Ókeypis! Ókeypis! Sunnudagur til sælu

  Fólk er alltaf tilbúið að fara þangað sem því býðst eitthvað ókeypis.  Þetta benti sjálfur Davíð Oddsson á þegar fréttir bárust af aukinni ásókn fátækra í matarstyrk hjá Fjölskylduhjálp Íslands og Mæðrastyrksnefnd og súpueldhús Samhjálpar.  Sjálfur lætur Davíð sig ekki vanta þegar honum býðst eitthvað ókeypis.  Þannig lagði hann á sig ferð úr Skerjafirði austur til Suðurlandsbrautar er honum bauðst ókeypis hamborgari í McDonalds.

  Næsta víst er að á morgun verði aftur lagt upp í ferðalag úr Skerjafirði.  Fólk sem heitir Davíð og getur sannað það með skilríkjum fær ókeypis Metró-hamborgara á morgun.  Ef Davíð leggur snemma af stað getur hann náð þremur sveittum:  Einum á Suðurlandsbraut,  öðrum í Kringlunni og þeim þriðja við Smáratorg.   

  Hér fyrir ofan getur að líta smáborgara.  Fyrir neðan er kennslumyndband af því hvernig bera á sig að við að snæða hamborgara.  Þeir sem aldrei hafa reynt geta ekki gert sér í hugarlund hversu erfitt er að slafra í sig einum sveittum.  Algjörlega bannað er að nota hnífapör.  Enda var hamborgari upphaflega aðferð iðnaðarmanna í Hamborg í Þýskalandi til að nærast á kjötbollu án þess að taka sér hlé frá vinnu.

  Það er sjálfur Davíð sem fer með aðalhlutverk í kennslumyndbandinu.  Hann er þýskur og gegnir eftirnafninu Hasselhoff (með sterkri áherslu á HOFF í framburði.  Heppilegast er að tuldra Hassel svo lágt að varla heyrist og hrópa síðan HOFF!).  Þessi gutti er þekktur fyrir hlutverk í sápuóperunni Sundvörðum með Pa-mellu Andersen.

Davíð fær ókeypis borgara

Athugasemdir

[Magnús Geir Guðmundsson, 31.10.2009 kl. 20:37]

Hahahahahaha, snilld hjá þér gamli, bjargar alveg deginum hjá mér!

[Ómar Ingi, 31.10.2009 kl. 22:41]

Gervigrasið að drepa þig ?.

[Siggi Lee Lewis, 1.11.2009 kl. 15:04]

Þetta er snilldar myndband af Hasselhoff........

[Sigurbjörg Sigurðardóttir, 1.11.2009 kl. 15:32]

Vorkenni nú kallinum,hann ætti bara að fá sér eina yoint betra en áfengið.

[Ingvar Valgeirsson, 1.11.2009 kl. 18:06]

Var það ekki Pétur Blöndal sem minntist á að allt sem væri ókeypis væri vinsælt?

[Jens Guð, 1.11.2009 kl. 19:11]

  Magnús Geir,  gott að deginum var bjargað.

[Jens Guð, 1.11.2009 kl. 19:14]

  Ómar Ingi,  gervigrasið reynir að drepa mig á hverjum degi.  Það hefur sjaldnast tekist. 

[Jens Guð, 1.11.2009 kl. 19:18]

  Siggi Lee,  aldeilis frábært.  Mér skilst að dóttir hans hafi sett þetta á youtube.

[Jens Guð, 1.11.2009 kl. 19:21]

  Sigurbjörg,  hann gerir það líka.  Blandar þessu öllu saman og borðar að auki e-pillur eins og sælgæti.

[Jens Guð, 1.11.2009 kl. 19:32]

Ingvar, það má alveg vera að Pétur Blöndal hafi einnig tekið svona til orða.