Ósvífin sölubrella

3.4.2020 | 23:56

"Hvenær drepur maður mann og hvenær drepur maður ekki mann?" spyr Jón Hreggviðsson í Íslandsklukkunni. Eðlileg spurning sem margir hafa spurt sig. Og aðra. Ennþá brýnni er spurningin: Hvenær er dýrari vara ódýrasta varan?

Í Fréttablaðinu í dag er heilsíðu auglýsing í rauðbleikum lit. Þar segir í flennistórum texta: "LÆGSTA VERÐIÐ Í ÖLLUM LANDSHLUTUM".

Í litlum og illlæsilegum neðanmálstexta má með lagni stauta sig framúr fullyrðingunni: "Orkan býður lítrann á lægsta verðinu í öllum landshlutum - án allra skilyrða."

Auðséð er á uppsetningu að auglýsingin er ekki hönnuð af fagmanni. Líka vegna þess að fagmaður veit að bannað er að auglýsa með hæsta stigs lýsingarorði. Líka vegna þess að ekki má ljúga í auglýsingum.

Ég átti erindi um höfuðborgarsvæðið. Ók framhjá nokkrum bensínstöðvum Orkunnar (Skeljungs). Þar kostaði bensínlítrinn kr. 216,80,- Nema á Reykjavíkurvegi. Þar kostaði hann kr. 188.8,-. Sú stöð var merkt í bak og fyrir textanum: "Ódýrasta eldneytisverð á landinu".

Ég var nokkuð sáttur við það. Þangað til ég ók framhjá Costco. Þar kostaði bensínlítrinn kr. 180.9,-

&nbsp;

Meginflokkur: Viðskipti og fjármál | Aukaflokkar: Ferðalög, Kjaramál, Samgöngur | Facebook

Athugasemdir

Það þarf enginn að vera hissa á því að sjá svona blekkinga auglýsingar frá Orkunni/Skeljungi. Þó að klaufalega sé að verki staðið, þá er einbeittur brotavilji að baki. Rétt eins og að eldsneytisálagning er í hæstu hæðum núna eins og FÍB hefur réttilega bent á. Græðgisvæðing hefur tekið völdin, stjórnarformaður Skeljungs / Orkunnar jú enginn annar en Jón Ásgeir.

Það er eins og nýr Baugur sé að verða til. Nýtt ,, Baugsævintýri ,, er eitthvað sem þjóðina vantar EKKI í dag.

Stefán (IP-tala skráð) 4.4.2020 kl. 04:02

Samráð og okur hefur alla tíð einkennt sölustarfsemi olíufélaga á Íslandi. Það virðist vera lögmál. Eina bótin er að starfsfólkið á stöðvunum er ljómandi.

sigurður bjarklind (IP-tala skráð) 4.4.2020 kl. 06:48

Stefán, svo skemmtilega vill til að Costco kaupir sitt bensín af Skeljungi. Samt eru bensínstöðvar Orkunnar þetta dýrari.

Jens Guð, 4.4.2020 kl. 07:58

Sigurður, sannarlega eru "bensíntittirnir" hver öðrum ljúfari, betri og hjálplegri. Reyndar mega þeir strangt til tekið ekki aðstoða fólk á plani en gera það samt.

Jens Guð, 4.4.2020 kl. 08:00

Ætli Íslendingar fjölmenni ekki til að versla við Skeljung til að samhryggjast Jóni Ásgeiri fyir að eiga ekki lengur einkaþotu,lúxussnekkju,íbúðir á Manhattan svo eitthvað sé nefnt!!!

Sigurður I B Guðmundsson, 4.4.2020 kl. 10:26

Sigurður I B, landinn stendur í biðröðum við bensíndælur Skeljungs (Orkunnar). Ákafinn er svo mikill að 2ja metra reglan er vanvirt.

Jens Guð, 4.4.2020 kl. 11:39

Ég álpaðist að Orkustöð um daginn og þar sem ég var að leggja bílnum og horfði á dæluna, þá leit hún allt í einu út eins og Jón Ásgeir, svo ég keyrði að dælu hjá öðru olíufélagi og ákvað að sniðganga Orkuna / Skeljung algjörlega framvegis.

Stefán (IP-tala skráð) 4.4.2020 kl. 11:59

Stefán, þetta hefur verið JÁ að stilla sér upp við dælurnar - til að láta vita hver er húsbóndinn á heimilinu.

Jens Guð, 4.4.2020 kl. 14:04

Aftur birtist heilsíðuauglýsingin óbreytt í Fréttablaðinu í dag og ,, baugsfnykur ,, orkunnar / skeljungs verður bara sterkari.

Menn langar auðvitað í lúxusíbúðir í New York og nýja snekkju. Neytendastofa o.fl. hljóta að fara að gera athugasemdir við þetta.

Stefán (IP-tala skráð) 6.4.2020 kl. 21:28

Stefán (# 9"), þetta kallast einbeittur brotavilji.

Jens Guð, 6.4.2020 kl. 21:37