Hlegið að hundum

  Sumu fólki þykir við hæfi að búa sér til aðhlátursefni á kostnað hunda.  Það er ljótt.  Hundar eru mjög spéhræddir.  Þeir skammast sín rosalega mikið ef þeir halda að þeir líti kjánalega út og verið sé að hlæja að þeim.  Þegar fólk er búið að "dubba" hundana sína upp í fígúrur tekur það ljósmyndir af þeim og setur á netið.  Síðan berast myndirnar til mín.  Þá sýni ég ykkur þær svo þið sjáið hvað fólk er leiðinlegt við hundana sína.

Athugasemdir

[Ómar Ingi, 30.6.2009 kl. 21:13]

Hundur í þér í dag Jens ?

[Jens Guð, 30.6.2009 kl. 21:47]

  Ómar Ingi,  það eru hvolpalæti í mér.

[Sæmundur Bjarnason, 30.6.2009 kl. 22:51]

Sé ekki betur en einn hundurinn sé rolla. Hmm

[Jens Guð, 30.6.2009 kl. 23:28]

  Sæmundur,  þess eru mörg dæmi að rollur haldi að þær séu hundar.  Þessi er ein af þeim.  Þess vegna leyfði ég henni að fljóta með.

[Steingrímur Helgason, 1.7.2009 kl. 00:33]

Ertu nokkuð ~hundazjúkur~, Jenzi minn ?

[Hannes, 1.7.2009 kl. 00:38]

hahaha. Mér finnst myndin af hundinum með hnífinn í höfðinu drep fyndin. Hinar eru líka fyndnar.

[Villi Kristjáns (IP-tala skráð) 1.7.2009 kl. 09:18]

Mér finnst nú myndin af neðsta hundinum fyndnust, sérstaklega þar sem hann líkist ekki hundi, heldur miklu fremur rollu - alveg ótrúlegt gervi, ;-)

[Jens Guð, 1.7.2009 kl. 13:03]

  Steingrímur,  þegar ég er úti í Færeyjum á ég til að vera nett "hundasjúkur"

[Jens Guð, 1.7.2009 kl. 13:04]

  Hannes,  þetta með hnífinn er nokkuð vel útfært og smellpassar við svipinn á hundinum.

[Jens Guð, 1.7.2009 kl. 13:06]

  Villi,  þessi á neðstu myndinni er verulega kindarlegur.  Það verður að segjast eins og er.

[brahim, 1.7.2009 kl. 14:40]

Þessi skrif þín um hundana sem eiga að vera fyndin að þínu mati, eru það hreint ekki. Þetta kallast að niðurlægja dýr að mínu mati,og á ekkert skylt við fyndni. Heldur hræsni af leiðinlegustu sort. Ættir kannski að dubba sjálfan þig upp á þennan hátt og sýna á síðunni þinni. Skora hér með á þig að gera það, svo hægt sé að hlægja að þeirri fyndni. Taktu nokkrar myndir af þér í svipuðum búningum og hundarnir eru í.

[Jens Guð, 1.7.2009 kl. 21:49]

  Brahim,  svona okkar á milli get ég trúað þér fyrir því að hundarnir á myndunum vita ekki af birtingu þeirra hér á þessu bloggi.  Þess vegna niðurlægir birtingin ekki dýrin.  En láttu það ekki fara lengra.  Hafðu það bara fyrir þig.

  Ég hef birt á þessum vettvangi margar myndir af mér í búningum líkum þessum.  Á myndinni sem fylgir þessu svari er ég í samskonar flík og hundurinn á þriðju neðstu myndinni.

  Það hafa ýmsir nefnt að blogglesendur eru áberandi pirraðir þessa dagana.  Þú getur huggað þig við það.  Þú ert ekki einn um að grenja úr fúllyndi.  Það er gott að þú skulir ekki halda aftur af þér heldur leyfa tárunum að flæða.  Það er hreinsandi.  Ég veit að þér líður miklu betur á eftir.

[Jens Guð, 2.7.2009 kl. 00:34]

  Brahim,  ég vil bæta því við að ég kíkti á bloggið þitt um daginn.  Ég var sá fyrsti sem heimsótti það þá vikuna.  Til hamingju með það.  Það voru sem sagt fleiri en þú sem lásu bloggið þitt þá vikuna. 

  Reyndar var það þess eðlis að bið verður á að ég kíki á það aftur.  Engu að síður.  Það eru tímamót að fleiri en þú kíkir á bloggið þitt.  Jafnvel þó ég kíki ekki á það aftur.  Það er svo leiðinlegt.  En samt...