Bestu gítar"riff" rokksögunnar - III

  Í tveimur fyrri færslum birti ég lista ásamt tóndæmum yfir 20 bestu gítar"riff" rokksögunnar.  Listinn er fenginn úr breska rokkblaðinu Kerrang!  Tóndæmin fann ég sjálfur,  einn míns liðs,  á youtube.  Hér held ég áfram með listann og vind mér í næstu sætu.  Fyrri færslurnar eru á:  http://www.jensgud.blog.is/blog/jensgud/entry/971996/ og http://www.jensgud.blog.is/blog/jensgud/entry/972559/.

 

21.  Machine Head:  Davidian

22.  Queen:  Bohemian Rhapsody (athugið að gítar"riffið" byrjar ekki fyrr en röskar 4 mínútur eru liðnar af laginu).  Til að móðga fjölda manns læt ég flakka að fyrir minn smekk er þetta hundleiðinlegt lag og leiðinleg hljómsveit.  Illilega ofmetin.  Ekki síst fyrir raddsetningu.  Það vantar alveg dýptina,  dekkri raddir,  í þetta gól þeirra sem hljómar eins og geldingakór.

23.  The Clash:  White Riot

24.  Motörhead:  Ace of Spades

25.  The Stooges:  I Wanna be your Dog 

26.  Slipknot:  Surfacing

27.  Iron Maiden:  Hallowed be thy Name

28.  Led Zeppelin:  Communication Breakdown

29.  Black Flag:  Nervous Breakdown

30.  Megadeth:  Symphony of Destruction

Athugasemdir

[Jón Steinar Ragnarsson, 2.11.2009 kl. 08:24]

IggY pop er nett hallæristlegur þarna. Worlds greatest wannabe. Eiríkur fjalar rokksins.

[Jón Steinar Ragnarsson, 2.11.2009 kl. 10:27]

On second thought, þá má maður ekki vera alvondur við Iggy, því hann hefur gert stórmerka hluti með öðrum og frægari mönnum eins og Bowie.  Ódauðlega hluti.  Hér er eitt, sem ekki margir vita af, en það er samvinna  hans með Goran Bregovic í Arizona Dream.

[Finnur Bárðarson, 2.11.2009 kl. 17:07]

Hvar í ósköpunum er Keith ????

[Siggi Lee Lewis, 2.11.2009 kl. 17:18]

Ótrúlegt að Chuck Berry riffið (Johnny B Good) skuli ekki vera á þessum lista. Eitthvert frægasta "riff merki" rokksins.

[Jón Steinar Ragnarsson, 2.11.2009 kl. 17:38]

Hvar er Rammstein?

[Jón Steinar Ragnarsson, 2.11.2009 kl. 17:38]

Hver er Knoffler?

[Ari (IP-tala skráð) 2.11.2009 kl. 18:46]

Enn og aftur gæti mér ekki verið meira sama um poppaða  Bestu lista Kerrapps. Þeir tala ekki fyrir neina nema sjálfa sig blaðasnáparnir þar.

p.s. Megadeth er ekki með A.  

Hér má sjá Dave úr Megadeth að sýna hæfni sýna með brezkum vinum sínum http://www.youtube.com/watch?v=nWitd9gz64s

[Jens Guð, 2.11.2009 kl. 21:55]

  Jón Steinar,  það er nú það með Iggy Pop.  Hann var mikill töffari á upphafsárum The Stooges.  Sú hljómsveit ásamt MC5 kom með dáldið villta afgreiðslu í bandarísku rokksenuna og urðu hetjur pönkara (afar  pönksins).  Höfðu til að mynda mikil áhrif á Utangarðsmenn (sem krákuðu (cover) umrætt lag á plötunni  Í upphafi skyldi endinn skoða.  Liðsmenn Mínusar höfðu einnig dálæti á þessum hljómsveitum.  Ég veit ekki hvenær Iggy Pop varð gamall í rokkinu.  Hann virðist ekki vilja vera gamli maðurinn í rokksenunni heldur þátttakandi í henni sem síungur rokkari. 

[Jens Guð, 2.11.2009 kl. 22:04]

  Takk fyrir hlekkinn.  Hér er hressilegra lag með Iggy og Peaches.  Peaches hélt ansi fjörlega og vel heppnaða hljómleika hérlendis fyrir nokkrum árum.  þar naut hún aðstoðar Iggys á sjónvarpsskjá.

[Jens Guð, 2.11.2009 kl. 22:06]

  Finnur,  Keith er sárt saknað á listanum.  Sjálfur hef ég mikið dálæti á kallinum.  Ekki bara sem flottum gítarleikara heldur einnig sem töffara.

[Jens Guð, 2.11.2009 kl. 22:18]

  Siggi Lee,  ég er grútspældur yfir að Chuck sé ekki á listanum.  Hugsanlega skilgreina menn sérkenni gítarleiks hans frekar sem "intró" (inngang) en "riff".  Veit það ekki.

[Jens Guð, 2.11.2009 kl. 22:25]

  Jón Steinar (#5),  Rammstein er ekki á listanum.  Í sama tölublaði Kerrang! fær nýjasta plata Rammstein,  Liebe ist für Alle De,  fjórar stjörnur.  Sem er dáldið annað en hjá Morgunblaðinu.  Mig minnir að hún hafi aðeins fengið eina stjörnu þar.  Í Kerrang! er platan hlaðin lofi.  Hliðstæða dóma hef ég séð í þýskum og dönskum poppblöðum.

[Jens Guð, 2.11.2009 kl. 22:28]

  Mark Knopfler virðist ekki heilla þungarokkara með sínum "riffum".

[Jens Guð, 2.11.2009 kl. 22:33]

  Ari,  góðar þakkir fyrir að leiðrétta stafsetningarvillu mína.  Ég var snöggur að laga hana í færslunni.  Og lagaði stafsetningu á laginu í leiðinni.  Ég kann alveg að stafsetja nafn Megadeth.  Á nokkrar plötur með þeim og skemmti mér konunglega á hljómleikum hljómsveitarinnar í Nasa um árið.  Þeir voru skemmtilegri en ég vonaði - þrátt fyrir að lítil sem engin viðleytni væri af þeirra hálfu að hafa samband við áheyrendur á milli laga. 

[Jens Guð, 2.11.2009 kl. 22:36]

  Dave afsakaði það með þeim orðum að þeir væru fyrst og fremst að spila músík en ekki spjalla á milli laga.  Sem var ekki alveg nógu gott því gott samband við áheyrendur er desert á góðum hljómleikum.  Og hljómleikarnir voru virkilega skemmtilegir.

[Jens Guð, 2.11.2009 kl. 22:42]

  Takk fyrir hlekkinn,  Ari.  Þetta er skemmtileg klippa.

[Stefán (IP-tala skráð) 3.11.2009 kl. 08:46]

Að sjálfsögðu eiga riffin hans Keith heima ofarlega á svona listum, en þarna er vissulkega um metal-málgagn að ræða

[caid, 3.11.2009 kl. 12:59]

Nei Jens, nú gengur þú of langt! Queen leiðinleg? :O

Jæja, hver má hafa sínar skoðanir :)

Skemmtilegt blogg annars, búinn að lesa lengi en aldrei kvittað.

[Stefán (IP-tala skráð) 3.11.2009 kl. 14:18]

Að mínu mati er Queen alls ekki ofmetin hljómsveit að nokkru leiti: Allir eru þeir frábærir hljóðfæraleikarar og Freddie Mercury var að auki einn allra besti og raddmesti söngvari rokksins. Þeir voru allir gæddir þeim eiginleikum, að geta samið stórfín lög, þó að tónsmíðar Mercury standi vissulega upp úr. Sem hljómleikahljómsveit voru þeir algjörlega einstakir. Af mörgum tugum stórhljómleika sem ég hef farið á, þá standa hljómleikar með Queen nánast upp úr. Persónutöfrar Mercury á hljómleikum voruótrúlegir og ég hef aldrei séð frontmann ná öðrum eins tökum á áheyrendum. Það að finnast Queen leiðinleg  hljómsveit er svo auðvitað bara spurning um smekk. Persónulega finnst mér skemmtilegast að hlusta á tónlistina sem þeir gerðu á árunum 1973 - 1980, en alltaf áttu þeir sterkar tónsmíðar og frábæra hljómleika sem héldu þeim stöðugt á toppnum.       

[Gunnhildur Reynisdóttir (IP-tala skráð) 26.11.2009 kl. 21:10]

Ohhh, alltaf þurfið þið pönkarar að dissa Queen. En það er allt í lagi, ég er vön því. Þurfti reglulega að þola háðsglósur indie/pönk félaga minna á unglingsárum mínum um það hvað Queen væri ömurleg hljómsveit. - Segi annars stórt amen við innleggi Stefáns.

Vissuð þið annars að Queen gerðu einu sinni pönklag - lagið "Sheer Heart Attack" á plötunni News Of The World, samið af trommaranum Roger Taylor (sem ég hef alltaf sterklega grunaðan um að vera svolítill skápapönkari)? 

 Annars er það bara gaman þegar fólk er ekki allt eins, og hefur mismunandi tónlistarsmekk. Gefur lífinu lit.