Meira grín!

  Þessa brandara fékk ég senda.  Mér þykir sjálfsagt að deila þeim með ykkur. 

  Ljóskan var á bekkjarmóti með skólafélögunum.  Ein fyrrverandi bekkjarvinkonan snýr sér að henni og spyr frétta.
  "Hvað áttu svo mörg börn?" spyr hún ljóskuna.
  "Ég á átta syni," svarar ljóskan.
  "Vá!" segir vinkonan.  "Það er aldeilis.  Það hlýtur að vera nóg að gera hjá þér.  Hvað heita svo drengirnir?"
  "Þeir heita Guðmundur," svarar ljóskan.
  "Ha? Guðmundur? Varla hefur þú skýrt þá alla Guðmund?"
  "Jú, jú," svarar ljóskan. "Það er svo þægilegt að þeir heiti allir sama nafni því þá er ekkert mál að kalla á þá í matinn til dæmis.  Ég kalla bara Guðmundur og þá koma þeir allir hlaupandi."
  "Ó," segir vinkonan hugsandi.  "En hvað ef þú þarft að ná í einhvern einn af þeim?"
  "Ekkert mál," segir ljóskan.  "Þá kalla ég bara með föðurnafni."  
 
Pabbi gamli ákvað að flytja á elliheimilið.
Sonurinn var í heimsókn til athuga hvernig honum liði.
"Þetta er hreinn unaður," sagði sá gamli. "Maturinn fyrsta flokks og umönnunin ekki síðri."
"Hvernig sefurðu?" spurði sonurinn.
"Eins og steinn," svaraði pabbi. "Klukkan tíu er komið með heitt kakó handa mér og síðan fæ ég eina víagratöflu."
"Víagra?! Pabbi minn, ég trúi alveg að þú fáir kakó fyrir svefninn en mér finnst ótrúlegt að 85 ára karl fái víagra fyrir svefninn."
"Þetta er alveg rétt hjá honum," sagði hjúkrunarfræðingur sem heyrði tal þeirra feðga. "Við gefum kakóbolla til að hann sofi betur og víagratöflu til að hann velti síður fram úr rúminu."  
 
  Ég horfði gagnrýnum augum á konuna, sem ég hef verið giftur í 30 ár og sagði:
  "Heyrðu elskan – fyrir 30 árum áttum við ódýra íbúð, ódýran bíl, við sváfum á sófanum í stofunni, horfðum á 10 tommu svart/hvítt sjónvarp og á hverju kvöldi iðkaði ég bólfarir með viljugri 25 ára stelpu.
Núna á ég 80 milljóna hús, 15 milljóna bíl, rúm á stærð við skeiðvöll og
50 tommu flatskjá – en þarf að sætta mig við það á hverju kvöldi, að fara í bólið með þreyttri 55 ára konu. Ég fæ ekki séð að þú hafir haldið í við þróunina hér!"
  Ég verð að játa að ég á skynsama konu.  Hún leit snöggvast á mig og sagði um leið:
  "Ekki vandamálið. Drífðu þig bara út og finndu þér 25 ára viljuga stelpu! Ég sé um að þú fáir hitt aftur: Ódýra íbúð, bíldruslu og ódýrt svart/hvítt sjónvarp!  Eftir þessi 30 ár veistu að ég meina það sem ég segi."

  Er konan mín ekki frábær? Grái fiðringurinn hvarf á einu andartaki! 
 

Athugasemdir

[Gulli litli, 17.4.2009 kl. 14:28]

Þrjú fyndn.....

[Axel Jóhann Hallgrímsson, 17.4.2009 kl. 16:00]

 Góður!

[Jóna Kolbrún Garðarsdóttir, 17.4.2009 kl. 17:28]

[Ómar Ingi, 17.4.2009 kl. 17:33]

A professor at the University of Mississippi was giving a lecture on,'Involuntary Muscular Contractions' to his first year medical students. 

 Realizing this was not the most riveting subject,  the professor decided to lighten the mood slightly.He pointed to a young woman in the front row and said, 'Do you know what your ass hole is doing while you're having an orgasm?'

 She replied, 'Probably deer hunting with his buddies.'

It took 45 minutes to restore order in the classroom.........