Pamela Anderson lausgirt í Kaupmannahöfn

  Kanadísk-bandaríska leikkonan,  Pamela Anderson,  var sem kunnugt er í Færeyjum í síðustu viku.  Í þarlendum fréttamiðlum var hún oftar titluð sem klámdrottning eða klámleikkona.  Burt séð frá því þá gekk henni brösuglega að komast til og frá Færeyjum.  Þess vegna dvaldi hún lengur í Færeyjum en upphaflega var ætlað og sömuleiðis töluvert lengur í Kaupmannahöfn en áætlað var.  

  Í Kaupmannahöfn bjó hún á lúxushóteli með stórum svölum.  Það vakti athygli og undrun annarra hótelgesta hvað hún girti sig illa.  Margir gátu ekki setið strák sínum og smelltu mynd af klæðaburðinum.  Til að gæta velsæmis birti ég aðeins siðsömustu myndina.

  Í heimalandi Pamelu,  Bannríkjum Norður-Ameríku,  eru á sumum stöðum háar fjársektir og jafnvel fangelsun við því að vera illa girt.   

 

------------------------------------------------------------------

  

Athugasemdir

[Sigurður I B Guðmundsson, 6.8.2014 kl. 22:43]

Hvað ætli maðurinn sé að horfa á???

[Bjarni Gunnlaugur (IP-tala skráð) 7.8.2014 kl. 15:15]

Það dræpi þig nú varla að koma með linkinn á hinar myndirnar ;-)

[Jens Guð, 11.8.2014 kl. 22:58]

Sigurður B., ætli þetta sé ekki lífvörður með vökul augu.

[Jens Guð, 11.8.2014 kl. 22:58]

Bjarni, það væri til að æra óstöðuga.