Klósetttískan í dag - Já, og burt með spillingarliðið!

  Heidi Strand benti mér á þessa skemmtilegu klósettaðstöðu fyrir fatlaða í Ranavík í Sunnhornlandi í Noregi.  Mér varð á að hlæja eins og fífl.  Fötluðum í Ranavík er hinsvegar ekki hlátur í huga.  Þeim þykir aðstaðan vera niðurlægjandi fyrir sig.  Einkum eru þeir fötluðu verulega ósáttir við gluggann á klósettherberginu.  Þeir hafna ábendingu um að glugginn sé mikilvægt öryggistæki.  Ef eitthvað kemur fyrir fatlaða á klósettinu,  til að mynda að þeir falli á gólfið og liggi þar ósjálfbjarga,  sé gott að vegfarendur geti séð það og kallað á aðstoð.

 

  Þetta klósett er í svefnherbergi í Hveragerði.  Frúin á heimilinu segir að þau hjónakornin hafi ekkert að fela.  Aðrar heimildir herma að gestir séu tregir til að nota þessa aðstöðu.

 

  Sá sem hannaði þetta klósett bendir á hagræðinguna við það að vatnið í fiskabúrinu endurnýi sig í hvert sinn sem sturtað er niður.  Það er fín sía í botni vatnskassans sem hindrar að fiskarnir sturtist niður með vatninu.  Hönnuðinum og framleiðandanum til mikilla vonbrigða hefur þetta klósett ekki náð þeim vinsældum sem vonast var til. 

  Þessi klósettaðstaða fyrir gesti er á veitingastað í Norður-Karólínu í Bandaríkjunum.  Ég hef ekki komið til N-Karólínu en vinafólk mitt sem er búsett þar segir að alvanalegt sé þar um slóðir að tvö til þrjú klósett séu staðsett hlið við hlið á þennan hátt á veitingastöðum.

Athugasemdir

[Ómar Ingi, 5.11.2008 kl. 20:20]

WC

[Ása Ninna Katrínardóttir (IP-tala skráð) 5.11.2008 kl. 21:06]

Á kvennaklósettinu á Kaffi Kúltúra á Hverfisgötu eru tvö klósett hlið við hlið. Finnst það agalega hentugt, svona fyrir stelpurnar sem fara saman að pissa!

[Skattborgari, 5.11.2008 kl. 22:50]

Falleg klósett sérstaklega það í hveragerði og með gullfiskunum væri til í þannig heim til mín.

Þetta klósett fyrir fatlaða er bara fyndið.

Kveðja Skattborgari.

[Rúna Guðfinnsdóttir, 6.11.2008 kl. 00:05]

Ég vorkenni nú fiskunum að búa í klósettkassa. Nóg er slæmt fyrir þá að kúldrast í búri hvað þá þessi ósköp.

Bæði munnvik lyftust við lesturinn, takk fyrir skemmtilegan klósettfræðslupistil.

[Heidi Strand, 6.11.2008 kl. 00:36]

Ný útgáfa af innlit og útlit.