.  Stundum fór Sálin aðeins upp fyrir og þannig er staðan núna þegar könnunni lýkur. 

  Ég ætlast ekki til að neinn taki könnunni illa.  Þetta er bara léttur og saklaus samkvæmisleikur sem enginn á að taka hátíðlega.  Hæ, hæ, hó, hó og jibbí-jei!

  Gaman væri að heyra viðhorf þitt til þessarar niðurstöðu.

--------------

Hvaða hljómsveit fer mest í taugarnar á þér?

Á móti sól 12,0%

Í svörtum fötum 2,7%

Land & synir 3,0%

Mercedes Club 20,9%

Mínus 1,6%

Sálin hans Jóns míns 10,1%

Sign 2,7%

Sigur Rós 9,8%

Skítamórall 2,6%

Sprengjuhöllin 22,6%

Stuðmenn 7,9%

Veðurguðirnir 4,0%

1148 hafa svarað

Athugasemdir

[Ari (IP-tala skráð) 6.10.2008 kl. 15:26]

mercedes club er alveg vel að þessu komin en ég hefði viljað sjá Sprengjuhöllina ofar.

[Res (IP-tala skráð) 6.10.2008 kl. 17:06]

...Mér fannst vanta Gyllinæð á listan,,,,hefði annað hvort kosið hana eða Sprengjuhöllina.....

[Ása Ninna Katrínardóttir (IP-tala skráð) 6.10.2008 kl. 17:16]

Er sammála með 3 efstu sætin, en ég vil hvorki sjá Sigurrós né Sprengjuhöllina svona ofarlega. Frábærar hljómsveitir með krúttlega meðlimi. :)

Hinsvegar hefði t.d. Sign mátt vera ofar á lista, en það er bara mitt mat og þarf á engan hátt að endurspegla mat þjóðarinnar...

[Ómar Ingi, 6.10.2008 kl. 18:30]

Djöfulls heilalausa skítapakk sem ekkert vit hefur á tónum né list yfir höfuð.

Sigur rós í 4 sæti

Fólk er ekki komið á hausinn á þessu landi fyrir að vera beitt í hausnum , það er nokkuð ljóst

[Gunnar Hrafn Jónsson (IP-tala skráð) 6.10.2008 kl. 18:53]

Ómar: getur maður ekki haft vit á tónlist en samt látið ákveðna tónlistarsnillinga fara í taugarnar á sér? Spurt var "Hvaða hljómsveit fer mest í taugarnar á þér?" en ekki "Hvaða hljómsveit spilar ómerkilegustu tónlistina?"

[Linda Linnet Hilmarsdóttir, 6.10.2008 kl. 19:02]

Knús knús og yndislegar ljúfar kveðjur

[Magnús Jónsson, 6.10.2008 kl. 20:38]

ég er nú mest hissa að á að hljómsveitin hans Geirmundar Valtýs sé ekki á listanum, tel að fyrst svo er þá sé ekkert að marka þessa könnun hjá þér.   

[Magnús Geir Guðmundsson, 6.10.2008 kl. 21:22]

Mér finnst þetta bara yndislegt, sérstaklega og einmitt vegna þess að Geirmund og STjornina vantar, fínustu sviðs- og ballsveitir í báðum tilvikum.

[Magnús Geir Guðmundsson, 6.10.2008 kl. 21:24]

Og hvað Siggu Beinteins varðar, þá dreymdi mig alltaf að... en förum ekki nánar út í það!

[Þórhallur (IP-tala skráð) 6.10.2008 kl. 23:34]

get a life..

[Jens Guð, 7.10.2008 kl. 00:31]

  Ari,  ég hef ekki látið MC pirra mig vegna þess að ég lít á það fyrirbæri sem einnota grín.  Einhverra hluta vegna verð ég lítið var við MC.  Sennilega vegna þess að ég forðast Effemm957 eins og heitan eld.

  Sprengjuhöllin höfðar ekki til mín en pirrar mig ekki heldur. 

  Res,  Gyllinæð getur ekki verið á öllum listum.  Hún er í ágætum skammti í tónspilaranum mínum

  Ása,  ég var gráti nær að sjá Sigur Rós fara í pirrurnar á svona mörgum.  En ég svo sem átta mig á að fólk þarf að stimpla sig inn í tiltekna stemmningu til að ná hinni töfrum líku seyðandi tónlist Sigur Rósar.

  Ómar,  þetta eru meiri læti í þér.  Hehehe!

  Gunnar Hrafn,  þetta er hárrétt hjá þér.

  Linda mín,  knús á þig.

  Magnús Jónsson,  hljómsveit Geirmundar var tilnefnd en sú tilnefning var ekki studd af nægilega mörgum til að enda í formlegu skoðanakönnuninni.  Kannski er Geirmundur í huga margra sólóskemmtikraftur fremur en hljómsveit.  Geirmundur er reyndar frábær fyrir þann geira sem hann stendur fyrir,  samanber orð Magnúsar Geirs.  Þar fyrir utan er Geirmundur Skagfirðingur og það munar um slíkt.

  Magnús Geir,  já,  var það?  Hehehe!

  Þórhallur,  hvaða lag er það aftur?  Ég kannast við klisjuna en man ekki úr hvaða lagi.

[Ómar Ingi, 7.10.2008 kl. 02:03]

Hvaða hvaða leðist bara svona vitleysa , þrátt fyrir að 3 efstu geta verið Leiðinlegasta íslenska hljómsveitin - úrslit í skoðanakönnun   en eitthvað kann fólk að hafa miskilið þetta hjá þér annarsvegar taugarnar á fólki og leiðinlegasta : )

[Jens Guð, 7.10.2008 kl. 02:44]

  Ég tók þá ákvörðun að forvitnilegra væri að komast að því hvaða hljómsveitir fara í taugarnar á fólki en miða niðurstöðuna við minn smekk.  Yfirgnæfandi staða MC kom ekki á óvart.  Önnur sæti eru meira eitthvað sem ég velti fyrir mér sem áhugaverðri niðurstöðu.  Ég hef grun um að 2.  sæti Á móti sól dragi dám af því að Magni var að rífa kjaft við mig.  Sjálfur tók ég því létt.  Hef bara gaman af kjaftforum poppara en varð var við að það lagðist illa í suma.  Ég gætti þess að ýta hvergi undir neitt í þessari niðurstöðu.

  Jói Hjörleifs í Sálinni er góður vinur minn og ég er ekki sjálfur að láta Sálina fara í taugarnar á mér.  Ég hef sagt Jóa að Sálin sé ekki í uppáhaldi hjá mér. Hljómsveitin er aftur á móti verulega vinsæl og svona vinsæl popphljómsveit er ekki allra.  Ég kýs hana ekki sem neitt er pirrar mig.      

[Maja Solla (IP-tala skráð) 7.10.2008 kl. 07:01]

Ég spyr enn og aftur, man virkilega enginn eftir Maus?
Ég lagdi hana til thegar kosningin var, og held ad einhver 1 (einn) annar hafi gert slíkt hid sama..

[Kristín Björg Þorsteinsdóttir, 7.10.2008 kl. 09:17]

það vantar sárlega Todmobil.....