Einföld aðferð til að verjast leigubílasvindli í útlöndum

  Víða um heim er varasamt að taka leigubíl.  Einkum er það varasamt fyrir útlendinga.  Ennþá varasamara er það þegar útlendingurinn er staddur við flugvöll.  Svo ekki sé talað um það þegar hann starir ruglaður í allar áttir;  er auðsjánlega ringlaður og með magabólgur.  

  Allir leigubílstjórar með sjálfsbjargarviðleitni gera viðkomandi umsvifalaust að fórnarlambi.  Þeir svindla á honum.  Þeir aka krókaleiðir og stilla mælinn á hæsta taxta.  Reyna að lenda á rauðu ljósi og í umferðarteppu.  

  Þegar seint og síðar meir áfangastað er náð þá er túrinn farinn að slaga í 30 þúsundkall.  

  Til er auðveld aðferð til að verjast óheiðarlegum leigubílstjórum og komast hratt,  örugglega og stystu leið á áfangastað.  Hún felst í því að taka á flugvellinum bíl með GSP tæki á leigu.  Svokallaðan bílaleigubíl.  Þá getur þú að auki ráðið því á hvaða útvarpsstöð er stillt í bílnum.  Það skiptir máli. 

Varar við leigubílum við Oslóar-flugvöll

Athugasemdir

[Gústi (IP-tala skráð) 1.6.2015 kl. 20:24]

Það er bara svo erfitt að fá eitthvað af viti út úr GPS tæki eftir nokkra bjóra, rauðvín með bakkamatnum og koníak með kaffinu. Hversu oft hefur maður ekki fengið leiðsögn á Hótel Borgarnes þegar maður ætlaði ekki lengra en á Borgina...og endað aksturinn í Hveragerði! Geti maður gengið óstuddur er vel hægt að spyrja leigubílstjórana hvað kostar á áfangastað og velja þann ódýrasta.

[Theódór Gunnarsson, 1.6.2015 kl. 21:26]

Svo er líka áglætt að sýna bílstjóranum að þú sért með GPS tæki í hendinni og sért að fylgjast með.

[Jens Guð, 1.6.2015 kl. 22:06]

  Gúsrti,  nú talar þú bara fyrir þig.  En fyrst að það virkar fyrir þig þá er það hið besta mál.  

[Jens Guð, 1.6.2015 kl. 22:07]

  Theódór,  ég vissi ekki að það væri í boði.  Takk fyrir upplýsingarnar.

[Gunnar Th. Gunnarsson, 1.6.2015 kl. 23:28]

Best að spyrja fyrirfram um verð og helst að vera búinn að fá upplýsingar um það áður.

[Jónas Ómar Snorrason, 2.6.2015 kl. 12:11]

Spyrja fyrirfram um verð, og vera viss um að gjaldmælir sé í bílnum. Sé ekki gjaldmælir í bílnum, þá eru það hustlarar!!!

[Stefán (IP-tala skráð) 2.6.2015 kl. 14:21]

Svindl og svik eru ætíð ljót. Nú voru einhverjir að reyna að svíkja fé út úr forsætisráðherra -líklega þá sauðfé

[Jónas Ómar Snorrason, 2.6.2015 kl. 16:54]

Alla vega er þetta hálf kindalegt Stefán.

[Stefán (IP-tala skráð) 3.6.2015 kl. 08:37]

Einhvern tíma var pínulítill götustrákur ( nú marg gjaldþrota með mörg fyrirtæki og dæmdur fjárglæframaður ) að reyna að bera fé á þáverandi forsætisráðherra yfir gerjuðum vínberjum. Forsætisráðherra var vaxi sínu vaxinn og hneykslaðist mjög yfir upp´ðatækinu, enda var og er sá ekki framsóknarmaður.

[Jens Guð, 3.6.2015 kl. 20:47]

Gunnar Th.,  takk fyrir góða ábendingu.  

[Jens Guð, 3.6.2015 kl. 21:35]

Jónas Ómar,  höstlarar eru væntanlega ólöglegir leigubílar.  Eða hvað?

[Jens Guð, 3.6.2015 kl. 21:36]

Stefán,  hann hefur verið eins og hálfgerður sauður síðan.